TYMA SILVER JUBILEE CELEBRATION
SUB-COMMITTEE DIN A NI TA!
( Silver Jubilee hi ropui taka hman tum a ni )
Tuithiang Veng Dt. 22.1.2012 : Branch YMA Tuithiang Veng in nakum 2013 a Silver Jubilee a lawm theih tawh dawn avangin TYMA chuan Silver Jubilee Celebration Sub-Committee a din a. Branch Executive Committee ina Chairman, Secretary leh Treasurer tur a ruat sak hnuah he Sub- Committee hian an O.B. turte leh an Committee member turte hetiang hian an ruat nghal-
Chairman - Pu. R.Rohmingthanga
Vice Chairman - Pu. Thanglianzauva
Secretary - Pu. S.Lalmalsawma
Asst. Secretary - Pu. Vanlalrengpuia
Treasurer - Pu. H. Lianzama
Member te -
1) Branch YMA O.B. zawng zawngte
2) Pu. Bawiliana (Ex.President TYMA)
3) Pu. Zolianlunga (Ex. President TYMA)
4) Pu. Zongensanga Sailo (Ex. President)
5) Pu. K. Vanlalruala 6) Pu. Thuamchungnunga
7) Pu. V.L.Zuala Ralte 8) Pu. Joseph Vanlalhruaia Sailo
9) Pu. Vanlalthlana 10) Pu. Khawlremthanga
11) Pu. Lalramsiama 12) Pu. Zairemthanga
13) Pu. Pu. S.H. Lalropuia 14) Section 2012 tin Leader & Secretary
15) MUP aiawh 16) MHIP aiawh 1
(Hei hi Committee member-a an tel thu hriattirna a ngai nghal tura ngen nghal an ni e.)
He Committee hian kumin chhung hian chak takin hma an la tan nghal dawn a. An hnuaiah hian Committee pawimawh tak tak heng - Souvenir Sub- Comtt. te, Fund Raising Comtt. te, Documentation Sub- Comtt. te, Decoration Sub- Comtt. te, Ruai Commtt. te, Programme Commtt. te, leh tul dang ang angte ah hma an la dawn a. He kan Veng YMA Silver Jubilee hi a ropui thei ang bera lawm a nih theihnan anni ho hian tun atang hian hma an la chho tan dawn a ni.
LAWTRKHAWM
** Tuithiang Veng Badminton Hall Kawngkapui chu Tala lian hmanga la kalh mek a ni. Tarlan tawh angin kar hmasa lama he Hall kawngka tihchhiat a nih avang khan TVGSA Badminton Club te chuan naupang luh theih loh turin he Hall Kawngka hi an la kalh mek a ni.
** Tun hnaia VRS (Voluntary Retirement Scheme) hnuaia Zirtirtu lak tharah kan veng atangin Pi. Sarah V.L. Rindiki w/o Pu. Lalhruaitluanga ( Pu.Thanglianzauva monu) chu Lungdai P/S ah leh Pu. Benjamin Laltanpuia chu Vaphai P/S ah zirtirtu tura lak an ni a. Tin, Pi.C.Lalhruaizeli w/o Pu. Robert Ramsangliana (L) pawh Mualvum M/S a Art Teacher tura lak thar a ni. Kan lawmpui hle.
** Dt.20.1.2012 khan Tuithiang Veng Local Council leh TYMA Duty te chuan Pu. Lalchhunga Zu zawrh tur Liter 15 an man sak a. Zu rawn petu hi Excise Police te hnena hlan nghal a ni a, Pu.Lalchhunga te chhungkua pawh hi ‘Last Warning’ pek nghal an ni bawk.
** Pi Thanpari w/o F.H. Hranghnuna chu tunlai hian kawnghreh avangin In lamah a in enkawl mek.
** Nicky Malsawmtluanga s/o Lalropara chu Ka na avanga Durtlang Hospital-a admit a nih hnuin tunkar khan an rawn chhuak
** Nl Lalramsangi (Sangte-i) V.Sec te unau chu chhungkaw pawimawhna avangin Hliappui ah an zin.
** Pu Saiaithanga te chhungkua chuan an tupa H. Lalmalsawma hriatrengnan Dt 16/1/12 khan No 5 Dozen leh Dekchi lian (Vawk pum khat leng) TYMA hnenah an Donated a, an chungah Branch YMA in lawmthu a sawi nghal a ni.
