TYMA PRESIDENT PU. ROBERT RAMSANGLIANA’N MIN KALSAN TA!
( Tuithiang Veng a ngui! A rum...A tap bawk!)
Tuithiang Veng Dt. 30.10.2011 : Tuithiang Veng Branch YMA President nilai Pu. Robert Ramsangliana chuan Kar hmasa Pathianni Chawhnu dar 12:05 khan Chatuan ram min pansan ta thut mai! A hria apiang an mittui a tla a, an hnuk a ulh a. Khami Ni leh a tuk (Amah Vuini ) khan he veng hi a ngui ruai a. A damloh tirh atanga kan hlauhthawn ruk em em anga a han liam takah khan he Veng Hmun tin kha a reh a, hlim thawm hriat tur a awm lo!
Kar hmasa Ningani Zan Dar 6:15 vel khan an chenna inchung, inrela a awm mek laiin a hrisel lohna (Thisen zama thau tam) avangin thawk leh khatah nikhaw hre lovin a awm thut a. Chutianga a awm avanga chhuata na taka, a tukkhum vua a, a tluk avang khan na takin a damlo nghal a. Civil Hospt. panpui a nih hnuah a tha zel tura ngaiin hawpui leh a ni a. Mahse a Lu kha na a tih em avangin Trinity Diagnostic Centre panpui niin, a Lu Scan a nih hnuah a Lu a thisen zam (vein) chu a sawh khawlo a, thisen a chhuak a ni tih hmuhchhuah a ni ta a. New Life Hospital-ah admit nghal niin, he damdawi Inah hian a chahthlak thlengin a awm zui ta a ni. Tin, a thih hma Inrinni hmasa 22/10/11 khan Pu. Robert-a Lu hi Scan leh a ni a. Hetah hian an Scan hmasak zawk aiin a thluaka thitling chu lo tam tawhin, a thluak chhungril ah te pawh a lut tawh a ni tih hmuh chhuah a ni!
Pu. Robert-a damlo hi TYMA member leh veng mipui tam tak ten an vil reng a. A awmna New Life Hospital-ah zanreh pawh awm lovin kan awmpui tlat thin a. Alo nat em avanga min peih loh san tak hnua, an chenna In lam pana a ruang phurh a nih lai pawhin he venga Lirthei nei zawng zawng deuhthaw ten an zui a. Heng ang zat mipui, ruang, lithei hmanga zuitu hi kan vengah hian an la awm lo niin sawi a ni! A ruang hi an chenna Ina thlen a nih hnuah leh a Kuang siamzawh a nih hnuah, an Inpui Pu. Thanglianzauva Inah lak chhoh a ni a. Hemi zan hian TYMA member 100 chuangin kan tlaivarpui ta a ni.
Pu. Robert Ramsangliana ruang hi tlaivar pui a nih hnuah tunkar Thawhtanni Oct. 24, 2011 Chhun Dar 12:00 khan bialtu Pastor Rev. K. Lalthangmawia’n a vuiliam a. Amah Vui tura kalkhawm mi tam tak te zingah Central YMA O.B. leh CEC member engemaw zat an rawn tel thei a ni.
TYMA chuan kan President hi Pawndum nen kan thlah liam a. Thlanmual thlengin, a zawnna tel lovin a Kuang hi kan zawn thla a. Thlan lai mi tlawmngai tena amah zahna nena a phumna tura an lo laih, feet 8 vela thukah pumin, kan thlan liam ta a ni. ( A ruang chhilh hmasa tu tur kan awm lo rei hle a, tap leh rum chunga kan awm fe hnuah.....’ val upate tur luihna nen, mittui tla zawih zawh chungin he kan President uihawm leh kan ngaih em em hi kan thlah liam ta a ni!)
LAWRKHAWM
** Khua a lo thal leh tan dawn a, mitinte tui mamawh a na sawt hle mai, chutih laiin chhun lamah Tuikhur-a tui pipe kan tam thin hle a, Insakna atana kan pipe anih pawhin tui tam lai chuh hram hram in kan hman tawk chauh leh kan mamawh tawk chauh pipe i tum ang u.
** Kan Veng Leihlawn pui chu a chhuat ah Rot a lang a, hei hi a hlauhawm hle mai a, kan V/C te chuan a thawmthat dan tur an ngaihtuah mek. He kan Lei hi kan Vengchhung kalka ber a nih avangin ngaihpawimawh a hlawh hle a ni.
** Pu Lalthangmawia chu tunkar khan in Check Up turin Kolkata lamah an kal, Pu mawi a hi Pu Lalthlamuana leh Tv Lalrinliana ten an kalpui.
** Pi Malsawmdawngliani (Madawngi) chu tunlai hian Khawihli avangin In lamah a in enkawl mek.
** Pi Khawlremkimi te pitu chu hun engemaw chen Hliappui lama an thang hnuin tunkar zirtawpni khan damtakin an rawn haw.
** Lalhlupuia s/o Rochungnunga chu Rannung seh avanga hun engemaw chen Durtlang Hospital-a an awm hnuin karhmasa khan an rawn chhuak.
** Zomuana s/o Zaithangpuii chu tunkar khan Green Wood Hospital-ah a Mit a tui awm an siak chhuak, a lo thatchhuah leh thuai kan besei.
** Pi Vanlalliani w/o Bualchhuahlova chu tunkar Nilaini khan khan Khawsikpui natna avangin a boral. Khawhar chhungte kan tuarpui e.
** Lalbiaknungi c/o Zaihmingthanga chu tunlai hian Pum lam natna avangin Durtlang Hospital-ah a awm mek. ** Pu G. Lalremruata T.Sec chu tunkar khan Khawsik avangin Durtlang Hsopital-ah admit a ni.
** Pu Zaitawna te nupa chu khun engemaw chen Lunglei lama an thang hnuin tunkar khan an rawn haw.
** Pi Khawvelchhingi chu tunlai hian Khawsik leh luak avangin In lamah enkawl mek a ni.
** Pi Vanlalhliri w/o B. Lalhruaitluanga chu tunkar khan Aizawl Civil Hospital-ah a pum zai a ni a, a lo thatchhuah leh thuai kan beisei.
MEMBERPUITE CHANCHIN
** Pu Zongensanga chu kar hmasa khan a chuapa tui awm siak chhuah a ni a, In lamah a in enkawl mek, a lo thatchhuah leh thuai kan besei.
** Tv Lalnunthara kan Chanchinbu News Editor chu tunlai hian chhungkaw pawimawhna avangin Saitual lamah a zin.
** Pu Lalnundika chuan tunkar khan R15 Bike chhuak thar mawi tak mai a lei thar a, kan lawmpui hle.
** Tv. Challianmawia (U Mawia) chu tunkar khan a Accident a, a nerve a sawhchhiat avangin tunah hian Durtlang Hospital-ah admit a ni a, a lo thatchhuah leh thuai kan besei.
** Nl R. Lalbiakdiki chu Bible a ziahchhuah avangin tun thla Hriatna Magazine issue ah biangbiakna an nei a, a hrechiang duh chuan chhiar mai tur a ni e. Kan chhuang tak zet a ni.
