11/Sep/2011

MIHARSA ZUALTE TAN EK IN MAN TLAWM SIAMSAK DAWN

Tuithiang Dt. 11.9.2011 : Govt. of India Ministry of Housing & Urban Poverty Alleviation chuan ILCSS Schema hnuaiah miharsa zualte tan R 12,500/- man (Ek in man tlawm) Economically Weaker Section, Ek In tha nei lo a sakna hmun tur nei si te tan Local Council Chairman kaltlangin ni 17/9/11 ral hmaa dilna theh luh theih a ni ang. Heng te hi dilna ah tih lan tur a ni ang : Hming, Pa Hming, EPIC No., H/No., Locality (awmna/chenna hmun). Hemi atan hian kan Ward Bialtu Pu P.C. Lalruatsanga leh kan Veng Local Council te chuan chak takin hma an la mek zel a, kan Vengchhungah mi hrasa leh Ek In nei tha lo ten he Scheme hi ngaipawimawh a, neih theih tum theuh ila a lawmawm hle ang. Tin, hei hi kan Veng leh Khawtlang changkanna leh Veng mipuite hrisel lehzualna atan a ruahman a ni. Tin, ni 12/9/11 zing dar 7 hian Tuithiang Veng Community Hall-ah NLUP Industries hnuaia trade thlangtute tan pawisa (1st installment) sem bakah Seminar neih tur a ni a. He hunah hian Line Department officer ten thusawina leh infuihna an nei ang. He hunah hian W.R.C., Horti, Piggery-a lo dawng tawh te pawh kal vek tur a ni ang.

LAWRKHAWM

** Kan Ward min bialtu Councellor Pu. Lalruatsanga hmalakna-in tunlai hian Thlanmual ah Electric Generator chak zawk buna hmalak mek a ni a. He Generator thar hi kan Veng bik chawm tura ruahman niin kan lo hria. A lawmawm hle a ni.

** Kan Vengchhung kawngpui ah Motor hnawk taka dah thin a ni a, in turn-na tur dala motor dah hi phal loh anih avangin a dah thin ten uluk deuh leh midangte tana hnawk lo tura dah thin nise a tha ang.

** Tunlai hian Vengchhungah a lo thianghlim zawk nan Bawlhhlawh paih chungchangah Veng mipuite kan inzirtir nasa hle a, a zawm pawh kan zawm tha hle bawk. Amaherawhchu, kan thli leh tui luan kawr ah bawlhhlawh te a hnawk thin hle a, bawlhhlawh vang hian step ah tui a luang nasa thin hle a ni. Chuvangin, kan tui luankawr leh kan thli te i paih fimkhur ang u.

** Pu Vanlalsiama Colney chu tunkar khan hna tul avangin Saiha lamah a zin.

** Pi Lalrithangi chu tunkar khan an khua Chawngtlai Centenary lawmna ah a kal.

** Pu V. Lalzamliana chu tunkar khan han tul avangin Phuaibuang Khua lamah a zin.

** Pi Lalthakimi te nupa chu Champhai Zotlang Jubilee lawm turin tunkar khan an zin.

** Pi Lalrinmawii chu a pasal awmna Shillong lamah nimin khan a chhuk thla.

** Pi Lalchhanhimi d/o Pi Naro-i te nufa chu tunkar khan an khua Bilkhawthlir atangin an rawn zin. ** Tunlai hian tlai lamah ruah a sur nasa hle a, natna hri len tam hun lai a nih avangin mitinte hetiang lamah hian i fimkhur tlang ang u.

MEMBERPUITE CHANCHIN

** Nl. Lalchhuanmawii chu tunkar zirtawpni khan hna tul avangin Manipur lamah a zin, damtaka a rawn haw leh thuai kan beisei.

** Nl. R.D. Lalnunmawii (Nu-i) chuan tunkar khan Scooty mawi tak a lei thar a, kan lawmpui hle.

** Tv. H. Lalfakawma chuan tunkar khan Bullet Royal Enfiled mawi tak mai a lei thar, kan lawmpui hle. Nula hovin a hnunga chuan inchuhin registration an ti mek.

** Pi Lalrinmawii chu an pa Dawngkima awmna Shillong lamah tunkar lo awm tur hian a kal dawn.

** Tv. Lalnunthara chu hun engemaw chen Pathian thu hril a Lunglei lama a thang hnuin tunkar khan damtakin a rawn haw. ** Tv. Lalmuanpuia (MPA) chuan tunhnai khan Scooty a lei thar, kan lawmpui e.

