TRANSFORMER THAR 80% VELIN CHHAWR TAN TA
Tuithiang Veng Dt. 20.11.2011 : Veng mipui tam zawk tena kan nghahhlelh em em, Transformer thar tha tak chu kum 2 dawn current avanga vengchhung mipuiin harsatna chi hrang hrang kan neih thin hnuin tunah chuan Transformer thar, 220w chu ni 16 November 2011 khan Ward No. IX Councellor Pu P.C. Lalruatsanga leh Local Council Chairman Pu K. Vanlalruala te hmalaknain kan Veng Thlanmual ah hman theiha siamfel a ni ta.
He Tranformer tha tak hi kan AMC Pu P.C. Lalruatsanga, kan Local Council Chairman Pu K. Vanlalruala leh Department hotuten Line change neih a ni a, hemi ni (ni 16, nilaini) tlai dar 3:30 khan function nghal a ni a, 80% te chuan kan chhawr nghal a. Mahse Line Boundary-ah duhthu a lo sam chiah loh avangin Department hotuten an check leh mek a, reiloteah kan chhawr kim theih beisei a ni.
He Transformer hi ruahman ang chuan Bethlehem kawngpui thlang atanga chawm tan thei tura hmalak a ni a. He Transformer thar nei tura chak taka hma la tute Distribution III SDO Pu Zaitea leh J.E. Pu Ngura, kan AMC Pu P.C. Lalruatsanga leh kan L.C. Chairman Pu K. Vanlalruala te chungah lawmthu kan sawi tak meuh meuh a ni. Tin, hemi rual hian vengchhung hmun thenkhatah Street-Light dah tum a ni a, tunah hian hma chak taka lak leh mek a ni bawk. Hun remchangah a dahna hmun turte enfel leh a ni ang a, light eng tha tak dah ngei tum a ni.
Kan hriat theuh angin kan veng, abikin veng chhak lam deuh chin ah current a hniam thin em em a, electronics lam pawn a tuarin bulb te pawh a chhe duh em em a. Heng kan harsatna te hi tunah chuan kan hruaitute hmalakna zarah kan pumpelh thei tawh dawn ta niin a lang. Tin, kan Veng pawh kan thangchho ve zela, hmuh theihin hma kan sawn a ni. Kan hruaituten Streetlight an dah leh dawn a, heng te pawh hi mipui te ta a ni a, kan dim thiam a, tihchhiat tum tute lak atang pawha kan venhim tlat a tul hle awm e. Veng changkanna leh Veng hmel ti mawitu an ni miau si a.
LAWRKHAWM
**Singrothangi, apa Rongura Ralte, Mercy Ralte tia koh; Lottery inbumna avanga Cheng nuai 28 vel tichingpentu ni a puh J & K a man leh an Court in Bail a phal sakloh chu, Tuithiang Veng mi ni a a inchhal avang leh amah hi kan veng mi leh sa a nih loh avangin TYMA chuan hma an la nghal a. Tunkar Thawhtanni khan Mizoram a Nitin Chanbchinbu lar zual deuh deuh ah te he Nu hi kan veng mi a nih ngai loh thu hriattin; hetianga kan veng mi ni miah silo tena kan Venga awm anga an inchhal thin an duh loh zia lehtun hnuah kan thikthu kan tih chhiat viau tawh tur thu chhuahsak tura hriattirna chhuahsak tura ngen an ni.
** Pi Baby Lalrammawii (Treasurer Tuithiang Veng Local Council) pawh chhungkaw thil pawimawh avanga phai lama a thang vang vang hnuah tunkar laihawl khan dam takin a rawn haw leh ta.
** Pu Lalremtluanga Ralte te chhung chu inneihna hmanga Sangau a an kal hnuin tunkar khan dam takin an lo haw leh ta.
** Tv. Ngurkima Sailo chu a ril TB avangin tunah hian Zemabawk TB Hospital-ah enkawl mek a ni a. U. Ngura hi dam tha taka a rawn chhuah leh thuai theihnan kan duhsakna sang ber kan hlan e.
