2012 TYMA SECTION HRUAITU THLANNA NEIH A NI DAWN.
Tuithiang Veng Dt. 8.1.2012 : Tuithiang Veng Branch YMA hnuaia Section 3 hruaitu turte thlanna chu tunkar Thawhlehni, Jan.10, 2012 zan hian Tuithiang Veng Hall ah neih a ni dawn a. He inthlanna hi Branch YMA hruaitu ten an buaipui dawn a. Inthlan dan turah pawh Branch YMA inthlan anga Nominate awm lova mi 6 thlanchhuah a, thlanchhuah tena an post chelh tur inruat (insiamrem) tura a ni ang.
Hemi zana Programme hman dan tur tlangpui chu a hnuaia tarlan ang hia ni ang -
A HUN : Dt. 10.1.2012 (6:30 pm)
A HMUN : Tuithiang Veng Hall
RETURNING OFFICER : Pu. Malsawmliana, President TYMA
POLLING OFFICER : TYMA O.B. dang te.
HUNSERH : Pu. Vanlalthlana. (Exe. Comtt. Member TYMA)
INTHLANNA : R.O. Kutah.
VOTE CHHIAR : P.O. te kutah.
( Vote chhiar chhung hian Special Items, Solo, Duet, etc. neih theih a ni a. Hei hi R.O. kutah a awm ang).
TYMA member ten kan awmna Section hruaitu turte thlanna hun hi ngai pawimawh ila. He inthlan zanah pawh hian a tam thei ang ber kalkhawm leh i tum ang u.
KANGMEI TUAR TE TANPUINA SEM A NI. Dt. 3.1.2012 Zan Dar 7 vel khan Pu. Zaihmingthanga Inhnuai chu a kang thut a. He Kangmei hmu te authawmah TYMA Executive Committee Tuithiang Veng Hall a neih mek pawh tihtawp niin, Inkang pan hian an tlanchhuak nghal a. Hetianga kangmei chhuak tantir an thelh tak thuai avang hian kar lovah meikang pawh thunun nghal a ni a. Chhiatna nasa zawk thleng lovin kangmei pawh thelhmih a ni. Hetianga thenawm khawveng mi tlawmngaite leh TYMA Executive memberte an chet vat avang hian vengin chhiatna nasa zawk kan tuar ta lo hlauh a ni.
He Kangmei hi Electric short atanga chhuak ni ngeiin kalkhawmte chuan an hria a. A tuar nasa ber Pu. Rochungnunga te chhung in Rs. 5,5000/- man hu vel leh Pu. Romawia te chhungin Rs. 2,5000/- man hu vel an chan nia hriat a ni a. Mahse hei hi a tam thei ang bera chhutsak an ni.
He Kangmei avang hian atuk 4.1.2012 zingkar khan Local Council te chuan hnatlang an ko nghal a. Hnatlanga thawkchhuak an thahnem hle. Hnatlan ( Bungraw kang chhia senghawi) a nih hnu hian Local Council, TYMA leh NGO aiawh awm ten Kangmei tuarte chhawmdawl dan tur an sawiho nghal a. Vengchhunga Vehbur khawn nise an ti ta a ni. Remruat angin TYMA te Section 3 a inthenin, kangmei tuarte tan vehbur an khawn a. Chuta an hmuh ang angte chu a tuk Dt.5.1.2012 zing karah kangmei tuarte hnena hlan nghal a ni. TYMA Vehbur khawna tanpuina a luh dan tlangpui chu a hnuaia tarlan ang hi a ni e -
1) Pawisa fai hmuh zat - Rs. 19,820/-
2) Buhfai - Bag 6 leh a chanve
3) Bungbel - Bungbel ah hian Bel 4, Ketli 1 leh thleng (steel) 6 vel thawh a ni.
4) Mutbu - Mutbu lamah pawh thahnem tham fe hmuh a ni a. Blanket -4, Rizai- 2, Shawl - 2, Puankawp - 2, Thoseilen -i, Lukhum -1, Pheikhawk Pair 2, Bedsheet -2 bakah thuamhnaw lamah pawh Bag 4 khat tlatin tanpuina dawn a ni.
Kangmei awmna ah hian Local Council, TYMA, MUP, MHIP leh Fire Deptt. te an thleng nghal a. Kangmei tuar bertu Pu. Rochungnunga te chhungkua tan Pu. Thanglianzauva’n Mutbu thar a pe nghal a. A tukah Matress thar a pe bawk a ni.
Kangmei tuarte tana vehbur an khawna hetiang zat tanpuina an hmuh theih avang hian TYMA chuan veng mipuite hnenah lawmthu an sawi a. Tun tuma khawngaih ngai leh chhawmdawl ngai chhungkua te laka kan rilru puthmang avang hian he veng mi leh sa nih hi a thlamuan thlak hle a an hriat thu TYMA hruaitute chuan an sawi a ni.
