14/August/2011

CENTRAL YMA IN MIZORAM A HNAMDANG
SUMDAWNG TE A NGAIMAWH TA!

Tuithiang Dt. 14. 8.2011 : Central YMA chuan report hrang hrang an dawn hnuin Mizoram a Mizo hming hawha hnam dang sumdawng te chu an ngaimawh ta hle a. CEC Meeting in hmalak dan tur an duanlawk tawh angin kar hmasa Inrinni khan Aizawl Khawpui chhunga hnamdang sumdawng dawr nei te an fangkual a. An hmuhchhuahte chu an hming leh an Phone number te la zelin, an chhinchhiahvek a. Chung ho kara mizo thenkhat tena ‘Hei hi ka dawr a ni e, anni hi chu ka mi chhawr te chauh an ni...’ a lo tihte pawh an chhinchhiah zel a. Chutiang taka mahni hnam leh mahni ram sum tlemte uma chhan lo tumtute chu zahpuiawm an tih thu Central YMA CEC hnatlanga thawk chhuakte chuan sawiin, mak an tih viau thu an sawi bawk!
Inrinni hmasa a an fanchhuahna a an chhinchhiahtakte hi Central YMA chuan August 10, 2011 a Central YMA Office-a in report turin an hriattir zel a ni.
An koh khawm ni hian Central YMA chuan hnam dang sumsawngte mahni hming hawhtirtute chu August 31 hma a inthiarfihlim turin a hrilh a. Mizo zawng zawngte chu an hming hnam dangte hawhtir lo turin an ngen bawk.
Hnam dangte mahni hming hawh tira sumdawntir chungchang hi an la bawhzui zel dawn tih Central YMA thuchhuah chuan a tarlang a. ILP-a hnathawh tur tarlan anga hna thawk lo hnam dangte zawnchhuah hna pawh an thawk zel dawn tih an sawi bawk a. Hei hi Mizo hnam leh Mizoram humhalh na tha tak a nih avangin Mizo mipui ten tha taka kan thlawp a hun ta takzet a ni.
Kar hmasa a hnam dang sumdawngte dap chhuahnaah khan CEC chu pawl 7 a inthenin; Dawrpui, Zarkawt, Khatla, Sikulpuikawn, Bawngkawn leh Tuikhual atanga Vaivakawn inkara hnam dang, Mizo hming hawha sumdawnga dawrkaite an enfiah a ni. Avaiin Dawr 100 chuang an dap hman a ni.

LAWRKHAWM

** Vengchhungah Ranvulh Ui leh Ar chhuak a tam leh ta hle mai a, Kawngpui leh Step ah kan ranvulh ek hmuh tur a tam leh ta hle a, Vengchhung a ti tawpin, a ti hmel mawi lo hle a, chuvangin, ranvulhtu ten kan ranvulh te i khuahkhirh ang u. Heng vanga kan ranvulh ten mi kut an tuar a nih pawhin kan sawi buai thei lovang. Ranvulh chhuah hi Dan kalh tlat a ni tih i hria ang u.
** Tunkar lo awm tur hun remchangah Branch YMA Executive Committee koh tum a ni a, Committee member-te lo inrin theuh tur a ni.
** Pi Hmunthangi W/o Pu Dothanga chu Civil Hospital-ah enkawl mek a ni.
** Pu C. Laldinliana (T.Sec.) chu Pumna avangin In lamah enkawl mek a ni.
** Pu R.D. Lalthangmawia te nupa chu hun rei tak Champhaia chhungte tlawha an thang hnuin nilaini khan dam takin an rawn haw leh ta.
** Pu Chaltea te nupa chu tunkar khan chhungkaw pawimawh avangin Kolkatta lamah an liam thla.
** Pu Mawitea (Pu Bena putea) chu thawhlehni khan zun kawng lam that lohna avangin zai a ni.
** Pu Vanlalthlana Nu Pi. Rothangmawii chu Ningani tlai khan a thisen sang a zual deuh avangin Aizawl Civil Hospital lam panpui a ni.
** Tunlai hian kan veng a thalo zawnga tihmingthang em em tu Zu zuar In 3/4 velte chu chik taka enthlak mek an ni. A thente phei chu intiamkamna nei tawh an ni a, man an nih leh chuan vengchhung chhuahsan nghal tur an ni. Ala intiam ve lo te pawh ‘Last Warning’ pek zel an ni tawh dawn a ni. Veng hming an tih chhiat tak em avangin tuman an thlavang lo hauh loh a tha ber ang.