** Kan Veng Congress Unit te chuan Pu R. Dothanga In bul Side Drain an siam a, tin, Pu Thanthiauva te In bul Side Drain siam leh turin hma an la mek. An chungah Veng mipuite an lawm hle a ni.
** Pi Sangluri w/o Zongensanga chu Hortoki lamah thil pawimawh avangin a zin a, nimin khan a rawn haw.
** Pi M.S.Dawngliani w/o T. Vanlalliana chu tunlai hian Serchhip lamah chhungkaw pawimawhna avangin a zin.
MEMBERPUITE CHANCHIN
** Pu. C.Lalsangzuala, Pu. Lalhumhima leh Pu. H.Sanghluna te pawh tunlai hian Socio Economics & Caste Census avangin an bial theuh buaipuiin an buai thei thin zak zak hle.
** Pu. R. Lalthlamuana, Asst. Secretary TYMA, pawh chhungkaw pawimawh vanga Lunglei lama a zin hnuin nimin khan dam takin a rawn haw leh ta.
** Pu S. Lalmalsawma chu tunkar khan a hnathawhna hmun Lunglei atangin Khawmpui hmang turin a rawn haw a, karleh lam a phei leh dawn niin kan lo hriat
** Tv Lalrinsanga kan Chanchinbu Joint Editor chu tunlai hian Lawma Enfield Bullet Dawr ah a buai thei hle a, vengchhungah a hmel kan hmu khat hle.
** Indo-Bangla Boundary hung chungchanga Mizoram & India aiawhte hruaitu Pu. Lalrinzuala (Pu.Valte-a), Fin. Secy. TYMA, chu nimin khan a rawn haw zawk a, tunkar lo awm turah hian a hnathawhna lamah a kal leh nghal dawn niin kan lo hria.
** Nl R. Lalremtluangi T.Sec chu tunlai hian Champhai lamah lungphun hmangin an zin.
** Tv. Vanromawia (Vr-a) T.Sec chu hun engemaw chen Thal Bawk avanga Civil Hospital a awm hnuin tunkar khan Armed Veng M.I. Room ah dah a ni, a lo thatchhuah lehthuai kan beisei.
** Nl Zomuansangi (Asen-i) te unau chu chhiatawhna avanga Kepran lama hun engemaw chen an thang hnuin tunkar khan an rawn haw.
THUZIAK LEH NGAIHDAN
KAWNPUI LAL VUINA AH KAN
ZUK TEL VE A!
- U. Sanga
January 3, 2012 tlai lama Branch YMA Executive Committee hmasa ber nei tura kan inpuahchah laiin Ku. Rommy-a’n a patea, Pu. R. Khawma, MC, BGM a thih tak thu te, Committee a a rawn kal theih dawn tak loh thute chu phone in min rawn hrilh a. Hemi zan hian Nu.Rami te, Nu Mawii te leh an fate engemaw zat nen Khawnpui lamah an liamthla nghal a. A thihna Veng Chaltlang Branch YMA te pawhin an chawimawi thiam kher mai! An chhungte tan chauh nilo, a khua leh tuite tan chauh pawh nilo.. Mizoram pum huapa pa chhuanawm leh ngaihsan tlak thlah a nih dan kha a ropui khawp mai. Kum 4 kalta a Zonet TV a an rawn kawm atang khan Pu. Khawma kha kalo Star tawh thin a. Mizopa zinga pa ropui, a khua leh tuite tana mi inpe zo thak thin a nihna avang khan ka ngaisang a ni.
TUNGE PU. MC KHAWMA CHU?
Kum 102 mi ni a thi ta Pu. Khawma kha Kum 1910 a Bukpui khua a piang a ni a. Kum 1933 khan Burma ramah chho in, 1st Battallion Burma Rifles ah a lut a. Chutah chuan ‘Subedar’ thlengin a han tang a. Intelligence Officer hna a chelh thin a ni. Sipaia a tan chhung hian Medal 6 leh Military Cross a hmu a. Chutiang khawpa sipai dangdai leh huaisen, ral beihna a vanneih avanga thi ve ngai lo a nih avang chuan British Officer te hriat pawh a hlawh chho ta zel a. Tichuan chawlh hmanga Aizawla a rawn haw tumin, kum 1946 khan khatih laia Bawrhsap H.R.H. Mc Donald I.C.S. chuan Khawnpui Lal nilai Pu. Saitulera thlak turin alo sawm a. Tichuan 1.1.1946 ah Khawnpui Lal a lo ni ta a ni.
