TYMA GODOWN SIAM HNATLANG NEIH A NI
Tuithiang Veng Dt. 13.11.2011 : Kar hmasa Nov. 7 (Thawhtanni) tukthuan eikham atang khan TYMA Godown siamthat hnatlang neih a ni a. Member 25 vel an thawk chhuak. Hnatlang te hian Godown ngaiah, chhuar siamin, TYMA Bungrua kim taka dah theih turin hemi Ni hian an peih hman a ni a. A tawp thlenga hnatlang mi 8 vel te an fakawm hle a ni.
He hnatlang hi Sorkar chawlh denchhena koh a ni a. Hna hautak leh rim zual tum 2 vel kan President (Chatuan ram pan ta) Pu. Robert Ramsangliana hova thawh alo ni tawh a. He a hmalakna chhunzawm ve hrim hrim tum member 25 thawk chhuakte hian taima takin an tih thiam zawng hemi Ni hian an ti ngar ngar a. Hnatlangte thingpui leh a hmeh senso phuhruknan Pu. Saiaithanga’n Rs. 500/- lai a thawh bawk avangin sum leh pai dinmun nei thalo TYMA tan pawh a ko zan thlak hle a. Chawhma Dar 10 vela tan he hnatlang hi tlai dar 4:30 velah zawh theih a ni a. A tawp thlenga hnatlangte hi Pu. V.L.Zuala te chhungkua chuan an Ina chawei turin an sawm nghal a. Chaw leh Sa hmangin hnianghnar takin an lo hrai puar a, an chungah TYMA hnatlang te an lawm hle a ni.
Hnatlanga thawk chhuakte thahnem ngaihna zarah tun dinhmunah chuan TYMA Godown hi a thain, bungraw rem velte pawh a felfai leh tawh hle a. Mamawh a hawh chhuaktute leh tlawmngaia lachhuaka, a dah let leh tute pawhin a inrem sa ang thlapa dah leh i thin ang u. Bel dahna te, No dahna te, fian dahna ahte hian kan bungraw hawh kan dah leh thlap thlap theih chuan a enkawltute tana phurrit a awm ngai lovang. Tin, Nimin khan TYMA Bungrua silfai hnatlang koh leh a ni a, member thawkchhuak an thahnem lutuk lo niin kan lo hria.
LAWRKHAWM
** Local Council lamin order an chhuah hnuah Tuithiang Venglai Tuikhur thlang Pipe hmanga tlantute pawhin chhun lama tui Pipe loh an intihhmuh zel a. Kan Local Council te thupek ang hian Chhun lama he Tuikhura Pipe hip thin kan hmuhte chu an Pipe paih chhuah sakin, a theih phei chuan kan Local Council te hnenah i thlen nghal zel ang u. Tin, kan veng chhungah Lehkhachaih chaih an khap a. A tilui kan hmuhte chu hauin, kan Local Council te hnenah i thlen nghal vat zel ang u. Lehkhachaih Chaih avanga tlusual, tlasual leh inhliamte hre rengin he dan leh dun hi tha taka kenkawh i tum theuh ang u.
** Tunlai hian Veng thlang lamah Ui chhuak atam hle niin thu kan dawng a. Kalkawngah ui ek hmuh tur atam hle a, mihring tana tenawm tak leh hriselna atana pawi thei tak a nih avangin ui nei tuten chhuah loh hram tum ang u. Ui leh Ar chhuah hi Vengchhungah khap tlat anih avangin dan zawma chhuah loh hram tum theuh ang u.
** Pu. Lalsangliana (Pu. Sangte-a) te chhungkua Di Mual a awmte chuan TYMA te ngenna ngai pawimawh zo lova Zu an zawrh luih zel avang leh kan Veng tihmingchhetu berte zinga an tan tak avangin, kan veng an chhuahsan ta. Hetih mek lai hian TYMA chuan chhungkaw 3 vel an enthla mek bawk. Hetiang tih ching vengchhunga an awm leh thin hi pawi kan tiin atul anga hma lak zel thin a ni ang.
** Pu Lalthatluanga Vanapa Sec.chuan tunkar khan maruti 800 thar tha tak taxi tur atan a lei thar
** Pi Ngurauvi Vanapa Sec.chu tunlai hian luna avangin in lamah enkawl mek a ni.
** Pastor, Pu. John F. Lalhmingliana te Nupa chu Chhungkaw thil pawimawh avangin tunkar laihawl vel khan Darlung atangin an rawn haw chho. Pu. John-a chu a haw leh tawh a, an Nu Pi. Tha-i chu ala cham hrih dawn a ni.