MEMEBRPUITE CHANCHIN

** Tv. Zonunsanga leh Pu L.C.H. Vanlalruata te chu nimin khan Table Tennis State referee turin exam an nei.
** Pu Lalfakzuala (Tetea) chu Home Minister zui in Champhai lamah a zin.
** Nl. Lalfakawmi chu chhungkaw pawimawh avanga Guwahati lama a thang hnuin tunkar khan dam takin a rawn haw leh ta.
** Nl. Lalhmingmawi chu tunkar khan a lehkha zirna hmun Lucknow lam atangin chawlh hmangin a rawn haw.
** Nl. Mimi Zosangapuii chu tunkar khan a lehkha zirna hmun Delhi lam atangin a rawn haw.
** Tv. Lalchhanchhuaha chu Mizo Idol 2011 neih mekah tel ve in Audition round-ah vanduaithlak takin a tling zo ta lo. Tin, hei bakah hian kan memberpui thenkhat te pawh an tel niin kan hria. Tha taka an tih chhoh zel theih nan duhsakna kan hlan e.
** Kan veng mi, khaw hrang hranga Zirna Ina thawkte chu thla 1 zet Nipui Chawlh an hman hnuin, an hna zawm leh turin Thawhtanni khan an awmna khua ah an haw leh ta. Tluang taka an hna an thawh zel kan duhsak e.
** Nimin Inrinni khan ASI of Police lak thar tur ten Written Exam an nei. Kan Veng atang pawhin thalai tam tham takin he exam hi an hmachhawn a, tha taka an exam a, an tlin chho zel kan duhsak hle.

INKAHNA

** “Kan Colony-ah chuan Lalraw-a (Mahruaii Pasal) hian Inlarna a hmu hmasa ta ber a nih hi...!!!”
- Ex. Pu Kapchawla
** “Tuithiang Vengah hian Tv. R.Lalremliana (Rem-pate-a) tluka mi ngeiawm leh ninawm hi an awm ngai lova, an awm leh tawh bawk lovang!” - Nema, V.L.Rengpuia, Zova, Thangvunga, etc., etc. & etc.
** “U. Para’n a Sexy Boot min leisak hi vawi 2 chiah kala bun chhuak a! A phal leh hunah kala rawn bun chhuak leh mawlh ang! Beki leh Marini te chuan min la.....viau ang chu!” - Pi. Mamawii
** “Nghinglo, A mak zozai ta lutuk! Mi hnena ‘U. Vunga nen kan ni thin...’ ilo tih leh vaih chuan Freddy-a Nu hi i hmachhawn tawh ang! Tawk tawh rawh se..bakah.... Ka ngei che!” - U. Vunga
** “Srimati Lalbiak, i fapa upa ber Zalena hi duh aiin khawlaiah a tam mah mah! HSLC hi a passed ngei na turin lo khuahkhirh ve deuh tawh teh!” - Pu. Bawiha
** “Pekhlui, Nunhlimi, Sawmi, Arami tih ho vel hi Tuithiang veng thanmawh bawk an nih tak hi! An man atan Rs.400/- kher an chhungte pawhin an phut tawh lo! 40% - 80% thlenga discount mek tawh an ni e!” - Pu. Thlana & Pu. Joseph-a
** “KTP hlazir leh inkhawm zawh apianga veng chung ber thlenga kal a ngai thin hi.....ka ning chuang love! Tih than theih tak pawh alo ni e...hei ha...hui ha!” - Tv. David-a