LAWRKHAWM
** Kan Veng Thlanmual a, thlan thianfai thin ten midangte thlan an tibal thin a, hei hi midangte tana harsatna a nih avangin ti tawh lo turin kan in hriattir a ni e.
** Kum 2012 chhunga TYMA aiawha Central YMA Chanchinbu Agent turin TYMA Executive Committee chuan Pu. Joseph Vanlalhruaia Sailo an ruat. Sub- Agent turte chu Section thar-ah , Section hruaitu ten an la ruat leh dawn a ni.
** Tunhnai khan Tuithiang Veng Badminton Hall Light 10 vel chu a chhe thut! Players ten pawisa thawhkhawmin Rs. 2000/- vel sengin Hall light hi an thlak leh nghal a . A ba a Electronic parts petu Pu. H. Lianzama chungah Badminton players te an lawm hle a ni.
** Insa mek leh In sakna lama hma la mek kan tam vang nge? Tunlai hian kan Vengchhunga kawngpui (abik takin Venglai kawngpui) a hnawk thin hle. Mahni Insakna bungrua hi a thiartu tena an thiar zawh rual hian phiatfai ta thin ila chuan hnawk leh bal tam tak hian a ziaawm phah ngawt ang.
** Pu R. Rohmingthanga pate a M.C. Khawma (Kawnpui Lal) chu kar kalta Thawhlehni khan Chaltlang ah a boral a, a ruang zui hian an chhungkhat laina an kal tha hle a ni. Khawhar chhungte kan tuarpui tak zet a ni. ** Pu C. Laldinliana chu tunkar ningani khan pum na avangin New Life Hospital-ah admit a ni.
** Pi Lalnunziri w/o Lalrawnliana chu hun engemaw chen Thluak TB avanga Durtlang lama a awm hnuin tunkar zirtawpni khan a rawn chhuak.
** Pu Lalremsiama te chhungkua chu tunhnai khan Armed Ventgah an in sawn.
** Pu Lallawmkima te nupa chu kumthar hmanga hmuntha a an zin chu tunkar khan an rawn haw.
** Pu Rongura Ralte te pafa chu tunkar khan inneih hmangin Kawnpui lamah an zin.
** Tv Zara C/o Lalramsiama chu mitliam avangin tunhnai khan Aizawl Civil Hospital-ah admit a ni a, a lo thatchhuah leh thuai theihnan duhsakna kan hlan e.
TYMA IN BRANCH EXECUTIVE COMMITTEE
MEMBER TUR RUAT TA.
Tuithiang Veng Branch YMA Office Bearers atana thlan takte chuan 1.1.2012 (Sunday) khan Pu. R.Rohmingthanga Inah kum 2012 chhunga Branch YMA Executive Committee turte an ruat ta a. He hunah hian Senior Adviser ten an tawiawm thei a. Inlungrual takin heng kan rawn tarlan takte hi (Veng tana beiseina sang tak nei chungin) an ruat ta a ni.
KUM 2012 CHHUNGA TYMA EXECUTIVE COMMITTEE MEMBER TURTE -
1. Pu. V.L. Zuala Ralte 2. Pu. Joseph Vanlalhruaia Sailo
3. Pu. J. Vanlalhuaia 4. Pu. Thuamchungnunga
5. Pu. Khawlremthanga 6. Pu. Vanlalthlana
7. Pu. T. Lalramsiama 8. Pu. R. Zairemthanga
9. Pu. Lalthlanthanga 10. Pu. V.L. Rengpuia
11. Pu. Hmangaihrammawia 12. Tv. C. Lallawmkima
13. Pu. S.H. Lalropuia 14. Pu. Laldanmawia
15. Tv. Lalthahlira 16. Tv. R. Lalropuia
17. Pu. H. Vanlalthlanga 18. Tv. Vanlalbiaknunga
19. Pu. K. Lalduhzuala 20. Pu.K.Lalduhzuala
21. Pu. R.K. Ramchhanzela 22. Tv. Lalchhanhima
23. Pu. H. Lianzama 24. Tv. Z.R. Thahmingliana
25. Pu. Lalparliana 26. Pu. S. Lalmalsawma
27. Pu. Lalnunhluna 28. Pu. H. Sakhawliana
29. Pu. L. Thangvunga 30. Nl. R. Lalbiakdiki
31. Nl. V. Vanlalhruaii 32. Nl. Lalrosangi Colney
33. Nl. Lalrinmawii Hnamte 34. Nl. Lalrinsiami
35. Nl. Lalpekhlui 36. Nl. R.D. Lalnunmawii
SENIOR ADVISER: 1) Pu. R.Mankima
2) Pu. B.Thasiama 3) Pu. K.Vanlalruala
MEMBERPUITE CHANCHIN
U Pu. Lalrinzuala ( Fin. Secy. TYMA) chu Silsury lamah tunah hian an hna avangin a thang mek a. Thla 3 chhung vel an hna avang hian ala buai dawn niin kan lo hria.