** Pu Hmingthansanga C/o Pu Malsawmliana chuan tunkar thawhlehni khan Durtlangah fapa duhawm tak an nei
.** R. Lalhruaitluanga S/o Pu R. Lalhmangaiha chu khawsik awmna avangin Durtlangah a awm mek.
** Pu H. Lalthangmawia chu hun engemaw chen Kolkatta lama in check-up a an zu thang hnuin tunkar khan dam takin an lo haw leh ta.
MEMBERPUITE CHANCHIN
** Pu V.L. Zuala Ralte te chhung chu tunkar Thawhtanni khan Pu. Vanlalnema te Inhnuai ah an insawn chho ta.
** Tv. Challianmawia chu a tluk sual avanga Damdawi In lama enkawl a nih hnuah tunah hian an In lamah enkawl chhunzawm mek a ni a. A tha sawt viau niin kan lo hria. Kuang zawn leh Thlan vurh huna awl tum ngai miah lo Tv. Mawia hi TYMA member ten duhsakna sang ber kan hlan mawlh mawlh e.
** Pu Vanlalthlana chu Chhungkaw pawimawh avangin tunkar tir lam khan Gauhati lamah a zin thla a, dam takin a rawn haw leh tawh niin kan lo hria.
** Pu R. Zairemthanga chu a Kawng leh Dar ilo vel herha a nawm loh chhoh hnuah that lam a pan zel niin kan lo hria. ( Hmeithai emaw Pahmei ho khan lo hre rawh u, Pu. Zaia hi tharum thawh ngai chi ah phei chuan lo pun tawh miah suh u. A derdep ve teh a nia! Ed)
** Tv Lalrinliana chuan tunkar khan National Wushu championship a Imphal a neih ah Mizoram Team te a hruai a, tin, kan hriat theih chin ah kan Veng atangin Tv Lalrempuia pawh a tel bawk a ni. Hetiang mi Vengchhungin kan nei hi kan chhuang hle.
** Tv. Immanuel-a S/o Pu Thanthiauva chu dam lohna avangin Zirtawpni khan Durtlang Hospital-ah admit a ni.
** Nl. Ngaihtei chu phai lama bungraw la a zin chu tunkar khan dam takin a rawn haw.
** Nl. Loicy Laldinthari, kan correspondent chu an college aiawha Delhi lama a zin hnuin zirtawpni khan dam takin a rawn haw.
** Taitesena Section te chuan nimin Inrinni Zan khan Section Committee an nei a, hetah hian Section hmalakna thil tam tak an rel.
ARTICLE
BUK HNUHNUNG ZAWK SAK THU
- U Sanga
Kum 1983 a ni a, Bar-Thla 3-na a han nih a, Sikul Final exam kan neih hma deuh atangin, Christmas Buk sak kha Tuithiang Veng naupangho khan kan engto leh tan ta viau mai a. Ro kan han rel fe hnuah khan tuna Pu. R. Rohmingthanga kawmchhak, Pu.Vanlalnema te kawmchar...Pu. Para te Inluah thin kawmthlang ah hian sak kan rilruk ta a. Kan Nu leh Pa tam zawk tena Buk sak min tuipui loh em avangin hnim buk tak hliah theiha, kha buk ropui tak sak kha, a rukin, kan tum leh ta a ni a!
Kan phur tlang bawka, tlo leh tha taka sak kan tum a. Kan rual u zawk Ku Bawiha te, U. Thana te, U. Hminga te an rawn tel peih tak loh avangin Saikima te, Lala te hona hnuaiah khan kan han buaipui chho ta a. Kum hmasa lama kan Buk aia tha leh tlo zawk kha neih kan tum ber a nih avangin, hmun hla tak tak atangin Thingtuai lian pui pui kan zawn haw zut zut a. Tin, Pu. Zorama huana Mau te pawh kha a phal kan rin tho vang nimiah lovin, kan sat a, kan thiar chho zut zut a!
Chutiang khawpa phur a Buk kan sak tak tlat tlat hnu chuan, a ban leh a rel velte pawh chu a tha ta hlawm hle a. Tuna Pu. Masawma te In dinna vela Di to kha kan zuk at a, kan pu a, kan phur bawk a.A chungah kan han chih chhuak leh ta vek a ! A bang kha chu Buara bawk a ni leh ta chungin, kan Buk chu a mawiin, a tha a, kan chhuang ta viau mai. A chungah te khan a ruala mi 6 vel lai kan han lawn pawh khan min dawl em em mai a, lawn takah chuan tiin ruah laka a hul dawn leh dawn lo Test in kan han zung chhin vel chhen a... A chung Di tha leh chhah tak avang khan a far tlang miah lo! Chutiang khawpa Buk tha chu kan han nei ta a nih kha.