** Pu Lalchhawnmawia (Mamawite-a) chu tunlai hian zun kawng tha lo avangin In lamah enkawl mek a ni.
** Pu Lalchhuanawma s/o Roringa chu tunkar khan rilphir natna avangin Greenwood Hospital-ah admit a ni a, a lo thatchhuah leh thuai kan besei.
** Pu V. Vanlalthanga (Mapuia) te chhungkua chu hun engemaw chen inneih hmanga Vengchhunga an awm hnuin tunkar khan Phuaibuang lamah an haw leh ta.
** Tunlai hian Vengchhung a lo thianghlim zawk nan Section pathum ten an mahni Section tin ah Duty an nei thin a, hei hi Veng mipuiten thlawp theuh turin an ngen.
( Tunkar LENTUPUI INKAHNA Column hi TYMA President Pu.Robert Ramsangliana’n Chatuan ram min pansan tak thut avangin kan tiruak ta mai! Lo hrethiam hram rawh u! Kan President duhtak kaihhruaina kha kan la khawp kham lovin, TYMA member tinte leh Veng mipui zawng zawngte hian kan Ui lutuk a! Kan hlim thei lova....kan uang thei hek lo...! Pu. Robert-a kha kan la ngai dawn chauh a nih hi.....! Pa zau, Pa biak nuam, Pa taima rum rut, Pa nelawm em em ni bawk si! Pa duh-dik leh pa thudik ngaina! Kan sawi zel dawn amah kha......Pa zaidam, pa huatthu sawilo, aw.... Pa Chhangchhia nichunga.... pa indaihzai ni thei! Pa daizau tak, a thlenna hmun apianga a mi tawn thar apiang tena an ngainat, a thlenchin a zauh poh leha Tuithiang Veng hming titha thin tu kha! Aw! U. Robert.... I hlutna hi a chanve pawh kan la sawi thiam love!
U. Robert! Kan chhuang che a, kan ui che a, kan ngai che ...
I laka kan sawi theih awmchhun chu.... ‘Min kalsan hma mah mah a ni!’ tih hi a ni e!
‘Thlamuang takin leng rawh, i chawlhna Chatuan ramah chuan,
Kan la sawiho leh dawn nia; titi khawchangin;
He veng nuam taka kanVanglai hun leh ni te.
Chumi hma erawh zawngin, kan awm thiam ta lo.....!
Kan tap thiam lova, kan nui thiam ta hek lo!
Aw nang Zaidam, hawihhawm, ngilnei, ngaihawm leh rilru tha pa!’ - LENTUPUI Ed. & Staff.
PRESIDENT ROBERT-A KAN NEI TA LO
- DMA (“‘CT Scan result-ah chuan, a thluakah thisen a tling, an ti a, a dinhmun a tha vak lo’, tih message ka dawn hnuah pawh ngaih that lohna lutuk leh hlauhthawnna em em ka nei lova. Mahse, a tuk zirtawpniah chuan nilengin engtin emawni hian ka rilruah a awm a, min liam san mai tur ang hian ka ngai tlat a, ka hnuk a ulh tel tlat bawk a. Heng thu hian min nuai zui a, ka mittui ka dang zo meuh lo. Ka thinlungah hian min hnawh a, khawihli hnai tur ang mai hian min tur ut ut a, ka tawt up up avangin tih awm a nih leh nih loh pawh ngaihtuah lo chuan heng thu hi a la dam lai reng chuan hnuk ulh vanga mittui parawl teuh chungin ka ziak a, lo harh chhuak leh se, ‘U Robert, min kalsan ngei dawn ni a ka hriat avangin heng hi ka lo ziak advance vela’, ti a amah ngei chhiar tir ka chak a. Mahse, chhiartir tur a awm ta si lo. Keimah bawkin mittui nen chhiar a tul leh si. Heng ka lo ziah vang hian em ni heti khawpa kan ui chung che a i kal luih. I duh loh zawng ka ti a, i pawi ka sawi anih chuan U Robert, min ngaidam ang che aw!”)
Tuithiang Veng hian kan hriat sen loh kan lo vui liam ve tawh a, thihna hian khawtlang min vêl ngai lo. U Robert-a, naupang leh upate ngainat, thalaite kawm ngeih leh a chhungte innghahna, chhiarsen loh mihring zinga mi bik thihnain min nuai meuh chuan kan tap lo thei lo a ni. Angel ten an sûn Van lalfa ang khan, amah sûntute hnenah hian a lo kir tawh dawn si lo. Khawvel hian min lo dem suh u, kan veng tana mihring hlu ber uiin kan tap anih hi.
Thai nunnem leh hrai riang tur pawh lainatna nei lovin, mihring hlu pawh zahna nei lovin, thinlunga thianghlim lakah pawh ngilneihna nei lovin, mi hming tha pawh zuah duh lovin, thihna hi a nunrawng a lo ni. He thihna vang hian maw kan phal loh kan chân a, kan thlakhlelh kan sûn?
Vana rorelnaah khian tel ve ila, ‘Ani hi chu leilung awm chhunga dam reng tlak a ni,’ tih kan châk a. Van mite zingah hringmi inrawlh a thiang si lo. Khuarel dan zawh loh vangin kan fak kha kan ngaih a chang a, kan chhuan kha kan ui a ni ta a, kan thlamuanna kha kan sûn a, min hnem thintu khan min vêl ta a nih hi.
Van mite u, kan zawhna hi min chhang teh u. Ani ang mi tha leh tangkai hi engtikahnge min pek leh ang? Kohhrante u, min hrilh teh u, Missionary, upa leh puithiamah pawh ani aia mi ngil hming hi in lam ngai em ni? Pa-te u, sawm rual pawh intêl khawm ula, in luah zo dawn em ni a hmun ruak hi. Chûn nunnemte u, kan ngen a che u, a aiawh zo min hrinsak turin. Y.M.A te u, in sawi seng dawn em ni a hnathawh zo zaite kha? Thalaite u, tuar ula, tap rawh u, lungngaiin rûm ula, chin tawk nei lovin sûn rawh u. Ani ang hruaitu tlawmngai leh zui tlak, huaisen leh zaidam, mihring dik hi leilung hian min pe tawh dawn si lo. Mikhualte u, sawiselbo hringmi thlân in zawn chuan kan lo kawhhmuh ang che u, chutiang mi chu hetah hian a zâl e.
A thai hrilhhai leh hraichawi riang te u, engtinnge kan hnem dawn che u a, tuinnge hnêm ang che u. Chung Pathian chauh lo chu an awm lo. Thiang mipuite hian kan tuar zo lo a ni, kan inrin hmaa a hun lova fam a chan vang hian. Min hnem zo chu hei chiah hi, ‘Kan zingah lo kir leh se.’ Mahse khuarel kalh leh leilung dan bawhchhiatna a ni si.
Kan theih chhun chu hei chauh hi, kan thlah phal loh thlah nan chuan a nep lua mang e.
“Kan fak, kan chhuan, kan thlamuanna,
Kan ui, kan ngaih, kan nghilh loh tur;
Sakhming chul lo sakruang fam hi,
Van lal khian min zawt se;
A mal mal pawn Thiang mite hi,
‘Kan hnenah la châm rawh se, Kan vangkhaw Thiang ROVA’N,’ kan ti ang.
Kan Branch President Pu Robert Ramsangliana thlahna, tawrhpuina leh sunna Veng / Branch hrang hrang atangin a rawn lut a, kan rawn tarlang e.