Kum 8 a Lal hnu 1954 a Lal ban a nih lai khan a khua leh tuite lamah tangin, Lal ban an duh thu aupuiin, an khua ah khan nasa takin tan a la ve thin a. Lal ban an nih hnua Mizo Union alo din khan Kawnpui khua ah Mizo Union President hmasa ber a ni zui ta bawk a ni.
A Lal chhung khan a khaw thenawmte nena inthianthatnan leh inkawmngeihnan Sports lam a uar thin hle a. Kum tam tak a nih thlengin Tournament ah pawh tel vein, Hockey te, Football te kha a khel ve thin a. Tin, chutiang ang khawpa Tournament lian, Khaw 36 vel tel thinna khawp khelh a nih theihnan Kawnpui khua ah Playground laih hna a khua leh tuite a thawhpui tlut tlut thin a ni.
Zirna lamah pawh nasa takin hma a la thin a. A hmalakna avangin Khawnpui khua hi zirna School nei hmasa pawl an lo ni ta reng a ni.
A mizia a tha a, tute tan pawha pa biak nuam a ni thin. Pa fiamthu thiam leh pa hriseltha a ni a. Kum 100 mi a nih thlengin mit leh beng tha tak nei a ni bawk. Chutiang ang mi chu 3.1.2012 khan a chatuan hmun panin a kal ta a ni. Pu. Khawma khan fa 12 leh tu 85 a nei a. A han vanneih em em zia chu...a thih thleng khan a nupui bakah a tu te zinga 2 chiah ala sun a ni.
A VUINI KHAN....
Tukthuan eikhamah LENTUPUI Editor Pu. Mamawitea nen, Bike a inphurin, YMA lama kan Sanhedrin K’u Rommy-a Patea Vui turin Kawnpui lamah kan zuk kal ve vang vang a. Kawnpui khua kan han lut chu alo reh ruih mai a? Dawr te, Thingpui dawr ang chite kha an lo khar deuh thup mai a. Tin, In tin deuhthaw kha a inkhar a. An kawtah Pawndum te, Puan dum te kha Flag lianpui ang hian an lo zar hlawm a. A Lal In kan han thleng chho a, a kawt leh a velah chuan mipui tam tak hi an lo thu nghuk mai a! Motor chi hrang hrang han tam zia mai lah chuh! A Lal lai leh a Lal hun hre pha tawh miah lo tur Kawnpui mipui tena khatiang taka an Lal ni thin ngaihlu a, an Nu leh Pa leh an Pi leh Pu te lo kaihruai thin tawhtu ngaihlu a, an theih ang tawka an khaw Lal hlui chawimawi nachang an hria kha an fakawm takzet a ni.
A Lal Ina vui a nih hnuin a In kawta Thlan thuk taka laih ah ropui takin an vui liam ta a ni.
SAWI DUH DANG :
*** Pu.MC Khawma Lal In hi ama hunlaia a sak, tun thlenga la ding a ni a. Portuguese Style in, ban awm miah lovin Lung chhawng chunga sak a ni a. Tin Chunglam atanga enin a In Design hi Cross ang chiaha sak a ni bawk.
*** Indopui II-na a thihna laka a talchhuah zin avang leh a damrei em avangin “Khawm Thitheilova” tia sawi a ni thin a. Kum 102 mi ni a a han thih tak hnu khan Kawnpui naupang thenkhat chu ‘Khawm thi theilova a thi ta’ tiin an au lang lang e an ti!
*** A Lal lai khan Bawrhsap kha Inspection Bunglow ah thleng duh lovin, Silchar tlangdunga a zin apiangin Khawnpuiah, Pu. Khawma Inah a thleng ziah thin an ti.
*** Nikum lawka British High Commissioner lo zin tum khan...Pu. MC Khawma hi a rawn zawng chhuak vang vang a ni.
*** A Lal chhungin thubuai 1 chiah rem ngaiin a awm a. Chu chu ‘Hnute deh thubuai’ a ni. An han ngaihtuah tan a, chutah Pu. Khawma chuan, “Engpawhnise, kan thubuai chai tur hi thil heksak lutuk lo lam niin a lang a. Chuvang chuan thu ti sosang lutuk lova a hektu leh a heka te an inchalrem theih hi ka duh dan ber a ni” a han tih takah chuan chu thubuai chu kal zel lovin ‘inchalrem’ a ngawih bosan tak a ni.