Zanah, exam dawn mah nise, chhungte min hauh hman loha reilo tal kan zuk tlawh zawk thin a. A hmel kan hmuh loh kha chuan kan ngaih a ngam thin lo! Tin Inrinni leh Chawlhni ahte chuan kan tal nileng a ni ber a. Chung hunah chuan lehkha (Playing Card) te kha Marble te, pawisa nawi inchawi tein kan deng ru thin a. Kan In-Bam a, kan in-Fish bawk thin a, kan hlim thei hle. Card trick kan thiam lova, trick erawh kan tum fo thin. Tumkhat pawh thianpa SKA (Saikima) khan Card kha a han sem den den a, a sem zawhah chuan kava zung lawk tiin a chhuak ta a. A rawn luh leh hnu chuan a tawng duh ta miah lo mai a! Kan han biak changte khan.. ‘ummm, umhhh’ kha a ti ta zel a. A ka lah kha a chip hmuk reng mai a. Chutia Darkar chanve vel lai tawng lova a awm hnuah chuan thawk leh khatah...Hmmm.... thui... uak uak...a rawn ti ta thut mai a! A ka atang chuan Tawka Ace leh Tial King zawp tawh tak mai kha a rawn phuhchhuak ta hlawl mai a! Khami tuma a card trick kha chu a chhawr thiam ta ngang lo a nih hmel!
Chutiang vel chu kan khawvel huntawng nuam ve tak a nih laiin! Tlai khat chu ka Sikul bang kha kan Buk awmna lamah khan ka tlan thla nghal a. A hmun ka zuk thlen chuan kan Buk awzawng alo awm ta lova! Meivap chauh lo chu hmuh tur alo awm lo! Thiante hmuh tur awm bawk silo...ka hrilh hi a han hai mai mai khawp a! Mahse tlai thim dawn lamah chuan chu thil thleng awmzia leh a thlen chhan chu ka hre ta a! Khami Ni khan thianpa SKA te, Lala te leh thian dang dang ho kha bukah khan an lo khawsa ho hi alo ni awm a. Tu emawni ber khan Buk chhunga meichhem kha a han rawt ta a. Kan lo chhem fo tawh thin avangin an lo chhem leh pek a. Mahse chumi tuma an meichhem chu an lo tuah alh nasa deuh nge? Thawk leh khatah a kang ding chho ta hluai mai a! Chuveleh a chhunga awmho chu an tlanchhuak ta chum chum a, Bawngpu hnahte, Tui te leh an hmuh theih ang anga, thlantla phung khawpa, thelh an tum hnu pawh chuan chu kan Buk of ‘83 chu an chhanhim zo ta lo a lo ni awm e! A hunlaia kan han ui ve zia kha aw! Mas te kha a nghahhlelhawm loh phah rawih zu nia! In hnulai chu ni ve se, in ui ve khawp ang. Kei ang hian in la hre ve reng bawk ang! Khami hnu ah kha chuan Buk Sak kha kan tuipui ta vak lo a, kan rawt chang pawh khan kan puitlin ta thin lo a nih kha!
LOCAL COUNCIL THUCHHUAK LEH LAWMTHU SAWINA
Tuikhur khuahkhirh chungchang Local Council Sitting in a lo rel tawh angin, tunah hian thal tuihna tlem hun a lo ni leh ta a, Tuithiang Veng chhunga Tuikhur zawng zawngah Pipe-a tui lak khap a ni a, Venglai Middle School bula mi chu insuk leh inbualna atana hman phal a ni. Pipe thin ten tui chawi a ngai ve tawh dawn a ni. Luhlul zual te kan awm a nih chuan pawisa chawitir an ni ang.
Tin, Pu Chhangdala kawmthlang tuikhurah insuk leh inbual khap a ni a, inbual leh insu duh te chuan hmun dangah tui khai sawn tur a ni.
