TYMA IN SIHHMUI A MEMBER CONFERENCE NEIH TUM THULH!
( Chhiatni Fund pawisa Rs.300/- vel chauh awm tawh!)
Tuithiang Dt.6.11.2011 : Tuithiang Branch YMA chuan Holiday Palace a December 10 a TYMA Member Conference neih tura a ruahman tawh chu an thulh leh ta a. Hei hi tunlaia Branch YMA sum leh pai dinhmun a that loh em avang a ni a. Loh theih loh avanga thulh a ni ta a ni.
Dt. 4.11.2011 zana TYMA Executive Committee neih chuan hemi chungchang hi uluk takin an ngaihtuah a. He committee ah hian Branch sum leh pai dinhmun te tarlan niin, tunah hian Chhiatni Fund sum bik chu Rs. 300/- vel chauh a awm tawh a. Tin, Kuang tur Plyboard leina Branch YMA sum Rs.4000/- chuang hman a nih tawh thu leh hetih mek lai hian Chhang leh Tlaivar zana Sawhchiar man, etc bat mek ala awm thu report a ni bawk a. Tin, tunah hian Branch YMA chuan Rs.10000/- vel chauh sum a neih bawk si avangin he programme lo duanlawk tawh hi loh theih loh avanga thulh a nidawn ta ni.
Branch YMA Executive Committee chuan CHHIATNI INKAIHHRUAINA DAN ENNAWN erawhchu tih ngei turah ngaiin, kan Dan hman mek lo zirchianga hma lo la turin Branch O.B. leh Section Leader theuh te tiamin, mi 15 vel a ruat ngal a. Anni hian kan inkaihhruaina dan hi lo enhoin, Thlaleh Branch YMA Executive Committee ah pharh han an lo tum dawn a ni.
LAWRKHAWM
** Thlan siamtu ten thlan an siam zawh hmaa an bungrua an la mamawh tur te lo hmansaka lo la sawn an awm thin niin hriat a ni a, hetiang hi chin tawh loh nise a tha hle ang. Thlan siam zawh loha bungraw dahte hi inzahsak hram hram ang u.
** Tunlai hian Vengchhungah Ui leh Ar chhuak a tam leh ta hle mai a, a bikin Vengthlang lamah a tam zual a, hei hi kan khawtlang hruaituten an vil reng a, man sak an nih chuan an sawi buai thei lovang.
** Pu Rama (T.Sec) te nupa chuan tunkar khan Aizawl Civil Hospital-ah fanu phir an nei.
** Pu L. Hrangthuama te chhung chuan pick-up thar tha tak mai an lei thar. Kan lawmpui hle a ni.
** Pu C. Kapchawla u leh Pi Lalhlunmawii w/o Lallawmkima pa Pu Laldailova chu Kum 82 mi niin tunkar Thawhlehni khan Hmuntha khua ah a boral a, a vuina a kal Pi Mawitei te chhung pawh damtakin an rawn haw leh ta. Khawhar chhungte kan tuarpui e.
** Pu G. Lalremruata hun engemaw chen dam lohna avanga Durtlang Hospital-a awm chu tunkar khan that lam panin a rawn chhuak.
** Pi R. Lalnunmawii chu tunkar khan Lunglei ah inneihna hmangin a zin.
** Pi Manliani (V. Sec) chu pumna avangin In lamah enkawl mek a ni. A lo thatchhuah leh thuai kan besei
.** Pu Lalparliana Sailo leh Pu Vanlalchhuanga te chu tunkar zirtawpni khan Baktawng ah Kohhran Jubilee hmangin an kal.
** Pu Joela leh Pi Lalzuitluangi te fapa chu dam lohna avanga Durtlang Hospital lama an awm hnuin nimin Inrinni khan an rawn chhuak.
** Pu Lalmalsawma Kum 28 chu kar hmasa Inrinni zan khan inawkhlum a hmuh a ni a, tlai varpui a nih hnuin, a tuk Pathianni khan vuiliam a ni. Khawhar chhungte kan tuarpui takzet a ni.
** Pu Lalhmingliana Sailo chu hun engemaw chen damlona avanga In lama a in enkawl hnuin tunkar khan thatlam a pan niin kan lo hria.