** Pi Thansiami chu chhungkaw pawimawh avangin tunkar khan Kolkota lamah a zin.
** Pi Vanlalchhuangi M/o T. Vanlalbiakthansangi chu Thana avanga Durtlang Hospital-a awm mek chu naktuk thawhtanni hian an zai dawn niin kan lo hria.
** Pi Lalthazuali W/o C. Ronghinglova (Marova) chu Typhoid natna avangin In lamah enkawl mek a ni.
** Isaac Vanlalruatfela S/o Esther Lalthathangi chu tunkar khan hritlang khawsik avangin Durtlang Hospital-ah admit a ni.
MEMBERPUITE CHANCHIN
** Pu R. Zairemthanga chu nimin inrinni khan Information Mike siam tura a kal chu Pu C. Challiana te in chungah a tlu a, Civil Hospital Casualty-ah tlan chhohpuiin tha taka enkawl zui a ni a, he thu ziah lai hian Casualty-ah a la awm niin kan lo hria. Dam leh hrisel tha taka a in enkawl chhoh zel nan duhsakna kan hlan e.
** Pu Zongensanga Sailo chu tunkar kalta khan chhungkaw pawimawhna avangin Champhai lamah a zin a, dam takin a rawn haw leh ta.
** Nl. F. Lalhmuzuali chu Mamit lama Mizoram Synod Choir rawngbawlna a a zin hnuin Pathianni hmasa zan khan dam takin a rawn haw leh ta. Biate tlangval chhuanawm tak nena Inkutsuih tum mek Nl. Hmuzuali hian an inneihna tura a inbpuahchahna ah tluang taka a hun a hman kan duhsak e.
** Nl. Lalthanpari (Partei) D/o Chhunkima chu pumna avangin Durtlang Hospital-ah a awm mek.
** Nl. R.D. Lalnunmawii (Nu-i) chu zirtawpni khan khaw hrang hrang school tlawhkual turin an zin chhuak.
** Nl. Lalremruati (Nutei) D/o R. Lalhmangaiha chu tunkar kalta khan a zirna chhunzawm tumin Delhi lamah a chhuk thla.
** Pu Lalnuntluanga (Pate-a) chu hun engemaw chen rawngbawlna neia Mamit lama a thang hnuin tunkar kalta khan dam takin a rawn haw.
** Tv. Kapmawia Assam Rifle chu a awmna hmun Nagaland atangin thla 2 vel chawlh hmang turin tunkar tir lam khan a rawn haw.
** Tv. Lalrempuia leh Tv. Lalruatsanga te chu North-East Wushu Championship, Manipur-a neih zawh takah Mizoram aiawhin an chhuak a, an pahnih hian Gold Medal an la ve ve a, tunkar nilaithawhtanni khan an rawn haw. Mizoram Wushu Club hi Tv. Lalrinliana’n a hruai a ni. Hetiang Coach leh Player tha tak kan nei hi Vengchhungin kan chhuang takzet a ni. Kan lawmpui e.
** Pu Romeo Lalnuntluanga (V.Sec) chu dawr bungrua la turin zirtawpni khan Bangkok lamah a zin.
THUZIAK LEH NGAIHDAN
ONCE UPON A TIME IN TUITHIANG VENG BAWK !
- U. Sanga
LALHRUAIA LEH RINNGHETI TE ZAI DUN THU:
Kohhran kan indan tirh lai khan Sunday School leh Primary School atana kan luah U. Zawni te Inhnuai kha YMA pawh khan thil tihpui nikhua khan kan hmang chamchi a. Chuti khawpa kan hman tangkai inchunga awm U. Zawni te unau, tun thlenga Tv. U. Rema te chhung pawh khan an In ( Tuna Pu. Sakhawliana te In hi ) kha mamawh an awm chang apiangin ui hauh lovin an hmantir zel thin a.