Pu Siamphunga mual kalna kawng bo thin tak fur lai phei chuan kal harsa lutuk chu tunah chuan mi in phal te zarah mipui kal kawng tha a lo piang thei ta, a bul berah chuan Pu Lalparliana hian Local Council-te dil buai ngai hauh lo in nakin zela tha tur kal kawng motor kal theihna in feet 7 zet a zauin a pe a, a lawmawm kan ti takzeta, a kal zelna tur step siam phal tu mimal ram phal taka vantlang tana pe tute heng mi te chungah pawh hian kan lawm takzet a ni:
1) Pu Vanlaltluanga
2) Pu Lianrivunga (LCS pathum paltlang)
3) Pu Siamphunga
4) Pu Darhlira
5) Pu Vanlalnghaka
6) Pu Muanpuia
7) Pi Khawlremkimi
8) Pu B. Thasiama
Member Secretary;
Malsawma Khiangte
Tuithiang Veng Local Council
VENGLAI TUIKHUR LEH PU ROBERT RAMSANGLIANA SULHNU
Khua a thal chhoh zel laiin Venglai Tuikhur pawhin zah a hlawh chho zel a, a lawmawm hle. Chhun pachanga Insukna tur emaw awm miah lo khawpa Pipe hmanga pawh kang vek ching pawh an tlem tial tial a. A tlan phatu te pawh an lawm hle! He Tuikhur hi TYMA President Pu. Robert Ramsangliana khan a ngai pawimawh thin hle a. TYMA tena MLA Development Fund ringa an siam tan lai khan a siamna sum 80% vel kha ama thawh kha a ni a! Chumi hnua khurchhak tuiherhhaw-na kha a chhiat chuan, a thihni thleng khan, ama sum sengin a thlak zat zat zel bawk! Amah avang tal pawh khan he Tuikhur hian zah a phu ve ta viau a! Tichuan, tunah chuan Mahni chhungkua chauh inhria a, he tuikhur tlan tum hi a finthlak ta lo viau a! Tin, TYMA member tena an hmangaih Pu. Robert-a sulhnu an ngaih pawimawh thar zel lai a ni a, he boruak hian ala daihrei viau maithei bawk. Engtiklai maha Tui No 1 pawh chawia, a tlan ve ngai miah loh tur lo humhalhtu Pu. Robert-a duh dan ang khan he Tuikhur hi Vantlang tlan tur niin, Vantlang ta lo ni liau liau zel se. A duh apiangte tana an inbualna leh an duh hun huna an insukna hmun tha lo ni zel rawh se! Chhun lamah chuan a kuanga leng lo khawpa alo tling ta a nih pawhin liam huau huau sela....a liam tam poh leh Pu. Robert-a pawh kha a lawm awm si a! Tuna tuiliam hmutute pawh hian hmuh nuam kan ti dawn lutuk si a! Chhun lama khurtlang atanga tui liam a tam zawh poh leh Pu. Robert-a duhzawng khan he tuikhur hi a awm dawn alo ni bawk!
AIZAWL MUNICIPAL COUNCIL THUCHHUAK
Aizawl khawpui chhunga In thiat/ sa tur reng rengin Aizawl Municipal Council phalna lak hmasak vek tur. Aizawl Development Authority emaw Aizawl Municipal Council emaw phalna la lova In lo sa mek ten an hna kal lai an chawlhsan nghal tur a ni a, AMC-ah phalna dil nghal tur a ni.
KAN VENG A HMAN TUR TRANSFORMER BUN FEL TA
Kan Vengchhungin a Kum 2 dawn Current hniam avanga harsatna kan neih thin chu kan AMC Pu P.C. Lalruatsanga leh Local Council te hmalakna in kan Veng tan bika hman tur Transformer chu kan Veng Thlanmual ah tunkar khan bunfel a ni ta a, karleh lam khi chuan Veng mipuiten kan hmang thei dawn niin kan lo hria. Current hniam avangin hian kan Vengchhung a bikin Vengchhak lamah chuan chhungtin ten buaina kan tawk nasa hle thin a, electronics lam pawh a chhe duh thin hle a ni. Hemi kawnga hma min laksaktu AMC Pu P.C. Lalruatsanga chungah lawmthu kan sawi tak meuh meuh a ni.
ELECTORAL ROLL HEARING NEIH A NI
Zirtawpni Nov. 11 zingkar khan Tuithiang Veng Electoral Roll a thun thar turte leh Transfer dil, etc te hmaichhana endikna ‘hearing’ Tuithiang Veng M/S ah neih a ni. He hunah hian min bialtu AERO leh Tuithiang Veng NGO hruaitute leh Political Party hrang hrang aiawhte an tel kim hle. Inthlan leh hunah Voters mi 50 velin kan pung leh dawn niin a lang.
Hriatthiam dilna:-
Min lo la hrethiam hram rawh u! Kan President, chatuan ram min pansan thut ta avang khan kan la nui thei lova...kan la uang thei hrih lo a ni e! Min kalsan ta kha kan la ring thei lo a..a dik bawk si! Thudik zawng zawnga huatthla la ber a ni awm e! Engpawhnise, TYMA hi kan la uang thei hrih lo a ni ber e! U. Robert, Kan va ngai tak che em! I Kalsan tak I Nupui fanaute hi Lalpa’n awmpui zel rawh se!