† Kan Thianpa Robert-a hun lo taka mual min liamsan hi ana kan tiin kan va ui tak che em. Ram leh khawtlang tana i inpekna te kan theihnghilh ngai lovang. Robert kan va ngai dawn tak che em. Kan thinlungah i nung reng ang. I nupui fanaute Lalpan awmpui zel rawh se. - Ramtea, CYMA.
† In President boral chu Chawngtlai Br. YMA chuan kan tawrhpui takzet a che u.
- Tuaia, Secretary; Chawngtlai Branch YMA.
† Saiha-ah ka awm daih si a, Thianpa (Robert-a) boral chu pawi ka ti takzet a ni.
- Zokhuma, Bawngkawn. Camp: Saiha
† Robert-a boral chu ka ui in ka tuarna khawp mai. Hetah nasa takin ka lo sun ve e.
- Nuni (Ex.-Branch Committee Member)
† U Robert-a thi chu kan va ui tak em aw. - Hmingthani w/o Zotea, Lungsen
† In Branch President thi chu kan ui in kan tuarpui takzet a che u. - Armed Veng South Branch YMA
† In Branch President thi chu kan tuarpui takzet a che u. - Secretary; Kawnpui Venglai Branch YMA
† Pu Robert-a kha maw kan ui tak zet zetin kan tuarpui takzet a che u. - Champhai Vengthlang Branch YMA
† Awih harsa ka va ti tak em! A thian ho hian kan tuar tak zet zet a ni. CYMA Culture-a kan awm ho lai....a mak ka ti....ka rawn kal ang. - Rinsiami, Chandmari
† Robert-a thi chu ka va han ui tak em.... - Maliani (Ex.-Cultural Committee;CYMA)
† In President Robert-a chu a boral ta maw. Kan Branch-in kan tawrhpui hle mai che u. A chhungte leh YMA member zawng zawngte Lalpan awmpui che u rawh se. - Zopuia, Sairang Branch YMA
† A pawi hle mai. a kalsan tak a chhungte Pathianin awmpui zel rawh se.Tuithiang Veng Branch YMA te ka tuarpui em em a ni. - Sawma
† A kalsan tak a chhungte ka tuarpui takzet. - Patea
† Ka ui takzet a ni. - MC-a, Armed Veng South
Internet kaltlanga Lentupui Page (www.facebook.com/tuithiang) leh Lentupui Blog atanga kan dawn te :
† Chu tlangah chuan han chawl la,lei hreawm hnutiang chhawnin...fakna hla mawi chu sa in,Pa ang chhung nuam ah chuan cheng ta che.....@ Robert Ramsangliana(RIP) - Lunglen LH Fanai-
† I sakruang piallei daiah zalh che mah ila, kan nghilh lawng a sakhming. thangthar te thinlungah a cham reng ang. ka theihtawk ka hlan nang che. MANGTHA MAI LE PU.ROBERT. - Rema Renthlei
† Ava hun lo tak em..!! Hetianga mual min liam san mai hi kan phal mawlh lo a sin, mi tha leh Pa chhia pawh thliar lo, tute pawh ang khat vek a i en thin te hian kan thlahlel ngawih ngawih che a sin. I sulhnu leh i kutchhuak zawng zawng te hi kan tan chuan rohlu an chang zo ta maw -Gugu Ab
† Kan veng tan a mitang kai,veng hmangaih tak tak tu,a tak a thawk thin mifel kan chan ta,kan theih nghilh ngai tawh lovang che...zin kawng nuam le - Opa Chhangte
† Lung loh tui don in hoilopar min thliah san ta mo..fam khawpui tual nuam ah chuan hlimten leng nag che,kan nghilh long che i member ten,..i thai leh hrailengte vengtu Pathianin awmpui in hualhim mol roh se, - Moitea Renthlei
† U Robert, a la hun mawlhlo asin..i nun mawi leh dik,mi te leh lian thliarlo,YMA rilru diktak pu a he vengchhung i kaihhruaina zong2 te hi kn theihnghilh toh ngai lovang..i hmun ruak luahzo tur hi awm leh tak ang mo??kan va ui tak che em!!thlamuang takin chawl la,he i taksa thihna atang hian YMA ze diktak cu memberte thinlungah lo piang thar mawlh roh se..REST IN PEACE!
- Muanpuii Kc
† 2 Corinthians 5 1 For we know that when this earthly tent we live in is taken down (that is, when we die and leave this earthly body), we will have a house in heaven, an eternal body made for us by God himself and not by human hands. - Pardner Renthlei
† Kan va chan ropui emmm!!!! Kan veng mi ropui a fam ta!!!! - Teremi Hauhnar
† My highest condolences to his family. I really admired him and his deeds for our locality. I got alot of things to learn from him. May you rest in peace. - J Lalnun Zira
† A sawi lam aia athawh a thawk thin i nihna avang hian ka ngaisang che a kan hrereng bawk ang ce ka va ui tak ce em.
- Zohminga Hlondo
† Kan va ui tak em, kan khawtlang ti mawitu,.. kan ui tak zet e. I nupui leh fanaute Lalpan veng zel rawh se. - Rin Sanga
† Ka ui takzet,a nupui fanau te Pathian in vengin awmpui zel rwh se... - Nu-i Ralte
† One by One only the good die young...umm.. U Robert i thatna,i taimakna,i tlawmngaihna,leh i rilru thianghlimna zawng 2 te hi Pathianin nangmah uitu te zong2 thinlungah tuh ve mawlh rohse...natna leh hreawmna reng2 awm tawh lohna hmun Vanramah min kalsan ta mai hi chu a fair lo ka ti...ka ui che!!
- Mad-Z Khawlhring
SMS LEH KUTZIAKIN HETI HIAN AN TI !!!!
† Lal Robert, i va han uihawm tak em. I chetsual hma ni a i bike-a min phurh tuma i tawngte kha thinlungah a cham reng dawn a nih hi. Ka hringnun ah hian thihna awm tawhah chuan min sawk ber a la ni. Lal Isua nen kan intawh tuma sual nih in hriatna avanga ka tah tih loh ah chuan ka tah nasat ber a la ni. Nang ang pabuai indaih zai si hi kan khawtlang pawh hian kan la mamawh che a sin mawle. - Pi Beki
† Mihring tumah hi thih hun a awm lo nachungin U Robert-a kher erawh hi zawng a hun lo a, ava han hun lo lehzual tak em. Kan Veng, Tuithiang Veng hian kan la mamawh takzet a ni. Hun a liam zel anga kan khawtlang tana a hlut zia hi chu kan la hriat chhuah belh zel dawn zawng a nih hi maw, pawi hi ka va han ti tak em..Pathian hian mi dik lo leh mi thalo te chauh nilovin mi fel leh mi tha te pawh alo duh hle a ni tih U Robert-a hian mi hmuh chian tir hle a ni. Amah avang hian kan khawtlang hruaitu lu te rilru leh nunah ‘CHALLENGE’ ropui tak lo piangchhuak se a va duhawm em...U Robert, tawngka chauh nilo a atak tak leh thil tiha a rawng i bawl sak thin i Lalpa hnena mi kalsan tak avangin pawi ti hle mah ila ka thla a muanga ka lawm e. I kalsan tak i nupui leh fanaute hi Lalpan awmpuiin, veng in, hualhim mawlh rawh se. I tan kei hian engmah tih theih ka nei velo tih ka in hria , ka tih ve theih awmchhun leh hnuhnung ber he tawngkam tawite hian ka thlah a che.. “TUITHIANG VENG LEH A CHHUNGA CHENG MIPUITE HIAN KAN HMANGAIH CHE A, KAN HMANGAIH KUMKHUA TAWH ANG CHE, KAN THINLUNGAH HIAN ENGTIKAH MAH NGHILHNI I AWM LEH TAWH NGAI LOVANG....MANGTHA VAWNG VAWNG..” - Tv. Zonuna (Vanapa Section Finance Secretary)
† You belong to the ages. - David Lallawmawma
† Pu Robert-a, Tuithiang Branch YMA rawngbawlpui nuam leh mi rilru zau tak, mi rilru tha Pathian tih mi, KTP leh YMA kaldun tura duh mi, Lal Isua duh dana mi hausa leh mi retheite an zahawmna hria a angkhat veka en thiam hruaitu ropui kan chan hi kan ui tak meuh a ni. - Vanlalhrila, Tuithiang Branch KTP Leader.