*** Bawrhsap Pu. Barkataki nen khan tum khat chu, ngaihdan inan loh avangin ‘ Fair takin’ an in-Boxing chiam tawh. Bawrhsap Boxing pui ngam a nih avangin Mizo mipui ten an ngaisang thin hle.
INKAHNA
** “ Tv. Rema, nang chuan Khuangchera Sec. Secretary atanga bul i tan leh dawn laiin...kei chuan Pu. ka nih san dawn ta che a nih hi! Nang pawhin, ila hmu ve thuai ang, beidawng ngai suh!”
- Tv. Biakdinga
** “ Husband’s Name - Joseph, Wife’s Name is Mary. Mahse an ‘Son’ Name chu ‘Lalhluzuala’ a ni daih! Krismas Drama nen inkungkaihna an nei lo tlats!” - Pi. Mathiangi
** “ Kan Pu. Ben-a, Vaphai ah maw i awm dawn? I rawn haw changin Ni khat motor hmanga i kal vang vang hnuah Champhai i rawn chuang chhuak hlawl anga, i thawveng hawk thin dawn a ni maw! He he he....!” - Pu. LTA ( Member, Presbyterian of Troy)
EPIC LAK THEIH
A hnuaia hming tarlan te Epic hi Dt 25/1/12 (National Voters day) zing dar 7:30 ah Pu F. Vanlalruata BLO In ah sem tur a ni a, kim taka kal tur a ni e.
1) C. Lallawmawma 2) Sangkungi 3) Lalhriatpuia
4) Lalnunhlima 5) H. Lalruatfela 6) Lalnunziri
7) RMS Dawngkimi 8) J. Lalbiakfeli 9) Ramngaihmawii
10) Vanlalhmangaihzuali 11) Angela Lungtiawii 12) Zoramliana Sailo
13) F. Lalmuanpuia 14) Lalnunmawii 15) Lalruatkima
16) Vanlalnunfeli 17) Bethel Lalhlimpuia 18) Linda Lalduhzuali
19) A. Lalduhzuala 20) Malsawmdawngkima 21) R. Lalrinsanga
22) Angela Lalthantluangi 23) T. Lalhmachhuani 24) Dorothy Zirsangpuii
25) Richard Lalmalsawma 26) Lalrindika 27) John Lalchhanchhuahkima
28) Lalduhsangi 29) Siamthangi 30) Lalnuntluanga
31) V.L. Hruaitluanga 32) T. Lalhmachhuani 33) Hilda Zonunmawii
34) Vanlalhmachhuani 35) Lalfakawmi 36) Lalremsangi Khawhring
37) Lianmuansanga 38) R. Lalhmingsangi 39) P.C. Vanlalhmudika
40) Zorampari 41) Saithangpuia 42) G. Lalrammawia
43) Vannunmawii 44) James Lalrinmawia 45) Lalawmawii
46) Michael Malsawmdawngliana
LENTUPUI SMS HUANG..!!
*** He kan Veng lian lo tak hi i hmangaih tak taka a neitu anga i in ngai a nih chuan eng pawl pawh sawiseltu ni lovin, mahni phak tawk ah hlamchhiah lotu ah tan tum ang che. - 9774836904
*** Kan vengah Gas an rawn sem thin a, duhthawh a na thei hle..!! mahse hemi avanga hmanhmawh phelenga Gas Bur Metal Road a kan nghat chawrh chawrh leh kan hnuk hrawi hrawi thin hi chu nei leh nei lova kan siam kan kawngpui tichhetu dik tak kan ni.. - 9615455769
EDITORIAL
Ngaituah that a ngai
Mitin in nitin nun a kan mamawh Gas leh current ah hian kan veng hian harsatna vawiin ni thleng hian kan la nei neuh neuh a,hei i a mawhphurtu ten kan ngaihtuah that a,a tul dan anga hma kan lak vat vat a hun ta hle mai..!!