- Ed. & Staff; Lentupui
Tuithiang Veng Dt. 13.11.2011 : Kar hmasa Nov. 7 (Thawhtanni) tukthuan eikham atang khan TYMA Godown siamthat hnatlang neih a ni a. Member 25 vel an thawk chhuak. Hnatlang te hian Godown ngaiah, chhuar siamin, TYMA Bungrua kim taka dah theih turin hemi Ni hian an peih hman a ni a. A tawp thlenga hnatlang mi 8 vel te an fakawm hle a ni.
He hnatlang hi Sorkar chawlh denchhena koh a ni a. Hna hautak leh rim zual tum 2 vel kan President (Chatuan ram pan ta) Pu. Robert Ramsangliana hova thawh alo ni tawh a. He a hmalakna chhunzawm ve hrim hrim tum member 25 thawk chhuakte hian taima takin an tih thiam zawng hemi Ni hian an ti ngar ngar a. Hnatlangte thingpui leh a hmeh senso phuhruknan Pu. Saiaithanga’n Rs. 500/- lai a thawh bawk avangin sum leh pai dinmun nei thalo TYMA tan pawh a ko zan thlak hle a. Chawhma Dar 10 vela tan he hnatlang hi tlai dar 4:30 velah zawh theih a ni a. A tawp thlenga hnatlangte hi Pu. V.L.Zuala te chhungkua chuan an Ina chawei turin an sawm nghal a. Chaw leh Sa hmangin hnianghnar takin an lo hrai puar a, an chungah TYMA hnatlang te an lawm hle a ni.
Hnatlanga thawk chhuakte thahnem ngaihna zarah tun dinhmunah chuan TYMA Godown hi a thain, bungraw rem velte pawh a felfai leh tawh hle a. Mamawh a hawh chhuaktute leh tlawmngaia lachhuaka, a dah let leh tute pawhin a inrem sa ang thlapa dah leh i thin ang u. Bel dahna te, No dahna te, fian dahna ahte hian kan bungraw hawh kan dah leh thlap thlap theih chuan a enkawltute tana phurrit a awm ngai lovang. Tin, Nimin khan TYMA Bungrua silfai hnatlang koh leh a ni a, member thawkchhuak an thahnem lutuk lo niin kan lo hria.
LAWRKHAWM
** Local Council lamin order an chhuah hnuah Tuithiang Venglai Tuikhur thlang Pipe hmanga tlantute pawhin chhun lama tui Pipe loh an intihhmuh zel a. Kan Local Council te thupek ang hian Chhun lama he Tuikhura Pipe hip thin kan hmuhte chu an Pipe paih chhuah sakin, a theih phei chuan kan Local Council te hnenah i thlen nghal zel ang u. Tin, kan veng chhungah Lehkhachaih chaih an khap a. A tilui kan hmuhte chu hauin, kan Local Council te hnenah i thlen nghal vat zel ang u. Lehkhachaih Chaih avanga tlusual, tlasual leh inhliamte hre rengin he dan leh dun hi tha taka kenkawh i tum theuh ang u.
** Tunlai hian Veng thlang lamah Ui chhuak atam hle niin thu kan dawng a. Kalkawngah ui ek hmuh tur atam hle a, mihring tana tenawm tak leh hriselna atana pawi thei tak a nih avangin ui nei tuten chhuah loh hram tum ang u. Ui leh Ar chhuah hi Vengchhungah khap tlat anih avangin dan zawma chhuah loh hram tum theuh ang u.
** Pu. Lalsangliana (Pu. Sangte-a) te chhungkua Di Mual a awmte chuan TYMA te ngenna ngai pawimawh zo lova Zu an zawrh luih zel avang leh kan Veng tihmingchhetu berte zinga an tan tak avangin, kan veng an chhuahsan ta. Hetih mek lai hian TYMA chuan chhungkaw 3 vel an enthla mek bawk. Hetiang tih ching vengchhunga an awm leh thin hi pawi kan tiin atul anga hma lak zel thin a ni ang.
** Pu Lalthatluanga Vanapa Sec.chuan tunkar khan maruti 800 thar tha tak taxi tur atan a lei thar
** Pi Ngurauvi Vanapa Sec.chu tunlai hian luna avangin in lamah enkawl mek a ni.
** Pastor, Pu. John F. Lalhmingliana te Nupa chu Chhungkaw thil pawimawh avangin tunkar laihawl vel khan Darlung atangin an rawn haw chho. Pu. John-a chu a haw leh tawh a, an Nu Pi. Tha-i chu ala cham hrih dawn a ni.