U Tv. Saihmingliana s/o Zongensanga chuan tunhnai khan Ist I.R. Mualvum ah IV Grade hna a hmu thar, kan lawmpui e.
U Pu Lalbiakfela chu chhungkaw pawimawhna avangin Tlungvelah a zin.
U Nl. Lalnunmawii chu a u Pastor Mamawia te insawn pui turin Kelkang ah a zin.
U Pu Sangmawia chu chhungkaw ‘pawimawhna avanga Tlangsam lama a zin chu tunkar khan damtakin a rawn haw. An ni chhung hi Tlangsam Khua lama pemchho an tum niin kan lo hria.
Zomuanpuia s/o Tinthanga chu Ist NE Muaythai Championship Sikkim a neih zawh tak a Sub-Junior ah Mizoram tan Silver Medal a rawn hawn, hetiang mi Vengchhungin kan nei hi kan chhung hle a ni.
ARTICLE
MANGTHA MAI LEDavid Lallawmawma
Lei mihringte’n mangtha mai le tih kan duh ber pakhat chu THIHNA hi a ni awm e. Mihring fapa pawhin pumpelh a duh ngawih ngawih thihna hi han mangtha ngawt pawh ni ila a thleng nawn awn awn fo zel a, a la thleng dawn chauh bawk a ni.
“Thihna chu mihringte chunga thleng tur a Khuanu ruatsa a lawm,” kan tihzawh chiah hian engah nge nunna min petu chu kan chawimawi nghal mai loh ! A neitu ngei paw’n a hriatloh chuan tluk chang a awm lo thei lova, tukhum sawh chawrh a tluk lah a tam phah ta reng a. Mahse, thihna chunga thuneitu’n tuilairapa awm a duh lo a, “I lum chuan lum la, i vawh chuan vawt law law rawh,” a ti hial reng a ni. “Pa zaidam apiang an thinthawk a na e” an tih hi a dik a nih ngai chuan kan biak Pathian hi Pa zaidam tak, ngilneihna ngah tak niin ka hria. Kan sual chhiarsen loh min ngaidam turin kan ngen a, chhiarsen loh ngaihdam chu tufa mahin an theih hi ka ring lo. Hi he lovin min ngaidma thei hi a zaidam vang tih loh rual a ni lo. Thawk a-phita thinrimna leih baw ching ni ta sa ka pawh chhawn lova boral tur kan va tam em. A khawngaihna vang chauhin hna kan la thawk thei a, kan fak thei a, kan ziak thei a, ni rel ching chuan a la rel thei a, eiru in a la eiru thei a, bum ching chuan a la bum zel thei a nih hi !
Mihring hian ze hnih kan nei a, pakhat chu a tha lam a ni a, pakhat zawk erawh chu a chhe lam a ni thung. Thil chhia leh tha a inkawp rem thei lova, a chhia leh a chhia phei chu tuma’n rah chhuak turin kan beisei chhin eih lo. A tha leh a tha lo inkawp chiah hian engkim mai hi a mawiin a dik ta thlap thin a ni. Ni e, a tha leh a chhia, a chhia leh a chhia zawng sawi nawn fo chi pawh a ni lo e. Nimahsela, kan hringnun erawh a tha leh a chhia luan chhuahna leh luan luhna a ni tlat lawi si a ni. A chhia luan chhuah tir kan chin zawk avangin dan pawisak lohna a thlen a, kawmkar deuh a chengin a mamawh phuhru tawk thawkchhuak a, a hlim em em laiin eiru mi lian erawh thung chuan a hnathawh phu lo a sum a lalut reng chung pawhin a hlim thei chuang reng reng lo.
Dan sawi takah chuan sawi leh ta zel ila: kan veng leia motor dah kan khap dan hi ngaihtuah ngun poh leh a mak. Kan mamawh chawkluhna a nihsi chuan engvangin nge tun thlenga motor dah an la awm? Vantlang hmanraw dangah lut ta zel ila: kawng chhawrdawh (step) te hi, nei ta lo ila kan buai ngawt ang le. Buai tur ni si engah nge tha taka cheibawl a nih loh, veng mawng step a that chuan veng chhak step a tha tur a ni a, veng chhak step a that chuan veng mawng step pawh a tha tur a ni. Hmasawnna hian min thlawhkhum kan tihrual hian kan in enkawl dan phehle lutuk avang hian kan hriatloh hlanin tute emaw hian min lo thlawhkhum tir reng a ni zawk ang em? Khawtlang tana hnawk - langsar zual zurui, zu zuar, ruihhlo leh suahsualna dangte hi chu kan hmet mit rang thei khawp mai. Hei aia te zawk leh langsar lo zawk chu eirukna hi a ni. Mahse, kan haw tak tak lo a, a lian zel a, tunah chuan ralthuam tellova min run mektu a ni ta. Haw tak tak lo ka tih avangin i lungni lo maw? Hua ni ila hman hmanah khan Kohhran pawh a che daih tawh ang chu.