† Kan Veng hian kan la mamawh che a sin Robert..!! - U Bawiha
† Pu Robert khawtlangin kan mamawh em em lai che a mual min liam san hi kan ui tak zet che a, nghilh ni reng kan nei lo’ng che.. - U Remi
† U Robert-a’n nun hlutna a sawi kha a ropui ka tiin chona thar member-teah min hnutchhiah in ka hria. Hetia midang tana nun pe hruaitu ropui kan chan hi ka ui rualin chan ropui ka ti. - Thahlira
† Pu Robert Ramsangliana keini chhung chuan kan ui hle mai che a, theih nise i tawrh ai pawh hi tawrh kan duh zawk, i hmingin Zu hi ka ngei dawn ka damchhung zawngin ka in tawh lovang tih ka tiam e..!! Tin, kei leh ka chhungte chuan Lalpa rawng chauh kan bawl tawh ang - Rochungnunga (Pa nunga)
† Midangte tahn malsawmna ni thin kan van ui tak che em..! Kan la mamawh che a sin, nang ngei hi i ni nun tam nei chu.
- Hma-i w/o Kapa
KHAWTLANG-IN KAN SUN TAK PU ROBERT RAMSANGLIANA
PRESIDENT, TUITHIANG VENG BRANCH YMA
- Branch YMA Secretary Kan sun tak Pu Robert Ramsangliana hi Tuithiang Branch YMA ah Kum 1998 atang khan a rawn inhmang tan a, a rawn inhman kum atang hian Branch Executive ah awm nghalin 1999 atang a tun a boral thleng hian Branch O.B. ah chawl miah lovin ala awm ngar ngar a. Branch O.B-a a awm atang hian Branch kut leh ke ber ni chho ngar ngar in, a kova mawhphurhna awm reng reng a hlen lo ngai lo.
Lentupui Sub-Committee Chairman - Lentupui Chairman a nih lai hian Central YMA buatsaih Ram pum a YMA Chanchinbu tha thlanna ah 1-na a nih pui a ni.
Kumpuan Sub Committee Chairman,
Dawrpui ThlanmualCommittee member.
Central YMA ah Culture Sub-Committee member leh
Disaster management Sub-Committee ah te chan vo alo chelh thin a ni.
Pu Robert Ramsangliana hi Khawtlang-in kan sun tak meuh meuh a, khawtlang-in kan sun nachhan; a mizia leh a mimal nun atang a kan rilru nat na ti zual tu te, a sun tu te vek kan nih avangin kan hre tlang vek ah ngai ila, a chanchin rawn sawi vak lo mai ila a tha awm e.
Kan thin lunga lian em em leh a mah sun na atan a ka sawi duh chu; midang phut lova a tih mai thin na te, mi tu pawh a kawm ngeih em em theihna te, mi khawngaihna nei ngah tak a nih na te leh khawtlang tan leh mi chhumchhia te tana a neih a ui miah lo hi a kalsan tak Tuithiang YMA te hian a nunah zir tur kan ngah em em in ka hria a, amah hre reng chungin khawtlang tan rilru i pe theuh ang u; tih hi ka sawi duh a ni.
I fam hmalua ka ti Robert
Lo hrethiam teh reng ila
I sakhmel leh anka liam mai tur
Ka thlir ninglo tur a.
I sulhnu i anka leng zawngten
Kan nghilh long apui apang zawng ten
hring chan chhungin,
Mahse, a hun a lo thlenga, kan rin loh
lai tak khan,
Hnutiang min chhawn ta mai si.
Lo hrethiam teh reng ila chuan maw,
Theih chang se nau ang nuihlai ni te
kan chelh ding reng mai tur a.
- Zothanpari,
Asst. Secretary;
MHIP Tuithiang Veng Branch.
NGHILH LOH NAN
- David Lallawmawma
I herliam ta maw Tuithiang Veng mawitu,
Lung a na, thinlai a dam mawlh lo;
Ngaiin au mah i a sawt si lo maw,
Tuithiang Vengin mittui nen kan thlah a che.
Suihlung mawite mah ni ila,
Thlantui fara i thahnem ngaihnate’n;
Pheilai min khaitir suilung kan rual zel e,
Dai ni i awm lo’ng kan thinlung an.
Famdairial changin sakruangin lei thuahthip karah
chham ang zal tawh mahse,
Kan nghilh lo’ng i sulhnu leh hlimthla;
I hniakhnung zui turin chak tawk lo mah ila,
Mittui nen theihtawp chhuahin zui zai kan rel zel ta nge.
EDITORIAL
Midangte tan malsawmna nih i tum ang u..!!
Kan Khawtlang tana thahnem ngai leh mahni tha leh zung, sum leh pai pawh chan huama inhmang ral mi Khawtlang tana tha tur a nih chuan eng ang mi pawh nise hmachhawn hreh lo mi huaisen leh tlawmngai,mahni hmasial lo mizo nun ze mawi ngaisangtu leh vung nung reng tu kan ni em?
Khawtlang tana pawimawh ber mai chu, keini Mizo thalaite hian kan hnam,kan ram leh kan khawtlang tan hian kan thiamna leh theihna hi khawtlang tana hmasawn nan hmang nachang kan hria em le? Kristian kan nih angin Mite tana malsawmna nih hi kan tum ber tur a ni a, tanpui ngai leh ngaihsak ngai te engtin nge kan en thin..?? Pi leh pute atanga kan chhawm tlawmngaihna leh huaisenna hi engtin nge mizo thalai te hian kan nunah kan lanchhuah tir ang?
Kan khawtlang tan hian huaisen takin ke kan pen ve ngam dawn em..?? Mi lian leh thil ti thei te pawh an dik lohna kan haichhuahsak ngam a tul viau tawh lo maw..!!Thalai mi thiam tak tak leh zir sang tak tak vengchhung ah pawh kan awm nual tawh a
kan thiamna hi khawtlang tana hmasawna leh midang tan a malsawmna atan hmanchhuah i tum ang u.
Fam chang ta kan veng YMA President pawh khan a tih thin kha...khawtlang tana a thahnemngaihna leh a in pekna zawng zawng hi thalai te hian a hnung i zui ve ang u.