** Pu Hmingthansanga C/o Pu Malsawmliana chuan tunkar thawhlehni khan Durtlangah fapa duhawm tak an nei
.** R. Lalhruaitluanga S/o Pu R. Lalhmangaiha chu khawsik awmna avangin Durtlangah a awm mek.
** Pu H. Lalthangmawia chu hun engemaw chen Kolkatta lama in check-up a an zu thang hnuin tunkar khan dam takin an lo haw leh ta.
MEMBERPUITE CHANCHIN
** Pu V.L. Zuala Ralte te chhung chu tunkar Thawhtanni khan Pu. Vanlalnema te Inhnuai ah an insawn chho ta.
** Tv. Challianmawia chu a tluk sual avanga Damdawi In lama enkawl a nih hnuah tunah hian an In lamah enkawl chhunzawm mek a ni a. A tha sawt viau niin kan lo hria. Kuang zawn leh Thlan vurh huna awl tum ngai miah lo Tv. Mawia hi TYMA member ten duhsakna sang ber kan hlan mawlh mawlh e.
** Pu Vanlalthlana chu Chhungkaw pawimawh avangin tunkar tir lam khan Gauhati lamah a zin thla a, dam takin a rawn haw leh tawh niin kan lo hria.
** Pu R. Zairemthanga chu a Kawng leh Dar ilo vel herha a nawm loh chhoh hnuah that lam a pan zel niin kan lo hria. ( Hmeithai emaw Pahmei ho khan lo hre rawh u, Pu. Zaia hi tharum thawh ngai chi ah phei chuan lo pun tawh miah suh u. A derdep ve teh a nia! Ed)
** Tv Lalrinliana chuan tunkar khan National Wushu championship a Imphal a neih ah Mizoram Team te a hruai a, tin, kan hriat theih chin ah kan Veng atangin Tv Lalrempuia pawh a tel bawk a ni. Hetiang mi Vengchhungin kan nei hi kan chhuang hle.
** Tv. Immanuel-a S/o Pu Thanthiauva chu dam lohna avangin Zirtawpni khan Durtlang Hospital-ah admit a ni.
** Nl. Ngaihtei chu phai lama bungraw la a zin chu tunkar khan dam takin a rawn haw.
** Nl. Loicy Laldinthari, kan correspondent chu an college aiawha Delhi lama a zin hnuin zirtawpni khan dam takin a rawn haw.
** Taitesena Section te chuan nimin Inrinni Zan khan Section Committee an nei a, hetah hian Section hmalakna thil tam tak an rel.
ARTICLE
BUK HNUHNUNG ZAWK SAK THU
- U Sanga
Kum 1983 a ni a, Bar-Thla 3-na a han nih a, Sikul Final exam kan neih hma deuh atangin, Christmas Buk sak kha Tuithiang Veng naupangho khan kan engto leh tan ta viau mai a. Ro kan han rel fe hnuah khan tuna Pu. R. Rohmingthanga kawmchhak, Pu.Vanlalnema te kawmchar...Pu. Para te Inluah thin kawmthlang ah hian sak kan rilruk ta a. Kan Nu leh Pa tam zawk tena Buk sak min tuipui loh em avangin hnim buk tak hliah theiha, kha buk ropui tak sak kha, a rukin, kan tum leh ta a ni a!
Kan phur tlang bawka, tlo leh tha taka sak kan tum a. Kan rual u zawk Ku Bawiha te, U. Thana te, U. Hminga te an rawn tel peih tak loh avangin Saikima te, Lala te hona hnuaiah khan kan han buaipui chho ta a. Kum hmasa lama kan Buk aia tha leh tlo zawk kha neih kan tum ber a nih avangin, hmun hla tak tak atangin Thingtuai lian pui pui kan zawn haw zut zut a. Tin, Pu. Zorama huana Mau te pawh kha a phal kan rin tho vang nimiah lovin, kan sat a, kan thiar chho zut zut a!
Chutiang khawpa phur a Buk kan sak tak tlat tlat hnu chuan, a ban leh a rel velte pawh chu a tha ta hlawm hle a. Tuna Pu. Masawma te In dinna vela Di to kha kan zuk at a, kan pu a, kan phur bawk a.A chungah kan han chih chhuak leh ta vek a ! A bang kha chu Buara bawk a ni leh ta chungin, kan Buk chu a mawiin, a tha a, kan chhuang ta viau mai. A chungah te khan a ruala mi 6 vel lai kan han lawn pawh khan min dawl em em mai a, lawn takah chuan tiin ruah laka a hul dawn leh dawn lo Test in kan han zung chhin vel chhen a... A chung Di tha leh chhah tak avang khan a far tlang miah lo! Chutiang khawpa Buk tha chu kan han nei ta a nih kha.