Thangtharte zinga fiamthu thar pakhat chu, “Khuang vuak a vin zawh poh leh Kohhran nun a chau e,” tih hi a ni. Kan naupan lai (tive khanglang ila) kha chuan zurui pawhin Pathianni zanah kha chuan Biak In rah a tum hram hram thin a. Mahse, mifel famkim lawina tura siam kan tum vang nge, zu do chunga zurui dan pawna hnawtchhuak leh si lo a, eirukna tenawma inliluhho nihna inpekna hmunah a chan chhoh tak avangin kha’ng mi te kha an bo zo va. Lal ram tizau turin thawhlawm ip-ah pawisa nem muk er ur mah ila kuttling lo a lakkhawm a nih tawh miau avangin thlarau thianghlimin a luhchilh thei tak tak tawh lo a ni.
Kum 1996 a article ah chuan, “Mizoram khi corruption hluarna ber a ni si a, Kristian ramah kan chhiar ngam dawn em ni?” min lo ti hial tawh a. Pathian hnam thlan intichunga eirukna kan la haw tak tak lo a nih chuan khawfing a chat har khawp ang. Nge ni zawk, thildang haw hlur a, ram tichhe mektu eirukna haw leh der lo hruaitu, inla mi tak kan lo kuh ru fer fur reng zawk.
Sawi neuh neuh tamna veng min titawh lova, kan intitawh zawk a ni. Engvang nge kan tih chuan “mahni ta ang tak takin ar awp thlawhkhum tawk lek veng hi kan neih loh vang a ni” kan ti thei ang. Pemkhawm veng chu kan ni na meuh mai, kum 25 kan thlah fel awrh chauh a, a rei ber pawh kum 25 chauh a la awm tihna a ni. Fak derna ui viau e ti lo chuan infak ar ek erawh kan thiam leh viau lawisi. Mitthi dar ri aiin inneihna dar ri in hlimna a siam zui ang bawkin fakna te, infuihtawnna te hi hei ai hian i uar sauh sauh ang u. Veng hmasawnna a nihte chuan engah nge chu’ng thil chu kan hman loh ang. A pawimawh hmasa ber chu thinlung a ni. Khawtlang nun tha neih hmasak loh chuan ram leh hnam kalsiam a dik thei lova. ram leh hnam humhalh dawn chuan rinawmna, dikna leh huaisenna a pawimawh tih hriain kum 2012-ah hian rilru thar nen pheilai i khai suau suau ang u.
EDITORIAL
KHAWTLANG HMASAWNNAN NU LEH PATE KAN PAWIMAWH Kum a lo thar leh ta a, mitinte mahni hna leh mahni eizawnna kawng hrang hrang ah kan phe tan ta, mitinte hian kan ngaihpawimawh ber leh kan lungkham ber chu kan eizawnna hi a ni a, kan tih tur leh kan mawhphurhna pawh a ni awm e.
Chutih lai chuan kan fanau rochan te hi kan thlahthlam lutuk chuan he khawtlang leh chhungtinte hian buaina leh harsatna kan hmachhawn ngei ang. Khawvel a changkang a, thiamna a sang zel ang hian suah sualna pawhin san lam a pan nasa hle bawk a ni. Vengchhung a lo thianghlima hma kan sawn zel theihnan leh sualna a lo pun zel loh nan nu leh pa te hian kan fanau te hi kan khuahkhirh thiam a tha hle awm e.
Tunlai hian kan Vengchhung ah ngei pawh thalai (tleirawl/ Rawlthar) ruihhlo ti leh suah sualna a inhnamhnawih tan an tam leh ta hle mai a, heng hi khawtlang ang chuan hmalak thiam a hra hle a, kan khawtlang hruaitute kut a dah ringawt hian kan khawtlang hi a siam tha thei tawh lo a ni tih hi nu leh pate hian i hre thar leh theuh ang u.
\ Tin, Vengchhung chhiattawh chungchangah pawh thalaite hian kan mawhphurhna kan hlen lo hle a, tin, pawl anga hnatlang leh chhuahkhawm ni khua te hian nu leh pa te hian kan Fate hi i tir chhuak thin ang u.