( Tuithiang Veng a ngui! A rum...A tap bawk!)
Tuithiang Veng Dt. 30.10.2011 : Tuithiang Veng Branch YMA President nilai Pu. Robert Ramsangliana chuan Kar hmasa Pathianni Chawhnu dar 12:05 khan Chatuan ram min pansan ta thut mai! A hria apiang an mittui a tla a, an hnuk a ulh a. Khami Ni leh a tuk (Amah Vuini ) khan he veng hi a ngui ruai a. A damloh tirh atanga kan hlauhthawn ruk em em anga a han liam takah khan he Veng Hmun tin kha a reh a, hlim thawm hriat tur a awm lo!
Kar hmasa Ningani Zan Dar 6:15 vel khan an chenna inchung, inrela a awm mek laiin a hrisel lohna (Thisen zama thau tam) avangin thawk leh khatah nikhaw hre lovin a awm thut a. Chutianga a awm avanga chhuata na taka, a tukkhum vua a, a tluk avang khan na takin a damlo nghal a. Civil Hospt. panpui a nih hnuah a tha zel tura ngaiin hawpui leh a ni a. Mahse a Lu kha na a tih em avangin Trinity Diagnostic Centre panpui niin, a Lu Scan a nih hnuah a Lu a thisen zam (vein) chu a sawh khawlo a, thisen a chhuak a ni tih hmuhchhuah a ni ta a. New Life Hospital-ah admit nghal niin, he damdawi Inah hian a chahthlak thlengin a awm zui ta a ni. Tin, a thih hma Inrinni hmasa 22/10/11 khan Pu. Robert-a Lu hi Scan leh a ni a. Hetah hian an Scan hmasak zawk aiin a thluaka thitling chu lo tam tawhin, a thluak chhungril ah te pawh a lut tawh a ni tih hmuh chhuah a ni!
Pu. Robert-a damlo hi TYMA member leh veng mipui tam tak ten an vil reng a. A awmna New Life Hospital-ah zanreh pawh awm lovin kan awmpui tlat thin a. Alo nat em avanga min peih loh san tak hnua, an chenna In lam pana a ruang phurh a nih lai pawhin he venga Lirthei nei zawng zawng deuhthaw ten an zui a. Heng ang zat mipui, ruang, lithei hmanga zuitu hi kan vengah hian an la awm lo niin sawi a ni! A ruang hi an chenna Ina thlen a nih hnuah leh a Kuang siamzawh a nih hnuah, an Inpui Pu. Thanglianzauva Inah lak chhoh a ni a. Hemi zan hian TYMA member 100 chuangin kan tlaivarpui ta a ni.
Pu. Robert Ramsangliana ruang hi tlaivar pui a nih hnuah tunkar Thawhtanni Oct. 24, 2011 Chhun Dar 12:00 khan bialtu Pastor Rev. K. Lalthangmawia’n a vuiliam a. Amah Vui tura kalkhawm mi tam tak te zingah Central YMA O.B. leh CEC member engemaw zat an rawn tel thei a ni.
TYMA chuan kan President hi Pawndum nen kan thlah liam a. Thlanmual thlengin, a zawnna tel lovin a Kuang hi kan zawn thla a. Thlan lai mi tlawmngai tena amah zahna nena a phumna tura an lo laih, feet 8 vela thukah pumin, kan thlan liam ta a ni. ( A ruang chhilh hmasa tu tur kan awm lo rei hle a, tap leh rum chunga kan awm fe hnuah.....’ val upate tur luihna nen, mittui tla zawih zawh chungin he kan President uihawm leh kan ngaih em em hi kan thlah liam ta a ni!)
LAWRKHAWM
** Khua a lo thal leh tan dawn a, mitinte tui mamawh a na sawt hle mai, chutih laiin chhun lamah Tuikhur-a tui pipe kan tam thin hle a, Insakna atana kan pipe anih pawhin tui tam lai chuh hram hram in kan hman tawk chauh leh kan mamawh tawk chauh pipe i tum ang u.
** Kan Veng Leihlawn pui chu a chhuat ah Rot a lang a, hei hi a hlauhawm hle mai a, kan V/C te chuan a thawmthat dan tur an ngaihtuah mek. He kan Lei hi kan Vengchhung kalka ber a nih avangin ngaihpawimawh a hlawh hle a ni.
** Pu Lalthangmawia chu tunkar khan in Check Up turin Kolkata lamah an kal, Pu mawi a hi Pu Lalthlamuana leh Tv Lalrinliana ten an kalpui.
** Pi Malsawmdawngliani (Madawngi) chu tunlai hian Khawihli avangin In lamah a in enkawl mek.
** Pi Khawlremkimi te pitu chu hun engemaw chen Hliappui lama an thang hnuin tunkar zirtawpni khan damtakin an rawn haw.
** Lalhlupuia s/o Rochungnunga chu Rannung seh avanga hun engemaw chen Durtlang Hospital-a an awm hnuin karhmasa khan an rawn chhuak.
** Zomuana s/o Zaithangpuii chu tunkar khan Green Wood Hospital-ah a Mit a tui awm an siak chhuak, a lo thatchhuah leh thuai kan besei.
** Pi Vanlalliani w/o Bualchhuahlova chu tunkar Nilaini khan khan Khawsikpui natna avangin a boral. Khawhar chhungte kan tuarpui e.
** Lalbiaknungi c/o Zaihmingthanga chu tunlai hian Pum lam natna avangin Durtlang Hospital-ah a awm mek. ** Pu G. Lalremruata T.Sec chu tunkar khan Khawsik avangin Durtlang Hsopital-ah admit a ni.
** Pu Zaitawna te nupa chu khun engemaw chen Lunglei lama an thang hnuin tunkar khan an rawn haw.
** Pi Khawvelchhingi chu tunlai hian Khawsik leh luak avangin In lamah enkawl mek a ni.
** Pi Vanlalhliri w/o B. Lalhruaitluanga chu tunkar khan Aizawl Civil Hospital-ah a pum zai a ni a, a lo thatchhuah leh thuai kan beisei.
MEMBERPUITE CHANCHIN
** Pu Zongensanga chu kar hmasa khan a chuapa tui awm siak chhuah a ni a, In lamah a in enkawl mek, a lo thatchhuah leh thuai kan besei.
** Tv Lalnunthara kan Chanchinbu News Editor chu tunlai hian chhungkaw pawimawhna avangin Saitual lamah a zin.
** Pu Lalnundika chuan tunkar khan R15 Bike chhuak thar mawi tak mai a lei thar a, kan lawmpui hle.
** Tv. Challianmawia (U Mawia) chu tunkar khan a Accident a, a nerve a sawhchhiat avangin tunah hian Durtlang Hospital-ah admit a ni a, a lo thatchhuah leh thuai kan besei.
** Nl R. Lalbiakdiki chu Bible a ziahchhuah avangin tun thla Hriatna Magazine issue ah biangbiakna an nei a, a hrechiang duh chuan chhiar mai tur a ni e. Kan chhuang tak zet a ni.
** Pu Lalchhawnmawia (Mamawite-a) chu tunlai hian zun kawng tha lo avangin In lamah enkawl mek a ni.
** Pu Lalchhuanawma s/o Roringa chu tunkar khan rilphir natna avangin Greenwood Hospital-ah admit a ni a, a lo thatchhuah leh thuai kan besei.