MEMBERPUITE CHANCHIN
** Tv.Zodinmawia chu pumna avangin tunlai hian Aizawl Hospitalah enkawl mek a ni a, a lo thatchhuah leh thuai kan beisei.
** Nl. Lalnunmawii (Mawitei) chu hun engemawchen a u te awmna Khawhai lama a zin hnuin tunkar khan dam takin a rawn haw leh ta.
** Tv. Lalnunthara kan Chanchinbu News Editor chu rawngbawlna neia Lunglei lama thang hnuin tunkar khan a rawn haw.
** Nl. Lalrosangi Colney inneih hmanga Lunglei lama a zin hnuin tunkar zirtawpni khan a rawn haw.
** Pu Lalthatluanga te chuan tunkar khan Maruti 800 an lei thar a, kan lawmpui hle.
** Pu Johny Lalengmawia te chhung chuan tunkar khan Scooty thar dum mawi tak an lei. Kan lawmpui e.
** Tv. Dr. Tawnsangzela Tonson chuan bike CBR thar a lei. Kan lawmpui e.
** Tv. Challianmawia (Mawia) chu a tluk sual avanga Durtlang Damdawi In a hun rei tak awm hnuin tunkar khan that lam panin a rawn chhuak.
** Nl. F. Lalhmuzuali d/o F. Ramchangliana leh Tv H.Laldinmawia(DMA) Hlondo chu thla leh ni 16 khian Biate Kohhran Biak inah an innei dawn niin kan lo hria. Kan lawmpui rualin kan ui hle a ni.
** Pu C. Lallawmkima (Lawma) leh a thiante chu hun engemaw chen Lunglei lama rawngbawlna an neih hnuin tunkar khan an rawn haw.
SECTION NEWS
VANAPA SECTION
1) Pu Lalremtluanga Ralte te chhungin an nu leh pa Pu Chhunthuama (L) leh Pi Zathuami (L) te hriatreng nan dekchi lian tawk tak Section tan an pe a, tin, Pu Bualchhuahlova te chhungin an nu Pi Vanlalliani (L) te hriatreng nan Ketli lian tha tak Section tan an pe bawk a, heng mite hnenah hian Vanapa Section Committee chuan lawmthu a sawi tak meuh a ni.
2) Hun remchang hmasa berah Section Property thutthleng sei siama hnatlang neih tur a ni a, memberte lo inring theuh turin an in ngen a ni.
KHUANGCHERA SECTION
1) Khuangchera Section te chuan tunkar Zirtawpni khan Pu Zahena Vawk pa thau tak mai an talh a, lo dawrtute zawng zawng chungah lawmthu an sawi a, inhlawhna siam sak tu Pu Zahena te chhung chungah lawmthu an sawi bawk.
2) Kan Veng Leihlawn pui a rod lawr chu siam that an tum a, hma an la mek.
3) An Section huamchhung a lo thianghlim zawk nan chawlhni tlai tin Duty an nei a, man an awm chuan an chungah Action natak a lak a ni ang.
CENTRAL YMA CCC MEETING NILAINI AH
Central YMA chuan Nov.9,2011 (Nilaini) hian CCC Meeting Central YMA Hall ah a ko a. He Meeting ah hian kan Branch YMA aiawhin Fin. Secy. Pu. Lalrinzuala kal tura ruat a ni.He Meeting hian Khawmpui neih zawh taka thurel te bawhzui dan tur leh tul dang hrang hrang an rel ho dawn a ni.
EDITORIAL
Vengchhungah chhiattawk kan awm hian
Kan Veng hian chhiat kan tawk zing leh ta hle mai a, kumin chhung rinngawt pawh hian mi 15 vel kan invui liam a, kan Veng hi Veng lian lo tak leh Veng kalka nuam lo tak a ni a, chutih lai chuan kan chhiattawhna hian kiam lam a pan thei si lova, engtiang chiah in nge kan kal phung hi kan siam rem anga, hma kan sawn theih ang..!!
Kan Veng hi chhiattawhna atana mite duh ber leh Veng dang te awh ber kan ni thin a, Mitthi lumen, khawhar In kal, Thlan laih leh thildang ah te hian kan inchhuang ve thei hle thin. Amaherawhchu, tun kum hnih khat atang khan memberte kan chau ta nge, kan inthlahdah tan ta niin a lang. A bikin Thingpui lum tur Nula kan tlem thei lutuk hi enge a chhan ni ang le. Thlanmual a thingpui sem tur nula inhmuhzawhloh chang a tam tan ta hle mai a, kan nula te hian tan kan lak thar a va tul tak em..!!