Tuithiang Veng Dt. 8.1.2012 : Tuithiang Veng Branch YMA hnuaia Section 3 hruaitu turte thlanna chu tunkar Thawhlehni, Jan.10, 2012 zan hian Tuithiang Veng Hall ah neih a ni dawn a. He inthlanna hi Branch YMA hruaitu ten an buaipui dawn a. Inthlan dan turah pawh Branch YMA inthlan anga Nominate awm lova mi 6 thlanchhuah a, thlanchhuah tena an post chelh tur inruat (insiamrem) tura a ni ang.
Hemi zana Programme hman dan tur tlangpui chu a hnuaia tarlan ang hia ni ang -
A HUN : Dt. 10.1.2012 (6:30 pm)
A HMUN : Tuithiang Veng Hall
RETURNING OFFICER : Pu. Malsawmliana, President TYMA
POLLING OFFICER : TYMA O.B. dang te.
HUNSERH : Pu. Vanlalthlana. (Exe. Comtt. Member TYMA)
INTHLANNA : R.O. Kutah.
VOTE CHHIAR : P.O. te kutah.
( Vote chhiar chhung hian Special Items, Solo, Duet, etc. neih theih a ni a. Hei hi R.O. kutah a awm ang).
TYMA member ten kan awmna Section hruaitu turte thlanna hun hi ngai pawimawh ila. He inthlan zanah pawh hian a tam thei ang ber kalkhawm leh i tum ang u.
KANGMEI TUAR TE TANPUINA SEM A NI. Dt. 3.1.2012 Zan Dar 7 vel khan Pu. Zaihmingthanga Inhnuai chu a kang thut a. He Kangmei hmu te authawmah TYMA Executive Committee Tuithiang Veng Hall a neih mek pawh tihtawp niin, Inkang pan hian an tlanchhuak nghal a. Hetianga kangmei chhuak tantir an thelh tak thuai avang hian kar lovah meikang pawh thunun nghal a ni a. Chhiatna nasa zawk thleng lovin kangmei pawh thelhmih a ni. Hetianga thenawm khawveng mi tlawmngaite leh TYMA Executive memberte an chet vat avang hian vengin chhiatna nasa zawk kan tuar ta lo hlauh a ni.
He Kangmei hi Electric short atanga chhuak ni ngeiin kalkhawmte chuan an hria a. A tuar nasa ber Pu. Rochungnunga te chhung in Rs. 5,5000/- man hu vel leh Pu. Romawia te chhungin Rs. 2,5000/- man hu vel an chan nia hriat a ni a. Mahse hei hi a tam thei ang bera chhutsak an ni.
He Kangmei avang hian atuk 4.1.2012 zingkar khan Local Council te chuan hnatlang an ko nghal a. Hnatlanga thawkchhuak an thahnem hle. Hnatlan ( Bungraw kang chhia senghawi) a nih hnu hian Local Council, TYMA leh NGO aiawh awm ten Kangmei tuarte chhawmdawl dan tur an sawiho nghal a. Vengchhunga Vehbur khawn nise an ti ta a ni. Remruat angin TYMA te Section 3 a inthenin, kangmei tuarte tan vehbur an khawn a. Chuta an hmuh ang angte chu a tuk Dt.5.1.2012 zing karah kangmei tuarte hnena hlan nghal a ni. TYMA Vehbur khawna tanpuina a luh dan tlangpui chu a hnuaia tarlan ang hi a ni e -
1) Pawisa fai hmuh zat - Rs. 19,820/-
2) Buhfai - Bag 6 leh a chanve
3) Bungbel - Bungbel ah hian Bel 4, Ketli 1 leh thleng (steel) 6 vel thawh a ni.
4) Mutbu - Mutbu lamah pawh thahnem tham fe hmuh a ni a. Blanket -4, Rizai- 2, Shawl - 2, Puankawp - 2, Thoseilen -i, Lukhum -1, Pheikhawk Pair 2, Bedsheet -2 bakah thuamhnaw lamah pawh Bag 4 khat tlatin tanpuina dawn a ni.
Kangmei awmna ah hian Local Council, TYMA, MUP, MHIP leh Fire Deptt. te an thleng nghal a. Kangmei tuar bertu Pu. Rochungnunga te chhungkua tan Pu. Thanglianzauva’n Mutbu thar a pe nghal a. A tukah Matress thar a pe bawk a ni.
Kangmei tuarte tana vehbur an khawna hetiang zat tanpuina an hmuh theih avang hian TYMA chuan veng mipuite hnenah lawmthu an sawi a. Tun tuma khawngaih ngai leh chhawmdawl ngai chhungkua te laka kan rilru puthmang avang hian he veng mi leh sa nih hi a thlamuan thlak hle a an hriat thu TYMA hruaitute chuan an sawi a ni.