EDITORIAL

SPORTS AH HMASAWN I TUM ANG U

Kan veng hi nuam tak leh inlungrual tak kan ni a Sports item hrang hrang ah pawh tui tak tak kan tam khawp mai hei hi thil lawmawm tak ani, amaherawhchu kan ti theih ang kan talent neihna ber kan hria em? nge kan pawngpaw
khelh ve pawp pawp mai eng game emaw ber kan han uar a kan uar lai chuan kan tinasa em em a alawmawm mahse kan tui reilo thin em hi ani pawi thin chu ni thiam tak tak nei silo in kan ti thei thum a mhse han hlawhtlinpui tham tur tak tak kan nei thin silo hi a pawi lai ber chu ani, kan venga ka vei ve leh em em chu naupang sports lama talent neitha tak tak kan veng la ti hmingtha thei tur tam tak an talent hai chhuah saklo a an awm te hi a pawi em em ani veng dang te chu sports item hrang hrang ah an veng atangin mizoram aiawhin an kal zut zut reng a heng ah tak te hian a rualawh thlak thin khawp mai mahse kan veng atang pawh in tam tak kan la chhuah ve ngei hi ka ring tlat ani.
Kan veng hi kan za vai in tangrual ila sports lamah hian nasa takin hma kan sawn thei ani tih hi ring tlat ila heng game khelhna tur kan neih ve ho table tennis, badminton te leh football practice na kan neih ve chhun ang ah te pawh hian naupang talent neitha tak tak te hi puitling zawk te hian kian thiamin hun siamsak thiam ila chance i siamsak ve ang u, damte in kan awm anga kan hall kan han puitlin ang a volley ball court tha tak kan nei bawk ang a tin hall thlang ah basketball court nen tha taka kan puitlin i beisei ila kan hall ka duh dan in ansa lo tih vanga in sawisel mai lo in kan hall ang nei phalo an tam lutuk tih hi rilru a awm chungin alo puitlin nan i tangrual zawk ang u, kum reilo te alo liam leh chuan kan veng a naupang sports lama talent neitha tak tak te hi mizoram aiawh a kal tam tak an awm tawh ang a tin India ram hmun hrang hrang a sports academy ah kan veng mi ngei tam tak anlo awm tawh ang a chumi hun tur chu tuithiang veng hian nghakhlel takin kan lo thlir reng dawn a ni

SECTION NEWS

VANAPA SECTION
1) Sum tuak nan variety Show neih tum a ni a, Branch-ah dilna thehluh phawt nise an ti a, rem tih a nih chuan hun remchang hmasa ah siam ngei nise an ti.
2) October thla hian Setion huam chhungah sum tuak nan Sangha zawrh an tum.
3) Section huam chhunga Step leh Side-drain ti faia in hlawh dilna chu Sanitation Chairman hnenah thehluh an tum.
4) YMA Day intihsiakna a overall champion trophy leh hmeichhia leh mipa football-a an trophy lak chu Section member ten inkawl chhawk nise an ti.
5) Branch committee lehhmasa berah Branch YMA Silver Jubilee budget chu pek tlak an tum.

KHUANGCHERA SECTION
1) Tuithiang Veng Telephone Directory thar an buatsaih chu karleh tawp lam khian an semchhuak dawn ta. Tunah hian ennawn mek a ni a, a tha thawkhat viau niin a lang. He Directory hi man awm lova semchhuah a ni dawn a. Hei hi a Bu hlui neite tan chauh a ni ang a, a duh dangte tan Rs. 20/- a lei theih a ni bawk ang.
2) An Section huamchhung a lo thianghlim zawk nan Middle School kawtah Chawlhni tlaia Duty thin nise an ti a. Duty Detailment hi siam niin vawiin tlai atanga duty tan a ni ang.
3) An Section huamchhunga bawlhhlawh bawm thar khai tur chu tunah hian la peihfel loh deuh a ni a, a bawm hluite thlaka tha taka khai chhunzawm zel an tum.
4) Thlan laih nikhuaa tui in tur chhawp na tur Bucket leh No pahnih ve ve chu Branch-ah donate tum a ni. Tin, kumin chhunga an project neih zinga pakhat floor-fan (2) chu lei nise an ti bawk.