Tum khat chu kan venga Pathian thu puanzar tuipui deuh ho khan kar 2 vel lai, Mike hmangin, an In atang khan chhun leh zan lamah Pathian thu an insawi chhawk thin a. Chutiang boruak karah chuan tlai khat chu thianpa Parliana leh Nl. S. Thanpuii te kha an va lenglut a. Guiter te perh-in an zai dun a. An tui tak viau hnu chuan In neitute awm mang loh laiin, Mike chu an han ‘on’ ta a. Chutah Tv. Para chuan, Mike atang chuan ‘Tunah Tv. Vanlalhruaia leh Nl. Lalrinngheti te an lo zai ang...’ tiin a han puang ta dum dum mai a! Chumi chhunzawmnan chuan Thanpuii nen chuan thiam lo fahran mai khan an han zai zui ta luah luah mai a...!
Khatih laia Bazar lama kal thianpa Lalhruaia khan kha thil thleng a rawn hre haw ta kha a buaithlak khawp mai! Keini a thiante dan beh hleih theih mang loh hial khawp khan a rawn thinrim haw kha a ni a! Rinngheti w/o Pu. Laldingngheta nita pawh chutiang tho! Para leh Thanpuii te lah kha Lalhruaia leh Rinngheti te an thinrim viau a ni tih an hriat tam poh leh an nui ring ting mai si a...an kara lo tlazep te tan khan a buaithlak khawp mai! ‘A Ngaihna a awm lo’...... Mahse ‘An ziawm zel a...!’
ZOHMA-A LEH TE-A IN-BOXING THU :
Kum 1987 bawr vel kha a ni. U. Sawma khan Boxing Glove Pair 2 kha a rawn hawn a. Amah Pu. Vanlalsawma ( Upa Vanlalsawma, Chaltlanga pem ta) te kawt ( tuna Pu. Zaitawna kawt-ah) khan zing leh tlaiah kan inhnek fiam thin a. Tuk khat chu zing dar 8:30 veleh Zohma-a(tunah Saitual GHSS Teacher ni ta) kha Hrangbana College atangin, a zing Class bang kha a rawn haw a. Chu chu Thianpa Tea thaza laklawh khan, “Tirawh i ti ve chhin reng reng teh ang.” tiin alo sawm a. Zohma-a riltam tawh khan, ‘Ka peih lo, ka ril a tam tawh,’ a tih pawh khan Te-a khan a sawm lui ta tlat mai a. Chutah Zohma a chuan, ‘ A nih leh mawle’ tih pahin Glove kha a bun ta sawk sawk a, a tumpui tur Tea’n ala bun zawh ve hma khan a va hnek tan ta buan buan mai a! La Inring ve lo na na na Te-a hmai kha a ri ta chawrh chawrh mai a, a sen ta urh mai a! Te-a a han inring ve ta, a thin a rim hmel hle tih lo hmutu Zohma a khan a Glove kha a phelh leh ta vat a, an Inah ( tuna Pu. Zaitawna Inhnuaiah) khan a luhsan ta daih mai a! Khami tuma thianpa Te-a han thinrim tur zia kha aw!
U MASIAMI CHET CHHIAT THU :
TKTP OB kan nih ve lai, kum 1990 vel khan TKTP khan tih tak zetin rawng kan lo bawl tawh thin a. Tunlaia TKTP Group hruaitu Pu. Khawlrema te, Pu. Laltea-a te ho ang mai hi kan ni a, min tluk lo deuh mah mah bawk! Group tin khan mahni area chhungah Pathianni tuk apiangin, In hrang hrangah tawngtai Inkhawm kha kan nei kual thin a. Member pawh an kal tha thin hle! Khatih lai khan U.Masiami, U.Rommy-a unaunu pawh khan tuk khat chu, an Group hruaitu a nihna angin, Pu. J. Hauva te Ina tawngtai Inkhawm a kaihruai a . Nula Senior tawh lam tih takah khami tuka an Inkhawm pawh kha a kaihruai tha hle a, mahse a tawpna erawh.. ?
