GOVT. TUITHIANG MIDDLE SCHOOL TEN VENGCHHUNG AN TIFAI
Dt.23.10.2011 Lentupui: Govt Tuithiang Middle School zirlaite chuan an project pakhat khawtlang thenfai hna chu tunkar zirtawpni ni 21.10. 2011 khan Khuangchera section huamchhunga kawngpui leh step vel thianfaiin hnatlang an nei a. Hemi ni nileng hian lehkha zir lovin zing dar 9:30 atanga thawk tanin chawhnu dar 2 vel thleng an thawk a ni.
Faina kawnga Tuithiang vengin hma alo sawn zel theih nan naupangte atanga tan lak hi a pawimawh em em a, chu chu hriain an zirtirtute hian naupangte chu kumin chhunga an project pakhat atan vengchhung thenfai hnatlang an neihtir a ni. He an project bawhzui hian vengchhung hmun thenkhat an thianfai tan a, Khuangchera section atanga tanin section dangte pawh la tihfai zel an tum a ni.
Hetianga zirna mai piah lama faina lama hma kan sawn zel theihna tura hma la tu Tuithiang Veng Middle School Head Master leh zirtirtute khawtlangin kan nei hi kan vannei takzet a,veng mipui ten an hmalakna hi i thlawp theuh ang u.
LAWRKHAWM
** Venglai Tuikhur thlang zawk pipe hmanga pawt thintu thenkhat ten tui pawh an duhthawh ta deuh mah mah niin a lang! Khua a thal chhoh tak avangin nileng-zankhua a he Tuikhura Tui pipe hi a theih ta lo. He Tuikhur tlan thintu mipui te tan hian Insukna tur tui a awmlo ta fo mai a, ! “Sem sem dam dam, Ei-bil thi thi...” ti thintu kan Pi leh Pute thufing kha i hre reng ang u! Chhun ah phei chuan pipe tum miah loh a hun ta e!
** December 10, 2011 ( Inrinni) a TYMA tena Pu. Sailothanga Sailo duhsakna dawnga Holiday Palace a Branch YMA Conference an neih tur chu tunlaia TYMA member te titi ber pakhat a ni ta. He hun ah hian Chhiatni a kan Veng kan inkaihhruaina dan ennawn a ni dawn a. TYMA Active member te phei chuan kal ngei an tum a ni.
** FAINA HAPTA ah hian Tuithiang Veng hi Veng fai pawla thlan kan la ni ngai lo. Hei hi a chhan chu Chhungkaw tam zawk ten mahni In leh a vel tihfai kan tum miah loh vang a ni. Kan kawt step te, kan inbul vel hnawk tihfai hi kan mawhphurhna theuh a ni e.
** Pu H. Lalnundanga leh Pi Thangbiali te nupa chuan tunkar Ningani khan an inneih Golden Jubilee lawmna an hmang.
** Pu Lalrammawia (Mawia) Pu R. Chalkunga makpa nu chu tunkar zirtawpni khan an khua Tachhip ah a boral a, chhungkhat laina thahnem takin an zui. Kan tuarpui e.
** Pu K.C. Lalchhanhima te chuan tunhnai khan Maruti Van thar an lei.
** Pi Zaihmingthangi chu tunlai hian khawsik avangin In lamah a in enkawl mek, a lo thatchhuah leh thuai kan beisei.
** Pu Hlunthuama C/o C. Kapkima te chuan tunkar khan Taxi an lei thar.
** Pu R.D. Lalthangmawia te nupa chu in Check Up a Guwahati lama an kal hnuin tunkar khan an rawn haw.
MEMBERPUITE CHANCHIN
** Tv. Lalrinsanga kan Chanchinbu Joint Editor chuan tunhnai khan Computer IIHT Aizawl Centre hnuaia A-plus Certificate a dawng, kan lamwpui hle a ni.
** Pu. Zothansanga (Ma-a) chu hnatul avangin Guwahati ah tunkar khan a zin.
** Nl. Jordanthangi te unau chu hun engemaw chen Delhi lama an thang hnuin tunkar khan an rawn haw.
** Pu Joel Lalhruaitluanga leh Pi Lalzuitluangi te nupa chuan karhmasa khan Civil-ah fapa an nei a, an naute hi a dam loh avangin tunkar khan Durtlang-ah Admit a ni.