Chhiattawk chhungte kan hnemna ber tur chu kan chanvo theuh Thlan laih, Mitthi lumen, Thingpui lum, Mitthi buhfai khawn, khawhar In kal te hi memberte hian kan ngaih pawimawh a, keimahni kuta kan dah a, kan hlen theuh hi a pawimawh ber a ni.
Tin, Vengchhungin chhiat kan tawh hian YMA hian chhiatni Fund atangin sum a hmang thin a, Fund hi kumtin Vengchhung In tinah khawn thin a ni a, luh pawh a lut tha thei hle a ni. Amaherawhchu, thil man a sang zel avangin kumtawp lamah hian sum indaih lohna a na thin hle a, kan Chhiatni Fund pawh hian sang lam a pan chu a ngai ngei ang.
TRANPUINA PE
Bethlehem Veng Sihlui Taxi Welfare te chuan Branch YMA kaltlangin kan Vengchhunga khawsak harsa tak Pu Lalhualvela te chhung chu Rs 1100/- an pe a, an chungah Branch YMA chuan lawmthu a sawi.
PEM LEHKHA PAWMSAK
Pu. Vanlalhriata te Nupa Bethlehem Veng atanga rawn pem, Di Muala Pu. Zothansanga inhnuai luah te pem lehkha chu TYMA in an pawmsak.
NOTE (inkahna Huang)
Min lo la hrethiam hram rawh u! Kan President, chatuan ram min pansan thut ta avang khan kan la nui thei lova...kan la uang thei hrih lo a ni e! Min kalsan ta kha kan la ring thei lo a..a dik bawk si! Thudik zawng zawnga huatthla la ber a ni awm e! Engpawhnise, TYMA hi kan la uang thei hrih lo a ni ber e! U. Robert, Kan va ngai tak che em! I Kalsan tak I Nupui fanaute hi Lalpa’n awmpui zel rawh se!
- Ed. & Staff;
LENTUPUI
( Chhiatni Fund pawisa Rs.300/- vel chauh awm tawh!)
Tuithiang Dt.6.11.2011 : Tuithiang Branch YMA chuan Holiday Palace a December 10 a TYMA Member Conference neih tura a ruahman tawh chu an thulh leh ta a. Hei hi tunlaia Branch YMA sum leh pai dinhmun a that loh em avang a ni a. Loh theih loh avanga thulh a ni ta a ni.
Dt. 4.11.2011 zana TYMA Executive Committee neih chuan hemi chungchang hi uluk takin an ngaihtuah a. He committee ah hian Branch sum leh pai dinhmun te tarlan niin, tunah hian Chhiatni Fund sum bik chu Rs. 300/- vel chauh a awm tawh a. Tin, Kuang tur Plyboard leina Branch YMA sum Rs.4000/- chuang hman a nih tawh thu leh hetih mek lai hian Chhang leh Tlaivar zana Sawhchiar man, etc bat mek ala awm thu report a ni bawk a. Tin, tunah hian Branch YMA chuan Rs.10000/- vel chauh sum a neih bawk si avangin he programme lo duanlawk tawh hi loh theih loh avanga thulh a nidawn ta ni.
Branch YMA Executive Committee chuan CHHIATNI INKAIHHRUAINA DAN ENNAWN erawhchu tih ngei turah ngaiin, kan Dan hman mek lo zirchianga hma lo la turin Branch O.B. leh Section Leader theuh te tiamin, mi 15 vel a ruat ngal a. Anni hian kan inkaihhruaina dan hi lo enhoin, Thlaleh Branch YMA Executive Committee ah pharh han an lo tum dawn a ni.
LAWRKHAWM
** Thlan siamtu ten thlan an siam zawh hmaa an bungrua an la mamawh tur te lo hmansaka lo la sawn an awm thin niin hriat a ni a, hetiang hi chin tawh loh nise a tha hle ang. Thlan siam zawh loha bungraw dahte hi inzahsak hram hram ang u.