An tih tur ang an tih zawh fel vek hnuah, ban nan.... “Ka tawngtai anga, chumi zawhah Lal Tawngtaina in hun kan titawp dawn nia’ a ti a. Amah a tawngtai zawh hnu khan Laltawngtaina kha neih tur a ni tih theihnghilhin, a Hlabu leh Bible a la a, pawnah a chhuak ta daih mai a. Midang te khan maimitchhing chunga amah an ngah vang vang hnuin, tu emaw ber khan ‘Kan Pa..’ a han tih tak hnuah khan midangte khan an lo chham chhunzawm ta dual dual a. Chutih lai chuan U. Masiami, Pu. J. Hauva te Varanda tlangban vuana, ‘an va rawn chhuak ve har ve mawle!’ ti a lo ngaihtuah mek tu kha a inhrechhuak ta thut a! Laltawngtaina an sawi chhung zawng khan inthiamlovin, hrilhhai leh nuihza bawk si avang khan alo nui khur char char a! Kha thil thleng palh avang khan tun thleng hian ala inngaidam theilo a ni awm e!
EDITORIAL
MITIN MAMAWH ZIRNA
Khawtlang leh ram min ti hmasawntu leh khawvel changkanna min phochhuak tu ber chu ZIRNA (Education) hi a ni kan ti lo thei lo ang. Mitin deuhthaw, chhungkua zawng zawngin kan ngaihven leh kan dah pawimawh berte zing a mi a ni a, heti khawpa chhungkaw tin buaipui a ni chung hian a pawimawhna leh hlutna hre tawk lo mi tam tak kan la awm a, he zirna hi engchiah nge a nih hre fuh lo mi tam tak kan la awm bawk niin a lang.
Nitin sikul (academic)-a kan zirlai (syllabus) ringawt hi a ni lo tih i hre nawn ang u. Thingtlang pain lehkha thiam a tih chu a zirlai ni lo hre tam apiang a ni zawk. ‘A zirlai chu a hria ang chu, a zir tlat a lawm’, he ngaihdan hi ngaihdan mawl tak, ril tak si a ni a, a dik pawh a dik reng a ni.
Kan ramah hian zirna hi hna hmuhna ang leka ngai kan tam hle mai a. Sorkar hnathawk zingah pawh hian mahni inzirbelh tum tawh chuang lo tam tak kan awm avang hian kan ram hian hma a sawn chak lo ni te paw’n a hriat theih.
Mithiamte chuan kan thih hma chuan zirna hi a tawp lo te pawh an lo ti hial a. Chutiang khawpa kan nuna bet tlat, pawimawh leh tangkai a nih avang chuan tumah kan in thlahdah thei lova. Kan tu leh fate khawvel changkang zawk leh hmasawn zawka chen tir kan tum a nih phei chuan nu leh paten mawhphurhna kan nei sang hle a ni. Kan khawvel mil leh kan tih dan ang ngawt a fate kaihhruai kan tum a nih ngat chuan kan tisual ang. Chuvangin kan mawhphurhna theuh hlen turin tan i la sauh sauh ang u. Zirna hi a hlu si a.
I ZIR SANG NGE MITHIAM I NIH LE..??
VENGCHHUNG THUNAWI
Thihna hi a na a, kan President-in min kalsan kha a na kan la ti a, kan la awih thei lo. Kan hlim lo a, kan ngui,.. kan la uang thei hrih lo a ni e. Min lo la hrethiam hram teh u.
Kan President hi kan la sun a,
kan la ngai a ni.