Zanah, exam dawn mah nise, chhungte min hauh hman loha reilo tal kan zuk tlawh zawk thin a. A hmel kan hmuh loh kha chuan kan ngaih a ngam thin lo! Tin Inrinni leh Chawlhni ahte chuan kan tal nileng a ni ber a. Chung hunah chuan lehkha (Playing Card) te kha Marble te, pawisa nawi inchawi tein kan deng ru thin a. Kan In-Bam a, kan in-Fish bawk thin a, kan hlim thei hle. Card trick kan thiam lova, trick erawh kan tum fo thin. Tumkhat pawh thianpa SKA (Saikima) khan Card kha a han sem den den a, a sem zawhah chuan kava zung lawk tiin a chhuak ta a. A rawn luh leh hnu chuan a tawng duh ta miah lo mai a! Kan han biak changte khan.. ‘ummm, umhhh’ kha a ti ta zel a. A ka lah kha a chip hmuk reng mai a. Chutia Darkar chanve vel lai tawng lova a awm hnuah chuan thawk leh khatah...Hmmm.... thui... uak uak...a rawn ti ta thut mai a! A ka atang chuan Tawka Ace leh Tial King zawp tawh tak mai kha a rawn phuhchhuak ta hlawl mai a! Khami tuma a card trick kha chu a chhawr thiam ta ngang lo a nih hmel!
Chutiang vel chu kan khawvel huntawng nuam ve tak a nih laiin! Tlai khat chu ka Sikul bang kha kan Buk awmna lamah khan ka tlan thla nghal a. A hmun ka zuk thlen chuan kan Buk awzawng alo awm ta lova! Meivap chauh lo chu hmuh tur alo awm lo! Thiante hmuh tur awm bawk silo...ka hrilh hi a han hai mai mai khawp a! Mahse tlai thim dawn lamah chuan chu thil thleng awmzia leh a thlen chhan chu ka hre ta a! Khami Ni khan thianpa SKA te, Lala te leh thian dang dang ho kha bukah khan an lo khawsa ho hi alo ni awm a. Tu emawni ber khan Buk chhunga meichhem kha a han rawt ta a. Kan lo chhem fo tawh thin avangin an lo chhem leh pek a. Mahse chumi tuma an meichhem chu an lo tuah alh nasa deuh nge? Thawk leh khatah a kang ding chho ta hluai mai a! Chuveleh a chhunga awmho chu an tlanchhuak ta chum chum a, Bawngpu hnahte, Tui te leh an hmuh theih ang anga, thlantla phung khawpa, thelh an tum hnu pawh chuan chu kan Buk of ‘83 chu an chhanhim zo ta lo a lo ni awm e! A hunlaia kan han ui ve zia kha aw! Mas te kha a nghahhlelhawm loh phah rawih zu nia! In hnulai chu ni ve se, in ui ve khawp ang. Kei ang hian in la hre ve reng bawk ang! Khami hnu ah kha chuan Buk Sak kha kan tuipui ta vak lo a, kan rawt chang pawh khan kan puitlin ta thin lo a nih kha!
LOCAL COUNCIL THUCHHUAK LEH LAWMTHU SAWINA
Tuikhur khuahkhirh chungchang Local Council Sitting in a lo rel tawh angin, tunah hian thal tuihna tlem hun a lo ni leh ta a, Tuithiang Veng chhunga Tuikhur zawng zawngah Pipe-a tui lak khap a ni a, Venglai Middle School bula mi chu insuk leh inbualna atana hman phal a ni. Pipe thin ten tui chawi a ngai ve tawh dawn a ni. Luhlul zual te kan awm a nih chuan pawisa chawitir an ni ang.
Tin, Pu Chhangdala kawmthlang tuikhurah insuk leh inbual khap a ni a, inbual leh insu duh te chuan hmun dangah tui khai sawn tur a ni.