Transformer lian tha tawk tak veng chhung in tin chawm tur a thlanmual a kan bun khu veng mipui ten rualkhai taka hmang thei tur hian enge tih ngai ang..kan hmalak tawhsa hi chhunzawm a va duhawm tak em,chhungkaw thenkhat chuan mahni sum sengin electric Dept. lam atanga linemen ruai in an current hniam lutuk an lo siam tir thin a,hei hi kan in sengso na tur a ni tawh lo..a tir a connection kan lak dawn khan senso ngai zawng zawng kan seng zo vek tawh a ni.
Tin Gas sem dan chungchang ah pawh hian chhungkua pakhatin vawikhatah bur khat aia tam lakphal loh a ni laiin thenkhat in bur hnih bur thum an la thin te hi hruaitute hian dan a khauh zawk a lek a rualkhai tak a sem a nih theih dan tur an ngaihtuah a hun tawh takzet a ni.
SUB-COMMITTEE DIN A NI TA!
( Silver Jubilee hi ropui taka hman tum a ni )
Tuithiang Veng Dt. 22.1.2012 : Branch YMA Tuithiang Veng in nakum 2013 a Silver Jubilee a lawm theih tawh dawn avangin TYMA chuan Silver Jubilee Celebration Sub-Committee a din a. Branch Executive Committee ina Chairman, Secretary leh Treasurer tur a ruat sak hnuah he Sub- Committee hian an O.B. turte leh an Committee member turte hetiang hian an ruat nghal-
Chairman - Pu. R.Rohmingthanga
Vice Chairman - Pu. Thanglianzauva
Secretary - Pu. S.Lalmalsawma
Asst. Secretary - Pu. Vanlalrengpuia
Treasurer - Pu. H. Lianzama
Member te -
1) Branch YMA O.B. zawng zawngte
2) Pu. Bawiliana (Ex.President TYMA)
3) Pu. Zolianlunga (Ex. President TYMA)
4) Pu. Zongensanga Sailo (Ex. President)
5) Pu. K. Vanlalruala 6) Pu. Thuamchungnunga
7) Pu. V.L.Zuala Ralte 8) Pu. Joseph Vanlalhruaia Sailo
9) Pu. Vanlalthlana 10) Pu. Khawlremthanga
11) Pu. Lalramsiama 12) Pu. Zairemthanga
13) Pu. Pu. S.H. Lalropuia 14) Section 2012 tin Leader & Secretary
15) MUP aiawh 16) MHIP aiawh 1
(Hei hi Committee member-a an tel thu hriattirna a ngai nghal tura ngen nghal an ni e.)
He Committee hian kumin chhung hian chak takin hma an la tan nghal dawn a. An hnuaiah hian Committee pawimawh tak tak heng - Souvenir Sub- Comtt. te, Fund Raising Comtt. te, Documentation Sub- Comtt. te, Decoration Sub- Comtt. te, Ruai Commtt. te, Programme Commtt. te, leh tul dang ang angte ah hma an la dawn a. He kan Veng YMA Silver Jubilee hi a ropui thei ang bera lawm a nih theihnan anni ho hian tun atang hian hma an la chho tan dawn a ni.
LAWTRKHAWM
** Tuithiang Veng Badminton Hall Kawngkapui chu Tala lian hmanga la kalh mek a ni. Tarlan tawh angin kar hmasa lama he Hall kawngka tihchhiat a nih avang khan TVGSA Badminton Club te chuan naupang luh theih loh turin he Hall Kawngka hi an la kalh mek a ni.
** Tun hnaia VRS (Voluntary Retirement Scheme) hnuaia Zirtirtu lak tharah kan veng atangin Pi. Sarah V.L. Rindiki w/o Pu. Lalhruaitluanga ( Pu.Thanglianzauva monu) chu Lungdai P/S ah leh Pu. Benjamin Laltanpuia chu Vaphai P/S ah zirtirtu tura lak an ni a. Tin, Pi.C.Lalhruaizeli w/o Pu. Robert Ramsangliana (L) pawh Mualvum M/S a Art Teacher tura lak thar a ni. Kan lawmpui hle.
** Dt.20.1.2012 khan Tuithiang Veng Local Council leh TYMA Duty te chuan Pu. Lalchhunga Zu zawrh tur Liter 15 an man sak a. Zu rawn petu hi Excise Police te hnena hlan nghal a ni a, Pu.Lalchhunga te chhungkua pawh hi ‘Last Warning’ pek nghal an ni bawk.