LAWRKHAWM
** Kan Veng Thlanmual a, thlan thianfai thin ten midangte thlan an tibal thin a, hei hi midangte tana harsatna a nih avangin ti tawh lo turin kan in hriattir a ni e.
** Kum 2012 chhunga TYMA aiawha Central YMA Chanchinbu Agent turin TYMA Executive Committee chuan Pu. Joseph Vanlalhruaia Sailo an ruat. Sub- Agent turte chu Section thar-ah , Section hruaitu ten an la ruat leh dawn a ni.
** Tunhnai khan Tuithiang Veng Badminton Hall Light 10 vel chu a chhe thut! Players ten pawisa thawhkhawmin Rs. 2000/- vel sengin Hall light hi an thlak leh nghal a . A ba a Electronic parts petu Pu. H. Lianzama chungah Badminton players te an lawm hle a ni.
** Insa mek leh In sakna lama hma la mek kan tam vang nge? Tunlai hian kan Vengchhunga kawngpui (abik takin Venglai kawngpui) a hnawk thin hle. Mahni Insakna bungrua hi a thiartu tena an thiar zawh rual hian phiatfai ta thin ila chuan hnawk leh bal tam tak hian a ziaawm phah ngawt ang.
** Pu R. Rohmingthanga pate a M.C. Khawma (Kawnpui Lal) chu kar kalta Thawhlehni khan Chaltlang ah a boral a, a ruang zui hian an chhungkhat laina an kal tha hle a ni. Khawhar chhungte kan tuarpui tak zet a ni. ** Pu C. Laldinliana chu tunkar ningani khan pum na avangin New Life Hospital-ah admit a ni.
** Pi Lalnunziri w/o Lalrawnliana chu hun engemaw chen Thluak TB avanga Durtlang lama a awm hnuin tunkar zirtawpni khan a rawn chhuak.
** Pu Lalremsiama te chhungkua chu tunhnai khan Armed Ventgah an in sawn.
** Pu Lallawmkima te nupa chu kumthar hmanga hmuntha a an zin chu tunkar khan an rawn haw.
** Pu Rongura Ralte te pafa chu tunkar khan inneih hmangin Kawnpui lamah an zin.
** Tv Zara C/o Lalramsiama chu mitliam avangin tunhnai khan Aizawl Civil Hospital-ah admit a ni a, a lo thatchhuah leh thuai theihnan duhsakna kan hlan e.
TYMA IN BRANCH EXECUTIVE COMMITTEE
MEMBER TUR RUAT TA.
Tuithiang Veng Branch YMA Office Bearers atana thlan takte chuan 1.1.2012 (Sunday) khan Pu. R.Rohmingthanga Inah kum 2012 chhunga Branch YMA Executive Committee turte an ruat ta a. He hunah hian Senior Adviser ten an tawiawm thei a. Inlungrual takin heng kan rawn tarlan takte hi (Veng tana beiseina sang tak nei chungin) an ruat ta a ni.
KUM 2012 CHHUNGA TYMA EXECUTIVE COMMITTEE MEMBER TURTE -
1. Pu. V.L. Zuala Ralte 2. Pu. Joseph Vanlalhruaia Sailo
3. Pu. J. Vanlalhuaia 4. Pu. Thuamchungnunga
5. Pu. Khawlremthanga 6. Pu. Vanlalthlana
7. Pu. T. Lalramsiama 8. Pu. R. Zairemthanga
9. Pu. Lalthlanthanga 10. Pu. V.L. Rengpuia
11. Pu. Hmangaihrammawia 12. Tv. C. Lallawmkima
13. Pu. S.H. Lalropuia 14. Pu. Laldanmawia
15. Tv. Lalthahlira 16. Tv. R. Lalropuia
17. Pu. H. Vanlalthlanga 18. Tv. Vanlalbiaknunga
19. Pu. K. Lalduhzuala 20. Pu.K.Lalduhzuala
21. Pu. R.K. Ramchhanzela 22. Tv. Lalchhanhima
23. Pu. H. Lianzama 24. Tv. Z.R. Thahmingliana
25. Pu. Lalparliana 26. Pu. S. Lalmalsawma
27. Pu. Lalnunhluna 28. Pu. H. Sakhawliana
29. Pu. L. Thangvunga 30. Nl. R. Lalbiakdiki
31. Nl. V. Vanlalhruaii 32. Nl. Lalrosangi Colney
33. Nl. Lalrinmawii Hnamte 34. Nl. Lalrinsiami
35. Nl. Lalpekhlui 36. Nl. R.D. Lalnunmawii
SENIOR ADVISER: 1) Pu. R.Mankima
2) Pu. B.Thasiama 3) Pu. K.Vanlalruala
MEMBERPUITE CHANCHIN
U Pu. Lalrinzuala ( Fin. Secy. TYMA) chu Silsury lamah tunah hian an hna avangin a thang mek a. Thla 3 chhung vel an hna avang hian ala buai dawn niin kan lo hria.