** Pu V. Vanlalthanga (Mapuia) te chhungkua chu hun engemaw chen inneih hmanga Vengchhunga an awm hnuin tunkar khan Phuaibuang lamah an haw leh ta.
** Tunlai hian Vengchhung a lo thianghlim zawk nan Section pathum ten an mahni Section tin ah Duty an nei thin a, hei hi Veng mipuiten thlawp theuh turin an ngen.
( Tunkar LENTUPUI INKAHNA Column hi TYMA President Pu.Robert Ramsangliana’n Chatuan ram min pansan tak thut avangin kan tiruak ta mai! Lo hrethiam hram rawh u! Kan President duhtak kaihhruaina kha kan la khawp kham lovin, TYMA member tinte leh Veng mipui zawng zawngte hian kan Ui lutuk a! Kan hlim thei lova....kan uang thei hek lo...! Pu. Robert-a kha kan la ngai dawn chauh a nih hi.....! Pa zau, Pa biak nuam, Pa taima rum rut, Pa nelawm em em ni bawk si! Pa duh-dik leh pa thudik ngaina! Kan sawi zel dawn amah kha......Pa zaidam, pa huatthu sawilo, aw.... Pa Chhangchhia nichunga.... pa indaihzai ni thei! Pa daizau tak, a thlenna hmun apianga a mi tawn thar apiang tena an ngainat, a thlenchin a zauh poh leha Tuithiang Veng hming titha thin tu kha! Aw! U. Robert.... I hlutna hi a chanve pawh kan la sawi thiam love!
U. Robert! Kan chhuang che a, kan ui che a, kan ngai che ...
I laka kan sawi theih awmchhun chu.... ‘Min kalsan hma mah mah a ni!’ tih hi a ni e!
‘Thlamuang takin leng rawh, i chawlhna Chatuan ramah chuan,
Kan la sawiho leh dawn nia; titi khawchangin;
He veng nuam taka kanVanglai hun leh ni te.
Chumi hma erawh zawngin, kan awm thiam ta lo.....!
Kan tap thiam lova, kan nui thiam ta hek lo!
Aw nang Zaidam, hawihhawm, ngilnei, ngaihawm leh rilru tha pa!’ - LENTUPUI Ed. & Staff.
PRESIDENT ROBERT-A KAN NEI TA LO
- DMA (“‘CT Scan result-ah chuan, a thluakah thisen a tling, an ti a, a dinhmun a tha vak lo’, tih message ka dawn hnuah pawh ngaih that lohna lutuk leh hlauhthawnna em em ka nei lova. Mahse, a tuk zirtawpniah chuan nilengin engtin emawni hian ka rilruah a awm a, min liam san mai tur ang hian ka ngai tlat a, ka hnuk a ulh tel tlat bawk a. Heng thu hian min nuai zui a, ka mittui ka dang zo meuh lo. Ka thinlungah hian min hnawh a, khawihli hnai tur ang mai hian min tur ut ut a, ka tawt up up avangin tih awm a nih leh nih loh pawh ngaihtuah lo chuan heng thu hi a la dam lai reng chuan hnuk ulh vanga mittui parawl teuh chungin ka ziak a, lo harh chhuak leh se, ‘U Robert, min kalsan ngei dawn ni a ka hriat avangin heng hi ka lo ziak advance vela’, ti a amah ngei chhiar tir ka chak a. Mahse, chhiartir tur a awm ta si lo. Keimah bawkin mittui nen chhiar a tul leh si. Heng ka lo ziah vang hian em ni heti khawpa kan ui chung che a i kal luih. I duh loh zawng ka ti a, i pawi ka sawi anih chuan U Robert, min ngaidam ang che aw!”)
Tuithiang Veng hian kan hriat sen loh kan lo vui liam ve tawh a, thihna hian khawtlang min vêl ngai lo. U Robert-a, naupang leh upate ngainat, thalaite kawm ngeih leh a chhungte innghahna, chhiarsen loh mihring zinga mi bik thihnain min nuai meuh chuan kan tap lo thei lo a ni. Angel ten an sûn Van lalfa ang khan, amah sûntute hnenah hian a lo kir tawh dawn si lo. Khawvel hian min lo dem suh u, kan veng tana mihring hlu ber uiin kan tap anih hi.
Thai nunnem leh hrai riang tur pawh lainatna nei lovin, mihring hlu pawh zahna nei lovin, thinlunga thianghlim lakah pawh ngilneihna nei lovin, mi hming tha pawh zuah duh lovin, thihna hi a nunrawng a lo ni. He thihna vang hian maw kan phal loh kan chân a, kan thlakhlelh kan sûn?
Vana rorelnaah khian tel ve ila, ‘Ani hi chu leilung awm chhunga dam reng tlak a ni,’ tih kan châk a. Van mite zingah hringmi inrawlh a thiang si lo. Khuarel dan zawh loh vangin kan fak kha kan ngaih a chang a, kan chhuan kha kan ui a ni ta a, kan thlamuanna kha kan sûn a, min hnem thintu khan min vêl ta a nih hi.
Van mite u, kan zawhna hi min chhang teh u. Ani ang mi tha leh tangkai hi engtikahnge min pek leh ang? Kohhrante u, min hrilh teh u, Missionary, upa leh puithiamah pawh ani aia mi ngil hming hi in lam ngai em ni? Pa-te u, sawm rual pawh intêl khawm ula, in luah zo dawn em ni a hmun ruak hi. Chûn nunnemte u, kan ngen a che u, a aiawh zo min hrinsak turin. Y.M.A te u, in sawi seng dawn em ni a hnathawh zo zaite kha? Thalaite u, tuar ula, tap rawh u, lungngaiin rûm ula, chin tawk nei lovin sûn rawh u. Ani ang hruaitu tlawmngai leh zui tlak, huaisen leh zaidam, mihring dik hi leilung hian min pe tawh dawn si lo. Mikhualte u, sawiselbo hringmi thlân in zawn chuan kan lo kawhhmuh ang che u, chutiang mi chu hetah hian a zâl e.
A thai hrilhhai leh hraichawi riang te u, engtinnge kan hnem dawn che u a, tuinnge hnêm ang che u. Chung Pathian chauh lo chu an awm lo. Thiang mipuite hian kan tuar zo lo a ni, kan inrin hmaa a hun lova fam a chan vang hian. Min hnem zo chu hei chiah hi, ‘Kan zingah lo kir leh se.’ Mahse khuarel kalh leh leilung dan bawhchhiatna a ni si.
Kan theih chhun chu hei chauh hi, kan thlah phal loh thlah nan chuan a nep lua mang e.
“Kan fak, kan chhuan, kan thlamuanna,
Kan ui, kan ngaih, kan nghilh loh tur;
Sakhming chul lo sakruang fam hi,
Van lal khian min zawt se;
A mal mal pawn Thiang mite hi,
‘Kan hnenah la châm rawh se, Kan vangkhaw Thiang ROVA’N,’ kan ti ang.
Kan Branch President Pu Robert Ramsangliana thlahna, tawrhpuina leh sunna Veng / Branch hrang hrang atangin a rawn lut a, kan rawn tarlang e.