** Pi Thanpari w/o F.H. Hranghnuna chu tunlai hian kawnghreh avangin In lamah a in enkawl mek.
** Nicky Malsawmtluanga s/o Lalropara chu Ka na avanga Durtlang Hospital-a admit a nih hnuin tunkar khan an rawn chhuak
** Nl Lalramsangi (Sangte-i) V.Sec te unau chu chhungkaw pawimawhna avangin Hliappui ah an zin.
** Pu Saiaithanga te chhungkua chuan an tupa H. Lalmalsawma hriatrengnan Dt 16/1/12 khan No 5 Dozen leh Dekchi lian (Vawk pum khat leng) TYMA hnenah an Donated a, an chungah Branch YMA in lawmthu a sawi nghal a ni.
** Kan Veng Congress Unit te chuan Pu R. Dothanga In bul Side Drain an siam a, tin, Pu Thanthiauva te In bul Side Drain siam leh turin hma an la mek. An chungah Veng mipuite an lawm hle a ni.
** Pi Sangluri w/o Zongensanga chu Hortoki lamah thil pawimawh avangin a zin a, nimin khan a rawn haw.
** Pi M.S.Dawngliani w/o T. Vanlalliana chu tunlai hian Serchhip lamah chhungkaw pawimawhna avangin a zin.
MEMBERPUITE CHANCHIN
** Pu. C.Lalsangzuala, Pu. Lalhumhima leh Pu. H.Sanghluna te pawh tunlai hian Socio Economics & Caste Census avangin an bial theuh buaipuiin an buai thei thin zak zak hle.
** Pu. R. Lalthlamuana, Asst. Secretary TYMA, pawh chhungkaw pawimawh vanga Lunglei lama a zin hnuin nimin khan dam takin a rawn haw leh ta.
** Pu S. Lalmalsawma chu tunkar khan a hnathawhna hmun Lunglei atangin Khawmpui hmang turin a rawn haw a, karleh lam a phei leh dawn niin kan lo hriat
** Tv Lalrinsanga kan Chanchinbu Joint Editor chu tunlai hian Lawma Enfield Bullet Dawr ah a buai thei hle a, vengchhungah a hmel kan hmu khat hle.
** Indo-Bangla Boundary hung chungchanga Mizoram & India aiawhte hruaitu Pu. Lalrinzuala (Pu.Valte-a), Fin. Secy. TYMA, chu nimin khan a rawn haw zawk a, tunkar lo awm turah hian a hnathawhna lamah a kal leh nghal dawn niin kan lo hria.
** Nl R. Lalremtluangi T.Sec chu tunlai hian Champhai lamah lungphun hmangin an zin.
** Tv. Vanromawia (Vr-a) T.Sec chu hun engemaw chen Thal Bawk avanga Civil Hospital a awm hnuin tunkar khan Armed Veng M.I. Room ah dah a ni, a lo thatchhuah lehthuai kan beisei.
** Nl Zomuansangi (Asen-i) te unau chu chhiatawhna avanga Kepran lama hun engemaw chen an thang hnuin tunkar khan an rawn haw.
THUZIAK LEH NGAIHDAN
KAWNPUI LAL VUINA AH KAN
ZUK TEL VE A!
- U. Sanga
January 3, 2012 tlai lama Branch YMA Executive Committee hmasa ber nei tura kan inpuahchah laiin Ku. Rommy-a’n a patea, Pu. R. Khawma, MC, BGM a thih tak thu te, Committee a a rawn kal theih dawn tak loh thute chu phone in min rawn hrilh a. Hemi zan hian Nu.Rami te, Nu Mawii te leh an fate engemaw zat nen Khawnpui lamah an liamthla nghal a. A thihna Veng Chaltlang Branch YMA te pawhin an chawimawi thiam kher mai! An chhungte tan chauh nilo, a khua leh tuite tan chauh pawh nilo.. Mizoram pum huapa pa chhuanawm leh ngaihsan tlak thlah a nih dan kha a ropui khawp mai. Kum 4 kalta a Zonet TV a an rawn kawm atang khan Pu. Khawma kha kalo Star tawh thin a. Mizopa zinga pa ropui, a khua leh tuite tana mi inpe zo thak thin a nihna avang khan ka ngaisang a ni.