- Ed. & Staff; Lentupui
Tuithiang Veng Dt. 20.11.2011 : Veng mipui tam zawk tena kan nghahhlelh em em, Transformer thar tha tak chu kum 2 dawn current avanga vengchhung mipuiin harsatna chi hrang hrang kan neih thin hnuin tunah chuan Transformer thar, 220w chu ni 16 November 2011 khan Ward No. IX Councellor Pu P.C. Lalruatsanga leh Local Council Chairman Pu K. Vanlalruala te hmalaknain kan Veng Thlanmual ah hman theiha siamfel a ni ta.
He Tranformer tha tak hi kan AMC Pu P.C. Lalruatsanga, kan Local Council Chairman Pu K. Vanlalruala leh Department hotuten Line change neih a ni a, hemi ni (ni 16, nilaini) tlai dar 3:30 khan function nghal a ni a, 80% te chuan kan chhawr nghal a. Mahse Line Boundary-ah duhthu a lo sam chiah loh avangin Department hotuten an check leh mek a, reiloteah kan chhawr kim theih beisei a ni.
He Transformer hi ruahman ang chuan Bethlehem kawngpui thlang atanga chawm tan thei tura hmalak a ni a. He Transformer thar nei tura chak taka hma la tute Distribution III SDO Pu Zaitea leh J.E. Pu Ngura, kan AMC Pu P.C. Lalruatsanga leh kan L.C. Chairman Pu K. Vanlalruala te chungah lawmthu kan sawi tak meuh meuh a ni. Tin, hemi rual hian vengchhung hmun thenkhatah Street-Light dah tum a ni a, tunah hian hma chak taka lak leh mek a ni bawk. Hun remchangah a dahna hmun turte enfel leh a ni ang a, light eng tha tak dah ngei tum a ni.
Kan hriat theuh angin kan veng, abikin veng chhak lam deuh chin ah current a hniam thin em em a, electronics lam pawn a tuarin bulb te pawh a chhe duh em em a. Heng kan harsatna te hi tunah chuan kan hruaitute hmalakna zarah kan pumpelh thei tawh dawn ta niin a lang. Tin, kan Veng pawh kan thangchho ve zela, hmuh theihin hma kan sawn a ni. Kan hruaituten Streetlight an dah leh dawn a, heng te pawh hi mipui te ta a ni a, kan dim thiam a, tihchhiat tum tute lak atang pawha kan venhim tlat a tul hle awm e. Veng changkanna leh Veng hmel ti mawitu an ni miau si a.
LAWRKHAWM
**Singrothangi, apa Rongura Ralte, Mercy Ralte tia koh; Lottery inbumna avanga Cheng nuai 28 vel tichingpentu ni a puh J & K a man leh an Court in Bail a phal sakloh chu, Tuithiang Veng mi ni a a inchhal avang leh amah hi kan veng mi leh sa a nih loh avangin TYMA chuan hma an la nghal a. Tunkar Thawhtanni khan Mizoram a Nitin Chanbchinbu lar zual deuh deuh ah te he Nu hi kan veng mi a nih ngai loh thu hriattin; hetianga kan veng mi ni miah silo tena kan Venga awm anga an inchhal thin an duh loh zia lehtun hnuah kan thikthu kan tih chhiat viau tawh tur thu chhuahsak tura hriattirna chhuahsak tura ngen an ni.
** Pi Baby Lalrammawii (Treasurer Tuithiang Veng Local Council) pawh chhungkaw thil pawimawh avanga phai lama a thang vang vang hnuah tunkar laihawl khan dam takin a rawn haw leh ta.
** Pu Lalremtluanga Ralte te chhung chu inneihna hmanga Sangau a an kal hnuin tunkar khan dam takin an lo haw leh ta.
** Tv. Ngurkima Sailo chu a ril TB avangin tunah hian Zemabawk TB Hospital-ah enkawl mek a ni a. U. Ngura hi dam tha taka a rawn chhuah leh thuai theihnan kan duhsakna sang ber kan hlan e.