† Kan Thianpa Robert-a hun lo taka mual min liamsan hi ana kan tiin kan va ui tak che em. Ram leh khawtlang tana i inpekna te kan theihnghilh ngai lovang. Robert kan va ngai dawn tak che em. Kan thinlungah i nung reng ang. I nupui fanaute Lalpan awmpui zel rawh se. - Ramtea, CYMA.
† In President boral chu Chawngtlai Br. YMA chuan kan tawrhpui takzet a che u.
- Tuaia, Secretary; Chawngtlai Branch YMA.
† Saiha-ah ka awm daih si a, Thianpa (Robert-a) boral chu pawi ka ti takzet a ni.
- Zokhuma, Bawngkawn. Camp: Saiha
† Robert-a boral chu ka ui in ka tuarna khawp mai. Hetah nasa takin ka lo sun ve e.
- Nuni (Ex.-Branch Committee Member)
† U Robert-a thi chu kan va ui tak em aw. - Hmingthani w/o Zotea, Lungsen
† In Branch President thi chu kan ui in kan tuarpui takzet a che u. - Armed Veng South Branch YMA
† In Branch President thi chu kan tuarpui takzet a che u. - Secretary; Kawnpui Venglai Branch YMA
† Pu Robert-a kha maw kan ui tak zet zetin kan tuarpui takzet a che u. - Champhai Vengthlang Branch YMA
† Awih harsa ka va ti tak em! A thian ho hian kan tuar tak zet zet a ni. CYMA Culture-a kan awm ho lai....a mak ka ti....ka rawn kal ang. - Rinsiami, Chandmari
† Robert-a thi chu ka va han ui tak em.... - Maliani (Ex.-Cultural Committee;CYMA)
† In President Robert-a chu a boral ta maw. Kan Branch-in kan tawrhpui hle mai che u. A chhungte leh YMA member zawng zawngte Lalpan awmpui che u rawh se. - Zopuia, Sairang Branch YMA
† A pawi hle mai. a kalsan tak a chhungte Pathianin awmpui zel rawh se.Tuithiang Veng Branch YMA te ka tuarpui em em a ni. - Sawma
† A kalsan tak a chhungte ka tuarpui takzet. - Patea
† Ka ui takzet a ni. - MC-a, Armed Veng South
Internet kaltlanga Lentupui Page (www.facebook.com/tuithiang) leh Lentupui Blog atanga kan dawn te :
† Chu tlangah chuan han chawl la,lei hreawm hnutiang chhawnin...fakna hla mawi chu sa in,Pa ang chhung nuam ah chuan cheng ta che.....@ Robert Ramsangliana(RIP) - Lunglen LH Fanai-
† I sakruang piallei daiah zalh che mah ila, kan nghilh lawng a sakhming. thangthar te thinlungah a cham reng ang. ka theihtawk ka hlan nang che. MANGTHA MAI LE PU.ROBERT. - Rema Renthlei
† Ava hun lo tak em..!! Hetianga mual min liam san mai hi kan phal mawlh lo a sin, mi tha leh Pa chhia pawh thliar lo, tute pawh ang khat vek a i en thin te hian kan thlahlel ngawih ngawih che a sin. I sulhnu leh i kutchhuak zawng zawng te hi kan tan chuan rohlu an chang zo ta maw -Gugu Ab
† Kan veng tan a mitang kai,veng hmangaih tak tak tu,a tak a thawk thin mifel kan chan ta,kan theih nghilh ngai tawh lovang che...zin kawng nuam le - Opa Chhangte
† Lung loh tui don in hoilopar min thliah san ta mo..fam khawpui tual nuam ah chuan hlimten leng nag che,kan nghilh long che i member ten,..i thai leh hrailengte vengtu Pathianin awmpui in hualhim mol roh se, - Moitea Renthlei
† U Robert, a la hun mawlhlo asin..i nun mawi leh dik,mi te leh lian thliarlo,YMA rilru diktak pu a he vengchhung i kaihhruaina zong2 te hi kn theihnghilh toh ngai lovang..i hmun ruak luahzo tur hi awm leh tak ang mo??kan va ui tak che em!!thlamuang takin chawl la,he i taksa thihna atang hian YMA ze diktak cu memberte thinlungah lo piang thar mawlh roh se..REST IN PEACE!
- Muanpuii Kc
† 2 Corinthians 5 1 For we know that when this earthly tent we live in is taken down (that is, when we die and leave this earthly body), we will have a house in heaven, an eternal body made for us by God himself and not by human hands. - Pardner Renthlei
† Kan va chan ropui emmm!!!! Kan veng mi ropui a fam ta!!!! - Teremi Hauhnar
† My highest condolences to his family. I really admired him and his deeds for our locality. I got alot of things to learn from him. May you rest in peace. - J Lalnun Zira
† A sawi lam aia athawh a thawk thin i nihna avang hian ka ngaisang che a kan hrereng bawk ang ce ka va ui tak ce em.
- Zohminga Hlondo
† Kan va ui tak em, kan khawtlang ti mawitu,.. kan ui tak zet e. I nupui leh fanaute Lalpan veng zel rawh se. - Rin Sanga
† Ka ui takzet,a nupui fanau te Pathian in vengin awmpui zel rwh se... - Nu-i Ralte
† One by One only the good die young...umm.. U Robert i thatna,i taimakna,i tlawmngaihna,leh i rilru thianghlimna zawng 2 te hi Pathianin nangmah uitu te zong2 thinlungah tuh ve mawlh rohse...natna leh hreawmna reng2 awm tawh lohna hmun Vanramah min kalsan ta mai hi chu a fair lo ka ti...ka ui che!!
- Mad-Z Khawlhring
SMS LEH KUTZIAKIN HETI HIAN AN TI !!!!
† Lal Robert, i va han uihawm tak em. I chetsual hma ni a i bike-a min phurh tuma i tawngte kha thinlungah a cham reng dawn a nih hi. Ka hringnun ah hian thihna awm tawhah chuan min sawk ber a la ni. Lal Isua nen kan intawh tuma sual nih in hriatna avanga ka tah tih loh ah chuan ka tah nasat ber a la ni. Nang ang pabuai indaih zai si hi kan khawtlang pawh hian kan la mamawh che a sin mawle. - Pi Beki
† Mihring tumah hi thih hun a awm lo nachungin U Robert-a kher erawh hi zawng a hun lo a, ava han hun lo lehzual tak em. Kan Veng, Tuithiang Veng hian kan la mamawh takzet a ni. Hun a liam zel anga kan khawtlang tana a hlut zia hi chu kan la hriat chhuah belh zel dawn zawng a nih hi maw, pawi hi ka va han ti tak em..Pathian hian mi dik lo leh mi thalo te chauh nilovin mi fel leh mi tha te pawh alo duh hle a ni tih U Robert-a hian mi hmuh chian tir hle a ni. Amah avang hian kan khawtlang hruaitu lu te rilru leh nunah ‘CHALLENGE’ ropui tak lo piangchhuak se a va duhawm em...U Robert, tawngka chauh nilo a atak tak leh thil tiha a rawng i bawl sak thin i Lalpa hnena mi kalsan tak avangin pawi ti hle mah ila ka thla a muanga ka lawm e. I kalsan tak i nupui leh fanaute hi Lalpan awmpuiin, veng in, hualhim mawlh rawh se. I tan kei hian engmah tih theih ka nei velo tih ka in hria , ka tih ve theih awmchhun leh hnuhnung ber he tawngkam tawite hian ka thlah a che.. “TUITHIANG VENG LEH A CHHUNGA CHENG MIPUITE HIAN KAN HMANGAIH CHE A, KAN HMANGAIH KUMKHUA TAWH ANG CHE, KAN THINLUNGAH HIAN ENGTIKAH MAH NGHILHNI I AWM LEH TAWH NGAI LOVANG....MANGTHA VAWNG VAWNG..” - Tv. Zonuna (Vanapa Section Finance Secretary)
† You belong to the ages. - David Lallawmawma
† Pu Robert-a, Tuithiang Branch YMA rawngbawlpui nuam leh mi rilru zau tak, mi rilru tha Pathian tih mi, KTP leh YMA kaldun tura duh mi, Lal Isua duh dana mi hausa leh mi retheite an zahawmna hria a angkhat veka en thiam hruaitu ropui kan chan hi kan ui tak meuh a ni. - Vanlalhrila, Tuithiang Branch KTP Leader.