** Nl. Lalnunhlimi leh Nl R. Lalremtluangi te chu tunkar khan Chawngtlai khua ah Centenary hmangin an kal.

** Heng a hnuaia mite hian tunhnai khan zirtirtu hna an hmu thar a, kan lawmpui hle. Nl. Lalrofeli Mamit M/S D/o H. Thanmawia
Nl Jane Lalmuanpuii Bungthuam M/S D/o B. Thasiama
Pi Lalhriattiri (Teseni) Samtlang M/S W/o Pu Robert Malsawmkima


INKAHNA

** “Jerome, vawiin tlai chu Badminton inchawinaah ka rawn tel thei lo ang,..kan nu u damdawi In awm kha a khul chhuahna ah ka pawisa neih zawng zawng ka thawh vek a” - Sangkima

** “Tun tum chu ka che tha khawp mai,.. makpa azawngah chuan ka tling ber awm e,.. mahse, ka puzawn hi chu ka hlau tak tak lo, a awm lai hian ka hlau der mai mai thin..!!” U C. Sanga (Tarmitliana)

** “TT khel tur reng rengin kawngkhar luh dawnin Bible changkhat chhiara tawngtaina hman ziah tur..” - Pu Joseph
Sabito-a m

** “Bike thar ka nei leh chu hmeichhia ka hip phah chuang lo hle mai..keimah hian ka lawm ve hrim hrim emm atin ni...,,” - Mawitea (d mual)

** “Tunah chuan Nu-i chu a thawveng ta huai mai, achhan in hre duh em? Pasal aia a thlan zawk scooty a neih tak vang a ni..” - Khawlrema (V. Sec Leader)

** “Tunlai tleirawl ho hi chuan min ti rawlthar leh ta tlat mai..fate rual lek lek, chhelo zet zet,..a manganthlak a nih hi..” - Tv. Pu Zohminga

** “Kan Nu in fit that loh lai hi chuan W. Lungdar lamah ka awm char char rih tawh ang, engmah tak tak atih theih chuang loh. a in fit that veleh rawn chho leh keuh ila ni mai..” - Robert Kawlni-a

** “Scooty nei thar apiang te chu ka hnenah lo in report thin rawh u, khalh ka lo zirtir thin ang che u” - Tv. Tluangtea (V. Sec)


<b>EDITORIAL

NUN DIK LEH THA...

Mihringte hi kawng hrang hrangah kan nundan leh kan awm dan a zirin kan sualin kan sual lo thei awm e, amaherawhchu, sualna hi mirhing kan nih tawh chuan keimahni ah hian a bet tel tla a. Khawvel a kan awm chhung chuan tha famkim kan awm lova, kan nitin nun, khawtlang enkawlna leh rawngbawlna ah hian thil tha lo leh sual hian kan kiang velah hna a thawk nasa hle a, hei vang hian khawtlang leh Kohhran hi siam a ni reng a ni. Mitin ten kan buaipui em em, ruihtheih thilte leh rukruk te pawh hi engtin nge kan khawtlang leh Kohhran hian kan do anga kan tih rem ang tih hi kan ngaihtuah ngai em? Tunmah hian ruihtheih thil leh rukrukna sual te hi tih an duh a rinawm loh hle, amaherawhchu, keimahni ah hian sual lian tak a lo awm leh thin a, hei hian sual kawng hrang hrangah min hnuk lut leh thin zawk a ni. Chuvangin, keini ringtu te hian heng sual khawtlang ti buaitu leh ti hmelhemtute hi kan paih bo a tul tawh hle mai. heng sualte hi paihbo na tur atan hian tunge pawimawh ber le..!! Heng kan khawtlang hmelma, sual chi hrang hrangte hi hneh thei tur chuan keimahni hi kan pawimawh ber a ni tih kan hriat thar leh a tul hle a, keimahni ah hian ringtu nun tak tak a awm em tih hi i en fo ang u. Tichuan, kan khawtlang leh kan Kohhran hian hma nasa takin a sawn dawn a ni. SECTION NEWS TATESENA SECTION 1) Chawlhni hmasa khan D Mualah zu litre 5 an man a, a neitute hi intiamkamna neih tirin ti tawh lo tura hriattir an ni. 2) An Section bungraw hawh duh tan a kawltu Pu Malsawmliana (Masawma) hnenah hawh man pe lawkin receipt laka hawh theih reng a ni e. 3) Branch YMA committee hnuhnung ber ni 6/9/11 khan an Section budget chu tlakin cheng 500/- in an khum a ni. CULTURE SUB-COMMITTEE TYMA Culture Sub-Committee te chuan kumin chhunga an budget R 2000/- chu an tlak. Tin, Tunlai hian C.M. Running Trophy atan an inbuatsah mek a, Zan lamah lam an zir ngawrh thei hle a, memberte Hnam lam zir theuh turin an inngen.