** Tunlai hian Vengchhungah Ui leh Ar chhuak a tam leh ta hle mai a, a bikin Vengthlang lamah a tam zual a, hei hi kan khawtlang hruaituten an vil reng a, man sak an nih chuan an sawi buai thei lovang.
** Pu Rama (T.Sec) te nupa chuan tunkar khan Aizawl Civil Hospital-ah fanu phir an nei.
** Pu L. Hrangthuama te chhung chuan pick-up thar tha tak mai an lei thar. Kan lawmpui hle a ni.
** Pu C. Kapchawla u leh Pi Lalhlunmawii w/o Lallawmkima pa Pu Laldailova chu Kum 82 mi niin tunkar Thawhlehni khan Hmuntha khua ah a boral a, a vuina a kal Pi Mawitei te chhung pawh damtakin an rawn haw leh ta. Khawhar chhungte kan tuarpui e.
** Pu G. Lalremruata hun engemaw chen dam lohna avanga Durtlang Hospital-a awm chu tunkar khan that lam panin a rawn chhuak.
** Pi R. Lalnunmawii chu tunkar khan Lunglei ah inneihna hmangin a zin.
** Pi Manliani (V. Sec) chu pumna avangin In lamah enkawl mek a ni. A lo thatchhuah leh thuai kan besei
.** Pu Lalparliana Sailo leh Pu Vanlalchhuanga te chu tunkar zirtawpni khan Baktawng ah Kohhran Jubilee hmangin an kal.
** Pu Joela leh Pi Lalzuitluangi te fapa chu dam lohna avanga Durtlang Hospital lama an awm hnuin nimin Inrinni khan an rawn chhuak.
** Pu Lalmalsawma Kum 28 chu kar hmasa Inrinni zan khan inawkhlum a hmuh a ni a, tlai varpui a nih hnuin, a tuk Pathianni khan vuiliam a ni. Khawhar chhungte kan tuarpui takzet a ni.
** Pu Lalhmingliana Sailo chu hun engemaw chen damlona avanga In lama a in enkawl hnuin tunkar khan thatlam a pan niin kan lo hria.
MEMBERPUITE CHANCHIN
** Tv.Zodinmawia chu pumna avangin tunlai hian Aizawl Hospitalah enkawl mek a ni a, a lo thatchhuah leh thuai kan beisei.
** Nl. Lalnunmawii (Mawitei) chu hun engemawchen a u te awmna Khawhai lama a zin hnuin tunkar khan dam takin a rawn haw leh ta.
** Tv. Lalnunthara kan Chanchinbu News Editor chu rawngbawlna neia Lunglei lama thang hnuin tunkar khan a rawn haw.
** Nl. Lalrosangi Colney inneih hmanga Lunglei lama a zin hnuin tunkar zirtawpni khan a rawn haw.
** Pu Lalthatluanga te chuan tunkar khan Maruti 800 an lei thar a, kan lawmpui hle.
** Pu Johny Lalengmawia te chhung chuan tunkar khan Scooty thar dum mawi tak an lei. Kan lawmpui e.
** Tv. Dr. Tawnsangzela Tonson chuan bike CBR thar a lei. Kan lawmpui e.
** Tv. Challianmawia (Mawia) chu a tluk sual avanga Durtlang Damdawi In a hun rei tak awm hnuin tunkar khan that lam panin a rawn chhuak.
** Nl. F. Lalhmuzuali d/o F. Ramchangliana leh Tv H.Laldinmawia(DMA) Hlondo chu thla leh ni 16 khian Biate Kohhran Biak inah an innei dawn niin kan lo hria. Kan lawmpui rualin kan ui hle a ni.
** Pu C. Lallawmkima (Lawma) leh a thiante chu hun engemaw chen Lunglei lama rawngbawlna an neih hnuin tunkar khan an rawn haw.
SECTION NEWS
VANAPA SECTION
1) Pu Lalremtluanga Ralte te chhungin an nu leh pa Pu Chhunthuama (L) leh Pi Zathuami (L) te hriatreng nan dekchi lian tawk tak Section tan an pe a, tin, Pu Bualchhuahlova te chhungin an nu Pi Vanlalliani (L) te hriatreng nan Ketli lian tha tak Section tan an pe bawk a, heng mite hnenah hian Vanapa Section Committee chuan lawmthu a sawi tak meuh a ni.