** Pu Zosangliana (Zote-a) chu tunkar khan a hnathawhna hmun Lungsen atangin hna tul avangin a rawn haw.
** Tv. Lalpeksanga leh Tv. P.C. Zodinpuia (Papuia) te chu hna tul avangin Samthang lamah an zin.
** Kan Branch YMA President Pu Robert Ramsangliana chu tunkar Ningani zan khan a Lung tha lo avangin an In ah a tlu a, damdawi In panpui niin, CT Scan tih a ni a, a lu ah hian thisen a tling a, amah pawh a buai hle a ni. Chanchin kan ziah lai hian New Life Hospital ICU ah dah mek a ni.
** Tv. C. Vanlalawmpuia chu Mizoram Badminton Open Lunglei a neih zawh takah Junior ah a champion a, kan lawmpui hle a ni.
** Nl. Lalhmangaihi chuan tunhnai khan Scooty a nei thar. Kan lawmpui hle.
** Nl.Lalronguri chu inneihna hmanga Khawzawl a a kal hnu in tunkar khan dam takin a rawn ho leh ta
INKAHNA (huat awih loh)
** “ David, Badminton hi i Talent a ni ta lo! Zai emaw Comedy lam emaw hi zir la i lar chhuak hma zawk ang! He Game ah hian i tel rei poh leh U. Muantea anga i partner te chawitir thintu i ni ve a ni mai!”
- Nundika
** “ He vengah hian Badminton Singles a inchawipui ngam loh ka nei lo!Min cho chu ka hmaah hian rawn ding mai rawh u. World Champion Chinese Lin Dan-a pawh khi Rs. 20/- inchawipui tur chuan engtiklai pawhin ka cho!“ - U. Muantea
** “Pu Awrhte-a U Siper em em khan An pawla lut tur ang khan min rawn chhuah a, teuh lo mai a teuh lo mai, lut duh ila cuan ASn tawnghriat loh Hlapui remah te hian khuang vaw tuah ka tang a nga, Zawngrawhkawn Phekphe-len ang dawr dawrin ka zai lam mai ang”
- Pu Hute-a UPC ve lo
** “Vengthlang lam nula nena kal rual chinah hi chuan class kalkawng hi duhaiin a tawi thin mah mah ani” -Opa Robert
** “Tunlai chu vengthlang lampang nula rim aiin Vangnu hian ka rilru a la mah mah ta zawk mai”
-Tv.Zonuna
** “U Zohming Facebook a Buy and Sales i tih ah hian racket mai bakah chhass lei tur an awm ve thin tho em?Nang ngamtlak ah “ - Rinsanga
EDITORIAL
ZIR THIAMNA TAK TAK NEN AW...
Mihring kan changkang telh telh a, lehkhathiam pawh kan tam tial tial a, naupang te te, Degree nei kan thelh ta fur mai. Thiamna hi a hlu a, thiam tumin lehkha kan zir bawk thin. Amaherawhchu, kan lehkhazir thin dan leh kan lehkhazir chhan te hi enge a nih tih hi keini zirlai te thiam kan ngaihtuah chiang ngai em?
Mizoram hi India ram State ah chuan lehkha thiam tamna ber pawl a ni a, amaherawhchu, Zirna lama kan san viau lai hian thiamna tak tak kan nei lo a, chuvangin, kan thalai tam tak lehkha thiam eizawnna nei lo leh hnathawh tur nei lo kan pung tual tual a ni. Zirlaite hian lehkha kan zir hian pass hi kan Goal ber a ni fova, chutih rual chuan a pawimawh ber chu thiamna hi a ni. Thiamna tak tak nei si lova tha taka kan pass fo chuan mi hmantlak tak tak kan ni thei ngai lovang. Zirlai thiam ringawt hi zirna in a tum a ni lova, mi hmantlak, ram leh khawtlang tana chhawr tlak, midangte tana malsawmna ni thei khawpa mi nun tha ni tura mihring chher chhuah hi zirna in a tum a ni.
Zirna in a tum bulpui ber chu kan vel a mite dawm kanga chawi kang hi a ni a, tin, kan ram leh khawtlang tana mi tangkai kan ni tur a ni. Chuvangin, Engang pawhin zir sangin, Degree pawh nei tam mah ila ram leh khawtlang tana kan inhman duh loh chuan lehkhazir miah lo awm mai mai nen kan in ang reng.
No comments:
Post a Comment