U Tv. Saihmingliana s/o Zongensanga chuan tunhnai khan Ist I.R. Mualvum ah IV Grade hna a hmu thar, kan lawmpui e.
U Pu Lalbiakfela chu chhungkaw pawimawhna avangin Tlungvelah a zin.
U Nl. Lalnunmawii chu a u Pastor Mamawia te insawn pui turin Kelkang ah a zin.
U Pu Sangmawia chu chhungkaw ‘pawimawhna avanga Tlangsam lama a zin chu tunkar khan damtakin a rawn haw. An ni chhung hi Tlangsam Khua lama pemchho an tum niin kan lo hria.
Zomuanpuia s/o Tinthanga chu Ist NE Muaythai Championship Sikkim a neih zawh tak a Sub-Junior ah Mizoram tan Silver Medal a rawn hawn, hetiang mi Vengchhungin kan nei hi kan chhung hle a ni.
ARTICLE
MANGTHA MAI LEDavid Lallawmawma
Lei mihringte’n mangtha mai le tih kan duh ber pakhat chu THIHNA hi a ni awm e. Mihring fapa pawhin pumpelh a duh ngawih ngawih thihna hi han mangtha ngawt pawh ni ila a thleng nawn awn awn fo zel a, a la thleng dawn chauh bawk a ni.
“Thihna chu mihringte chunga thleng tur a Khuanu ruatsa a lawm,” kan tihzawh chiah hian engah nge nunna min petu chu kan chawimawi nghal mai loh ! A neitu ngei paw’n a hriatloh chuan tluk chang a awm lo thei lova, tukhum sawh chawrh a tluk lah a tam phah ta reng a. Mahse, thihna chunga thuneitu’n tuilairapa awm a duh lo a, “I lum chuan lum la, i vawh chuan vawt law law rawh,” a ti hial reng a ni. “Pa zaidam apiang an thinthawk a na e” an tih hi a dik a nih ngai chuan kan biak Pathian hi Pa zaidam tak, ngilneihna ngah tak niin ka hria. Kan sual chhiarsen loh min ngaidam turin kan ngen a, chhiarsen loh ngaihdam chu tufa mahin an theih hi ka ring lo. Hi he lovin min ngaidma thei hi a zaidam vang tih loh rual a ni lo. Thawk a-phita thinrimna leih baw ching ni ta sa ka pawh chhawn lova boral tur kan va tam em. A khawngaihna vang chauhin hna kan la thawk thei a, kan fak thei a, kan ziak thei a, ni rel ching chuan a la rel thei a, eiru in a la eiru thei a, bum ching chuan a la bum zel thei a nih hi !
Mihring hian ze hnih kan nei a, pakhat chu a tha lam a ni a, pakhat zawk erawh chu a chhe lam a ni thung. Thil chhia leh tha a inkawp rem thei lova, a chhia leh a chhia phei chu tuma’n rah chhuak turin kan beisei chhin eih lo. A tha leh a tha lo inkawp chiah hian engkim mai hi a mawiin a dik ta thlap thin a ni. Ni e, a tha leh a chhia, a chhia leh a chhia zawng sawi nawn fo chi pawh a ni lo e. Nimahsela, kan hringnun erawh a tha leh a chhia luan chhuahna leh luan luhna a ni tlat lawi si a ni. A chhia luan chhuah tir kan chin zawk avangin dan pawisak lohna a thlen a, kawmkar deuh a chengin a mamawh phuhru tawk thawkchhuak a, a hlim em em laiin eiru mi lian erawh thung chuan a hnathawh phu lo a sum a lalut reng chung pawhin a hlim thei chuang reng reng lo.
Dan sawi takah chuan sawi leh ta zel ila: kan veng leia motor dah kan khap dan hi ngaihtuah ngun poh leh a mak. Kan mamawh chawkluhna a nihsi chuan engvangin nge tun thlenga motor dah an la awm? Vantlang hmanraw dangah lut ta zel ila: kawng chhawrdawh (step) te hi, nei ta lo ila kan buai ngawt ang le. Buai tur ni si engah nge tha taka cheibawl a nih loh, veng mawng step a that chuan veng chhak step a tha tur a ni a, veng chhak step a that chuan veng mawng step pawh a tha tur a ni. Hmasawnna hian min thlawhkhum kan tihrual hian kan in enkawl dan phehle lutuk avang hian kan hriatloh hlanin tute emaw hian min lo thlawhkhum tir reng a ni zawk ang em? Khawtlang tana hnawk - langsar zual zurui, zu zuar, ruihhlo leh suahsualna dangte hi chu kan hmet mit rang thei khawp mai. Hei aia te zawk leh langsar lo zawk chu eirukna hi a ni. Mahse, kan haw tak tak lo a, a lian zel a, tunah chuan ralthuam tellova min run mektu a ni ta. Haw tak tak lo ka tih avangin i lungni lo maw? Hua ni ila hman hmanah khan Kohhran pawh a che daih tawh ang chu.