** Pi Thansiami chu chhungkaw pawimawh avangin tunkar khan Kolkota lamah a zin.
** Pi Vanlalchhuangi M/o T. Vanlalbiakthansangi chu Thana avanga Durtlang Hospital-a awm mek chu naktuk thawhtanni hian an zai dawn niin kan lo hria.
** Pi Lalthazuali W/o C. Ronghinglova (Marova) chu Typhoid natna avangin In lamah enkawl mek a ni.
** Isaac Vanlalruatfela S/o Esther Lalthathangi chu tunkar khan hritlang khawsik avangin Durtlang Hospital-ah admit a ni.
MEMBERPUITE CHANCHIN
** Pu R. Zairemthanga chu nimin inrinni khan Information Mike siam tura a kal chu Pu C. Challiana te in chungah a tlu a, Civil Hospital Casualty-ah tlan chhohpuiin tha taka enkawl zui a ni a, he thu ziah lai hian Casualty-ah a la awm niin kan lo hria. Dam leh hrisel tha taka a in enkawl chhoh zel nan duhsakna kan hlan e.
** Pu Zongensanga Sailo chu tunkar kalta khan chhungkaw pawimawhna avangin Champhai lamah a zin a, dam takin a rawn haw leh ta.
** Nl. F. Lalhmuzuali chu Mamit lama Mizoram Synod Choir rawngbawlna a a zin hnuin Pathianni hmasa zan khan dam takin a rawn haw leh ta. Biate tlangval chhuanawm tak nena Inkutsuih tum mek Nl. Hmuzuali hian an inneihna tura a inbpuahchahna ah tluang taka a hun a hman kan duhsak e.
** Nl. Lalthanpari (Partei) D/o Chhunkima chu pumna avangin Durtlang Hospital-ah a awm mek.
** Nl. R.D. Lalnunmawii (Nu-i) chu zirtawpni khan khaw hrang hrang school tlawhkual turin an zin chhuak.
** Nl. Lalremruati (Nutei) D/o R. Lalhmangaiha chu tunkar kalta khan a zirna chhunzawm tumin Delhi lamah a chhuk thla.
** Pu Lalnuntluanga (Pate-a) chu hun engemaw chen rawngbawlna neia Mamit lama a thang hnuin tunkar kalta khan dam takin a rawn haw.
** Tv. Kapmawia Assam Rifle chu a awmna hmun Nagaland atangin thla 2 vel chawlh hmang turin tunkar tir lam khan a rawn haw.
** Tv. Lalrempuia leh Tv. Lalruatsanga te chu North-East Wushu Championship, Manipur-a neih zawh takah Mizoram aiawhin an chhuak a, an pahnih hian Gold Medal an la ve ve a, tunkar nilaithawhtanni khan an rawn haw. Mizoram Wushu Club hi Tv. Lalrinliana’n a hruai a ni. Hetiang Coach leh Player tha tak kan nei hi Vengchhungin kan chhuang takzet a ni. Kan lawmpui e.
** Pu Romeo Lalnuntluanga (V.Sec) chu dawr bungrua la turin zirtawpni khan Bangkok lamah a zin.
THUZIAK LEH NGAIHDAN
ONCE UPON A TIME IN TUITHIANG VENG BAWK !
- U. Sanga
LALHRUAIA LEH RINNGHETI TE ZAI DUN THU:
Kohhran kan indan tirh lai khan Sunday School leh Primary School atana kan luah U. Zawni te Inhnuai kha YMA pawh khan thil tihpui nikhua khan kan hmang chamchi a. Chuti khawpa kan hman tangkai inchunga awm U. Zawni te unau, tun thlenga Tv. U. Rema te chhung pawh khan an In ( Tuna Pu. Sakhawliana te In hi ) kha mamawh an awm chang apiangin ui hauh lovin an hmantir zel thin a.