Pu Siamphunga mual kalna kawng bo thin tak fur lai phei chuan kal harsa lutuk chu tunah chuan mi in phal te zarah mipui kal kawng tha a lo piang thei ta, a bul berah chuan Pu Lalparliana hian Local Council-te dil buai ngai hauh lo in nakin zela tha tur kal kawng motor kal theihna in feet 7 zet a zauin a pe a, a lawmawm kan ti takzeta, a kal zelna tur step siam phal tu mimal ram phal taka vantlang tana pe tute heng mi te chungah pawh hian kan lawm takzet a ni:
1) Pu Vanlaltluanga
2) Pu Lianrivunga (LCS pathum paltlang)
3) Pu Siamphunga
4) Pu Darhlira
5) Pu Vanlalnghaka
6) Pu Muanpuia
7) Pi Khawlremkimi
8) Pu B. Thasiama
Member Secretary;
Malsawma Khiangte
Tuithiang Veng Local Council
VENGLAI TUIKHUR LEH PU ROBERT RAMSANGLIANA SULHNU
Khua a thal chhoh zel laiin Venglai Tuikhur pawhin zah a hlawh chho zel a, a lawmawm hle. Chhun pachanga Insukna tur emaw awm miah lo khawpa Pipe hmanga pawh kang vek ching pawh an tlem tial tial a. A tlan phatu te pawh an lawm hle! He Tuikhur hi TYMA President Pu. Robert Ramsangliana khan a ngai pawimawh thin hle a. TYMA tena MLA Development Fund ringa an siam tan lai khan a siamna sum 80% vel kha ama thawh kha a ni a! Chumi hnua khurchhak tuiherhhaw-na kha a chhiat chuan, a thihni thleng khan, ama sum sengin a thlak zat zat zel bawk! Amah avang tal pawh khan he Tuikhur hian zah a phu ve ta viau a! Tichuan, tunah chuan Mahni chhungkua chauh inhria a, he tuikhur tlan tum hi a finthlak ta lo viau a! Tin, TYMA member tena an hmangaih Pu. Robert-a sulhnu an ngaih pawimawh thar zel lai a ni a, he boruak hian ala daihrei viau maithei bawk. Engtiklai maha Tui No 1 pawh chawia, a tlan ve ngai miah loh tur lo humhalhtu Pu. Robert-a duh dan ang khan he Tuikhur hi Vantlang tlan tur niin, Vantlang ta lo ni liau liau zel se. A duh apiangte tana an inbualna leh an duh hun huna an insukna hmun tha lo ni zel rawh se! Chhun lamah chuan a kuanga leng lo khawpa alo tling ta a nih pawhin liam huau huau sela....a liam tam poh leh Pu. Robert-a pawh kha a lawm awm si a! Tuna tuiliam hmutute pawh hian hmuh nuam kan ti dawn lutuk si a! Chhun lama khurtlang atanga tui liam a tam zawh poh leh Pu. Robert-a duhzawng khan he tuikhur hi a awm dawn alo ni bawk!
AIZAWL MUNICIPAL COUNCIL THUCHHUAK
Aizawl khawpui chhunga In thiat/ sa tur reng rengin Aizawl Municipal Council phalna lak hmasak vek tur. Aizawl Development Authority emaw Aizawl Municipal Council emaw phalna la lova In lo sa mek ten an hna kal lai an chawlhsan nghal tur a ni a, AMC-ah phalna dil nghal tur a ni.
KAN VENG A HMAN TUR TRANSFORMER BUN FEL TA
Kan Vengchhungin a Kum 2 dawn Current hniam avanga harsatna kan neih thin chu kan AMC Pu P.C. Lalruatsanga leh Local Council te hmalakna in kan Veng tan bika hman tur Transformer chu kan Veng Thlanmual ah tunkar khan bunfel a ni ta a, karleh lam khi chuan Veng mipuiten kan hmang thei dawn niin kan lo hria. Current hniam avangin hian kan Vengchhung a bikin Vengchhak lamah chuan chhungtin ten buaina kan tawk nasa hle thin a, electronics lam pawh a chhe duh thin hle a ni. Hemi kawnga hma min laksaktu AMC Pu P.C. Lalruatsanga chungah lawmthu kan sawi tak meuh meuh a ni.
ELECTORAL ROLL HEARING NEIH A NI
Zirtawpni Nov. 11 zingkar khan Tuithiang Veng Electoral Roll a thun thar turte leh Transfer dil, etc te hmaichhana endikna ‘hearing’ Tuithiang Veng M/S ah neih a ni. He hunah hian min bialtu AERO leh Tuithiang Veng NGO hruaitute leh Political Party hrang hrang aiawhte an tel kim hle. Inthlan leh hunah Voters mi 50 velin kan pung leh dawn niin a lang.
Hriatthiam dilna:-
Min lo la hrethiam hram rawh u! Kan President, chatuan ram min pansan thut ta avang khan kan la nui thei lova...kan la uang thei hrih lo a ni e! Min kalsan ta kha kan la ring thei lo a..a dik bawk si! Thudik zawng zawnga huatthla la ber a ni awm e! Engpawhnise, TYMA hi kan la uang thei hrih lo a ni ber e! U. Robert, Kan va ngai tak che em! I Kalsan tak I Nupui fanaute hi Lalpa’n awmpui zel rawh se!
- Ed. & Staff; Lentupui
No comments:
Post a Comment