2) Hun remchang hmasa berah Section Property thutthleng sei siama hnatlang neih tur a ni a, memberte lo inring theuh turin an in ngen a ni.
KHUANGCHERA SECTION
1) Khuangchera Section te chuan tunkar Zirtawpni khan Pu Zahena Vawk pa thau tak mai an talh a, lo dawrtute zawng zawng chungah lawmthu an sawi a, inhlawhna siam sak tu Pu Zahena te chhung chungah lawmthu an sawi bawk.
2) Kan Veng Leihlawn pui a rod lawr chu siam that an tum a, hma an la mek.
3) An Section huamchhung a lo thianghlim zawk nan chawlhni tlai tin Duty an nei a, man an awm chuan an chungah Action natak a lak a ni ang.
CENTRAL YMA CCC MEETING NILAINI AH
Central YMA chuan Nov.9,2011 (Nilaini) hian CCC Meeting Central YMA Hall ah a ko a. He Meeting ah hian kan Branch YMA aiawhin Fin. Secy. Pu. Lalrinzuala kal tura ruat a ni.He Meeting hian Khawmpui neih zawh taka thurel te bawhzui dan tur leh tul dang hrang hrang an rel ho dawn a ni.
EDITORIAL
Vengchhungah chhiattawk kan awm hian
Kan Veng hian chhiat kan tawk zing leh ta hle mai a, kumin chhung rinngawt pawh hian mi 15 vel kan invui liam a, kan Veng hi Veng lian lo tak leh Veng kalka nuam lo tak a ni a, chutih lai chuan kan chhiattawhna hian kiam lam a pan thei si lova, engtiang chiah in nge kan kal phung hi kan siam rem anga, hma kan sawn theih ang..!!
Kan Veng hi chhiattawhna atana mite duh ber leh Veng dang te awh ber kan ni thin a, Mitthi lumen, khawhar In kal, Thlan laih leh thildang ah te hian kan inchhuang ve thei hle thin. Amaherawhchu, tun kum hnih khat atang khan memberte kan chau ta nge, kan inthlahdah tan ta niin a lang. A bikin Thingpui lum tur Nula kan tlem thei lutuk hi enge a chhan ni ang le. Thlanmual a thingpui sem tur nula inhmuhzawhloh chang a tam tan ta hle mai a, kan nula te hian tan kan lak thar a va tul tak em..!!
Chhiattawk chhungte kan hnemna ber tur chu kan chanvo theuh Thlan laih, Mitthi lumen, Thingpui lum, Mitthi buhfai khawn, khawhar In kal te hi memberte hian kan ngaih pawimawh a, keimahni kuta kan dah a, kan hlen theuh hi a pawimawh ber a ni.
Tin, Vengchhungin chhiat kan tawh hian YMA hian chhiatni Fund atangin sum a hmang thin a, Fund hi kumtin Vengchhung In tinah khawn thin a ni a, luh pawh a lut tha thei hle a ni. Amaherawhchu, thil man a sang zel avangin kumtawp lamah hian sum indaih lohna a na thin hle a, kan Chhiatni Fund pawh hian sang lam a pan chu a ngai ngei ang.
TRANPUINA PE
Bethlehem Veng Sihlui Taxi Welfare te chuan Branch YMA kaltlangin kan Vengchhunga khawsak harsa tak Pu Lalhualvela te chhung chu Rs 1100/- an pe a, an chungah Branch YMA chuan lawmthu a sawi.
PEM LEHKHA PAWMSAK
Pu. Vanlalhriata te Nupa Bethlehem Veng atanga rawn pem, Di Muala Pu. Zothansanga inhnuai luah te pem lehkha chu TYMA in an pawmsak.
NOTE (inkahna Huang)
Min lo la hrethiam hram rawh u! Kan President, chatuan ram min pansan thut ta avang khan kan la nui thei lova...kan la uang thei hrih lo a ni e! Min kalsan ta kha kan la ring thei lo a..a dik bawk si! Thudik zawng zawnga huatthla la ber a ni awm e! Engpawhnise, TYMA hi kan la uang thei hrih lo a ni ber e! U. Robert, Kan va ngai tak che em! I Kalsan tak I Nupui fanaute hi Lalpa’n awmpui zel rawh se!
- Ed. & Staff;
LENTUPUI
No comments:
Post a Comment