Tum khat chu kan venga Pathian thu puanzar tuipui deuh ho khan kar 2 vel lai, Mike hmangin, an In atang khan chhun leh zan lamah Pathian thu an insawi chhawk thin a. Chutiang boruak karah chuan tlai khat chu thianpa Parliana leh Nl. S. Thanpuii te kha an va lenglut a. Guiter te perh-in an zai dun a. An tui tak viau hnu chuan In neitute awm mang loh laiin, Mike chu an han ‘on’ ta a. Chutah Tv. Para chuan, Mike atang chuan ‘Tunah Tv. Vanlalhruaia leh Nl. Lalrinngheti te an lo zai ang...’ tiin a han puang ta dum dum mai a! Chumi chhunzawmnan chuan Thanpuii nen chuan thiam lo fahran mai khan an han zai zui ta luah luah mai a...!
Khatih laia Bazar lama kal thianpa Lalhruaia khan kha thil thleng a rawn hre haw ta kha a buaithlak khawp mai! Keini a thiante dan beh hleih theih mang loh hial khawp khan a rawn thinrim haw kha a ni a! Rinngheti w/o Pu. Laldingngheta nita pawh chutiang tho! Para leh Thanpuii te lah kha Lalhruaia leh Rinngheti te an thinrim viau a ni tih an hriat tam poh leh an nui ring ting mai si a...an kara lo tlazep te tan khan a buaithlak khawp mai! ‘A Ngaihna a awm lo’...... Mahse ‘An ziawm zel a...!’
ZOHMA-A LEH TE-A IN-BOXING THU :
Kum 1987 bawr vel kha a ni. U. Sawma khan Boxing Glove Pair 2 kha a rawn hawn a. Amah Pu. Vanlalsawma ( Upa Vanlalsawma, Chaltlanga pem ta) te kawt ( tuna Pu. Zaitawna kawt-ah) khan zing leh tlaiah kan inhnek fiam thin a. Tuk khat chu zing dar 8:30 veleh Zohma-a(tunah Saitual GHSS Teacher ni ta) kha Hrangbana College atangin, a zing Class bang kha a rawn haw a. Chu chu Thianpa Tea thaza laklawh khan, “Tirawh i ti ve chhin reng reng teh ang.” tiin alo sawm a. Zohma-a riltam tawh khan, ‘Ka peih lo, ka ril a tam tawh,’ a tih pawh khan Te-a khan a sawm lui ta tlat mai a. Chutah Zohma a chuan, ‘ A nih leh mawle’ tih pahin Glove kha a bun ta sawk sawk a, a tumpui tur Tea’n ala bun zawh ve hma khan a va hnek tan ta buan buan mai a! La Inring ve lo na na na Te-a hmai kha a ri ta chawrh chawrh mai a, a sen ta urh mai a! Te-a a han inring ve ta, a thin a rim hmel hle tih lo hmutu Zohma a khan a Glove kha a phelh leh ta vat a, an Inah ( tuna Pu. Zaitawna Inhnuaiah) khan a luhsan ta daih mai a! Khami tuma thianpa Te-a han thinrim tur zia kha aw!
U MASIAMI CHET CHHIAT THU :
TKTP OB kan nih ve lai, kum 1990 vel khan TKTP khan tih tak zetin rawng kan lo bawl tawh thin a. Tunlaia TKTP Group hruaitu Pu. Khawlrema te, Pu. Laltea-a te ho ang mai hi kan ni a, min tluk lo deuh mah mah bawk! Group tin khan mahni area chhungah Pathianni tuk apiangin, In hrang hrangah tawngtai Inkhawm kha kan nei kual thin a. Member pawh an kal tha thin hle! Khatih lai khan U.Masiami, U.Rommy-a unaunu pawh khan tuk khat chu, an Group hruaitu a nihna angin, Pu. J. Hauva te Ina tawngtai Inkhawm a kaihruai a . Nula Senior tawh lam tih takah khami tuka an Inkhawm pawh kha a kaihruai tha hle a, mahse a tawpna erawh.. ?