† Kan Veng hian kan la mamawh che a sin Robert..!! - U Bawiha
† Pu Robert khawtlangin kan mamawh em em lai che a mual min liam san hi kan ui tak zet che a, nghilh ni reng kan nei lo’ng che.. - U Remi
† U Robert-a’n nun hlutna a sawi kha a ropui ka tiin chona thar member-teah min hnutchhiah in ka hria. Hetia midang tana nun pe hruaitu ropui kan chan hi ka ui rualin chan ropui ka ti. - Thahlira
† Pu Robert Ramsangliana keini chhung chuan kan ui hle mai che a, theih nise i tawrh ai pawh hi tawrh kan duh zawk, i hmingin Zu hi ka ngei dawn ka damchhung zawngin ka in tawh lovang tih ka tiam e..!! Tin, kei leh ka chhungte chuan Lalpa rawng chauh kan bawl tawh ang - Rochungnunga (Pa nunga)
† Midangte tahn malsawmna ni thin kan van ui tak che em..! Kan la mamawh che a sin, nang ngei hi i ni nun tam nei chu.
- Hma-i w/o Kapa
KHAWTLANG-IN KAN SUN TAK PU ROBERT RAMSANGLIANA
PRESIDENT, TUITHIANG VENG BRANCH YMA
- Branch YMA Secretary Kan sun tak Pu Robert Ramsangliana hi Tuithiang Branch YMA ah Kum 1998 atang khan a rawn inhmang tan a, a rawn inhman kum atang hian Branch Executive ah awm nghalin 1999 atang a tun a boral thleng hian Branch O.B. ah chawl miah lovin ala awm ngar ngar a. Branch O.B-a a awm atang hian Branch kut leh ke ber ni chho ngar ngar in, a kova mawhphurhna awm reng reng a hlen lo ngai lo.
Lentupui Sub-Committee Chairman - Lentupui Chairman a nih lai hian Central YMA buatsaih Ram pum a YMA Chanchinbu tha thlanna ah 1-na a nih pui a ni.
Kumpuan Sub Committee Chairman,
Dawrpui ThlanmualCommittee member.
Central YMA ah Culture Sub-Committee member leh
Disaster management Sub-Committee ah te chan vo alo chelh thin a ni.
Pu Robert Ramsangliana hi Khawtlang-in kan sun tak meuh meuh a, khawtlang-in kan sun nachhan; a mizia leh a mimal nun atang a kan rilru nat na ti zual tu te, a sun tu te vek kan nih avangin kan hre tlang vek ah ngai ila, a chanchin rawn sawi vak lo mai ila a tha awm e.
Kan thin lunga lian em em leh a mah sun na atan a ka sawi duh chu; midang phut lova a tih mai thin na te, mi tu pawh a kawm ngeih em em theihna te, mi khawngaihna nei ngah tak a nih na te leh khawtlang tan leh mi chhumchhia te tana a neih a ui miah lo hi a kalsan tak Tuithiang YMA te hian a nunah zir tur kan ngah em em in ka hria a, amah hre reng chungin khawtlang tan rilru i pe theuh ang u; tih hi ka sawi duh a ni.
I fam hmalua ka ti Robert
Lo hrethiam teh reng ila
I sakhmel leh anka liam mai tur
Ka thlir ninglo tur a.
I sulhnu i anka leng zawngten
Kan nghilh long apui apang zawng ten
hring chan chhungin,
Mahse, a hun a lo thlenga, kan rin loh
lai tak khan,
Hnutiang min chhawn ta mai si.
Lo hrethiam teh reng ila chuan maw,
Theih chang se nau ang nuihlai ni te
kan chelh ding reng mai tur a.
- Zothanpari,
Asst. Secretary;
MHIP Tuithiang Veng Branch.
NGHILH LOH NAN
- David Lallawmawma
I herliam ta maw Tuithiang Veng mawitu,
Lung a na, thinlai a dam mawlh lo;
Ngaiin au mah i a sawt si lo maw,
Tuithiang Vengin mittui nen kan thlah a che.
Suihlung mawite mah ni ila,
Thlantui fara i thahnem ngaihnate’n;
Pheilai min khaitir suilung kan rual zel e,
Dai ni i awm lo’ng kan thinlung an.
Famdairial changin sakruangin lei thuahthip karah
chham ang zal tawh mahse,
Kan nghilh lo’ng i sulhnu leh hlimthla;
I hniakhnung zui turin chak tawk lo mah ila,
Mittui nen theihtawp chhuahin zui zai kan rel zel ta nge.
EDITORIAL
Midangte tan malsawmna nih i tum ang u..!!
Kan Khawtlang tana thahnem ngai leh mahni tha leh zung, sum leh pai pawh chan huama inhmang ral mi Khawtlang tana tha tur a nih chuan eng ang mi pawh nise hmachhawn hreh lo mi huaisen leh tlawmngai,mahni hmasial lo mizo nun ze mawi ngaisangtu leh vung nung reng tu kan ni em?
Khawtlang tana pawimawh ber mai chu, keini Mizo thalaite hian kan hnam,kan ram leh kan khawtlang tan hian kan thiamna leh theihna hi khawtlang tana hmasawn nan hmang nachang kan hria em le? Kristian kan nih angin Mite tana malsawmna nih hi kan tum ber tur a ni a, tanpui ngai leh ngaihsak ngai te engtin nge kan en thin..?? Pi leh pute atanga kan chhawm tlawmngaihna leh huaisenna hi engtin nge mizo thalai te hian kan nunah kan lanchhuah tir ang?
Kan khawtlang tan hian huaisen takin ke kan pen ve ngam dawn em..?? Mi lian leh thil ti thei te pawh an dik lohna kan haichhuahsak ngam a tul viau tawh lo maw..!!Thalai mi thiam tak tak leh zir sang tak tak vengchhung ah pawh kan awm nual tawh a
kan thiamna hi khawtlang tana hmasawna leh midang tan a malsawmna atan hmanchhuah i tum ang u.
Fam chang ta kan veng YMA President pawh khan a tih thin kha...khawtlang tana a thahnemngaihna leh a in pekna zawng zawng hi thalai te hian a hnung i zui ve ang u.
No comments:
Post a Comment