Thangtharte zinga fiamthu thar pakhat chu, “Khuang vuak a vin zawh poh leh Kohhran nun a chau e,” tih hi a ni. Kan naupan lai (tive khanglang ila) kha chuan zurui pawhin Pathianni zanah kha chuan Biak In rah a tum hram hram thin a. Mahse, mifel famkim lawina tura siam kan tum vang nge, zu do chunga zurui dan pawna hnawtchhuak leh si lo a, eirukna tenawma inliluhho nihna inpekna hmunah a chan chhoh tak avangin kha’ng mi te kha an bo zo va. Lal ram tizau turin thawhlawm ip-ah pawisa nem muk er ur mah ila kuttling lo a lakkhawm a nih tawh miau avangin thlarau thianghlimin a luhchilh thei tak tak tawh lo a ni.
Kum 1996 a article ah chuan, “Mizoram khi corruption hluarna ber a ni si a, Kristian ramah kan chhiar ngam dawn em ni?” min lo ti hial tawh a. Pathian hnam thlan intichunga eirukna kan la haw tak tak lo a nih chuan khawfing a chat har khawp ang. Nge ni zawk, thildang haw hlur a, ram tichhe mektu eirukna haw leh der lo hruaitu, inla mi tak kan lo kuh ru fer fur reng zawk.
Sawi neuh neuh tamna veng min titawh lova, kan intitawh zawk a ni. Engvang nge kan tih chuan “mahni ta ang tak takin ar awp thlawhkhum tawk lek veng hi kan neih loh vang a ni” kan ti thei ang. Pemkhawm veng chu kan ni na meuh mai, kum 25 kan thlah fel awrh chauh a, a rei ber pawh kum 25 chauh a la awm tihna a ni. Fak derna ui viau e ti lo chuan infak ar ek erawh kan thiam leh viau lawisi. Mitthi dar ri aiin inneihna dar ri in hlimna a siam zui ang bawkin fakna te, infuihtawnna te hi hei ai hian i uar sauh sauh ang u. Veng hmasawnna a nihte chuan engah nge chu’ng thil chu kan hman loh ang. A pawimawh hmasa ber chu thinlung a ni. Khawtlang nun tha neih hmasak loh chuan ram leh hnam kalsiam a dik thei lova. ram leh hnam humhalh dawn chuan rinawmna, dikna leh huaisenna a pawimawh tih hriain kum 2012-ah hian rilru thar nen pheilai i khai suau suau ang u.
EDITORIAL
KHAWTLANG HMASAWNNAN NU LEH PATE KAN PAWIMAWH Kum a lo thar leh ta a, mitinte mahni hna leh mahni eizawnna kawng hrang hrang ah kan phe tan ta, mitinte hian kan ngaihpawimawh ber leh kan lungkham ber chu kan eizawnna hi a ni a, kan tih tur leh kan mawhphurhna pawh a ni awm e.
Chutih lai chuan kan fanau rochan te hi kan thlahthlam lutuk chuan he khawtlang leh chhungtinte hian buaina leh harsatna kan hmachhawn ngei ang. Khawvel a changkang a, thiamna a sang zel ang hian suah sualna pawhin san lam a pan nasa hle bawk a ni. Vengchhung a lo thianghlima hma kan sawn zel theihnan leh sualna a lo pun zel loh nan nu leh pa te hian kan fanau te hi kan khuahkhirh thiam a tha hle awm e.
Tunlai hian kan Vengchhung ah ngei pawh thalai (tleirawl/ Rawlthar) ruihhlo ti leh suah sualna a inhnamhnawih tan an tam leh ta hle mai a, heng hi khawtlang ang chuan hmalak thiam a hra hle a, kan khawtlang hruaitute kut a dah ringawt hian kan khawtlang hi a siam tha thei tawh lo a ni tih hi nu leh pate hian i hre thar leh theuh ang u.
\ Tin, Vengchhung chhiattawh chungchangah pawh thalaite hian kan mawhphurhna kan hlen lo hle a, tin, pawl anga hnatlang leh chhuahkhawm ni khua te hian nu leh pa te hian kan Fate hi i tir chhuak thin ang u.
No comments:
Post a Comment