An tih tur ang an tih zawh fel vek hnuah, ban nan.... “Ka tawngtai anga, chumi zawhah Lal Tawngtaina in hun kan titawp dawn nia’ a ti a. Amah a tawngtai zawh hnu khan Laltawngtaina kha neih tur a ni tih theihnghilhin, a Hlabu leh Bible a la a, pawnah a chhuak ta daih mai a. Midang te khan maimitchhing chunga amah an ngah vang vang hnuin, tu emaw ber khan ‘Kan Pa..’ a han tih tak hnuah khan midangte khan an lo chham chhunzawm ta dual dual a. Chutih lai chuan U. Masiami, Pu. J. Hauva te Varanda tlangban vuana, ‘an va rawn chhuak ve har ve mawle!’ ti a lo ngaihtuah mek tu kha a inhrechhuak ta thut a! Laltawngtaina an sawi chhung zawng khan inthiamlovin, hrilhhai leh nuihza bawk si avang khan alo nui khur char char a! Kha thil thleng palh avang khan tun thleng hian ala inngaidam theilo a ni awm e!
EDITORIAL
MITIN MAMAWH ZIRNA
Khawtlang leh ram min ti hmasawntu leh khawvel changkanna min phochhuak tu ber chu ZIRNA (Education) hi a ni kan ti lo thei lo ang. Mitin deuhthaw, chhungkua zawng zawngin kan ngaihven leh kan dah pawimawh berte zing a mi a ni a, heti khawpa chhungkaw tin buaipui a ni chung hian a pawimawhna leh hlutna hre tawk lo mi tam tak kan la awm a, he zirna hi engchiah nge a nih hre fuh lo mi tam tak kan la awm bawk niin a lang.
Nitin sikul (academic)-a kan zirlai (syllabus) ringawt hi a ni lo tih i hre nawn ang u. Thingtlang pain lehkha thiam a tih chu a zirlai ni lo hre tam apiang a ni zawk. ‘A zirlai chu a hria ang chu, a zir tlat a lawm’, he ngaihdan hi ngaihdan mawl tak, ril tak si a ni a, a dik pawh a dik reng a ni.
Kan ramah hian zirna hi hna hmuhna ang leka ngai kan tam hle mai a. Sorkar hnathawk zingah pawh hian mahni inzirbelh tum tawh chuang lo tam tak kan awm avang hian kan ram hian hma a sawn chak lo ni te paw’n a hriat theih.
Mithiamte chuan kan thih hma chuan zirna hi a tawp lo te pawh an lo ti hial a. Chutiang khawpa kan nuna bet tlat, pawimawh leh tangkai a nih avang chuan tumah kan in thlahdah thei lova. Kan tu leh fate khawvel changkang zawk leh hmasawn zawka chen tir kan tum a nih phei chuan nu leh paten mawhphurhna kan nei sang hle a ni. Kan khawvel mil leh kan tih dan ang ngawt a fate kaihhruai kan tum a nih ngat chuan kan tisual ang. Chuvangin kan mawhphurhna theuh hlen turin tan i la sauh sauh ang u. Zirna hi a hlu si a.
I ZIR SANG NGE MITHIAM I NIH LE..??
VENGCHHUNG THUNAWI
Thihna hi a na a, kan President-in min kalsan kha a na kan la ti a, kan la awih thei lo. Kan hlim lo a, kan ngui,.. kan la uang thei hrih lo a ni e. Min lo la hrethiam hram teh u.
Kan President hi kan la sun a,
kan la ngai a ni.
- Ed. & Staff; Lentupui
In thu chhuah te a va han ngaihnawm thin tak em.... Article tha tak tak te chhiar a manhla e... Mi dang tepawh ziak ve turin zirtir zel a fuih chungin hma han sawn zel teh u khai...
ReplyDelete