TUNGE PU. MC KHAWMA CHU?
Kum 102 mi ni a thi ta Pu. Khawma kha Kum 1910 a Bukpui khua a piang a ni a. Kum 1933 khan Burma ramah chho in, 1st Battallion Burma Rifles ah a lut a. Chutah chuan ‘Subedar’ thlengin a han tang a. Intelligence Officer hna a chelh thin a ni. Sipaia a tan chhung hian Medal 6 leh Military Cross a hmu a. Chutiang khawpa sipai dangdai leh huaisen, ral beihna a vanneih avanga thi ve ngai lo a nih avang chuan British Officer te hriat pawh a hlawh chho ta zel a. Tichuan chawlh hmanga Aizawla a rawn haw tumin, kum 1946 khan khatih laia Bawrhsap H.R.H. Mc Donald I.C.S. chuan Khawnpui Lal nilai Pu. Saitulera thlak turin alo sawm a. Tichuan 1.1.1946 ah Khawnpui Lal a lo ni ta a ni.
Kum 8 a Lal hnu 1954 a Lal ban a nih lai khan a khua leh tuite lamah tangin, Lal ban an duh thu aupuiin, an khua ah khan nasa takin tan a la ve thin a. Lal ban an nih hnua Mizo Union alo din khan Kawnpui khua ah Mizo Union President hmasa ber a ni zui ta bawk a ni.
A Lal chhung khan a khaw thenawmte nena inthianthatnan leh inkawmngeihnan Sports lam a uar thin hle a. Kum tam tak a nih thlengin Tournament ah pawh tel vein, Hockey te, Football te kha a khel ve thin a. Tin, chutiang ang khawpa Tournament lian, Khaw 36 vel tel thinna khawp khelh a nih theihnan Kawnpui khua ah Playground laih hna a khua leh tuite a thawhpui tlut tlut thin a ni.
Zirna lamah pawh nasa takin hma a la thin a. A hmalakna avangin Khawnpui khua hi zirna School nei hmasa pawl an lo ni ta reng a ni.
A mizia a tha a, tute tan pawha pa biak nuam a ni thin. Pa fiamthu thiam leh pa hriseltha a ni a. Kum 100 mi a nih thlengin mit leh beng tha tak nei a ni bawk. Chutiang ang mi chu 3.1.2012 khan a chatuan hmun panin a kal ta a ni. Pu. Khawma khan fa 12 leh tu 85 a nei a. A han vanneih em em zia chu...a thih thleng khan a nupui bakah a tu te zinga 2 chiah ala sun a ni.
A VUINI KHAN....
Tukthuan eikhamah LENTUPUI Editor Pu. Mamawitea nen, Bike a inphurin, YMA lama kan Sanhedrin K’u Rommy-a Patea Vui turin Kawnpui lamah kan zuk kal ve vang vang a. Kawnpui khua kan han lut chu alo reh ruih mai a? Dawr te, Thingpui dawr ang chite kha an lo khar deuh thup mai a. Tin, In tin deuhthaw kha a inkhar a. An kawtah Pawndum te, Puan dum te kha Flag lianpui ang hian an lo zar hlawm a. A Lal In kan han thleng chho a, a kawt leh a velah chuan mipui tam tak hi an lo thu nghuk mai a! Motor chi hrang hrang han tam zia mai lah chuh! A Lal lai leh a Lal hun hre pha tawh miah lo tur Kawnpui mipui tena khatiang taka an Lal ni thin ngaihlu a, an Nu leh Pa leh an Pi leh Pu te lo kaihruai thin tawhtu ngaihlu a, an theih ang tawka an khaw Lal hlui chawimawi nachang an hria kha an fakawm takzet a ni.
A Lal Ina vui a nih hnuin a In kawta Thlan thuk taka laih ah ropui takin an vui liam ta a ni.
SAWI DUH DANG :
*** Pu.MC Khawma Lal In hi ama hunlaia a sak, tun thlenga la ding a ni a. Portuguese Style in, ban awm miah lovin Lung chhawng chunga sak a ni a. Tin Chunglam atanga enin a In Design hi Cross ang chiaha sak a ni bawk.
*** Indopui II-na a thihna laka a talchhuah zin avang leh a damrei em avangin “Khawm Thitheilova” tia sawi a ni thin a. Kum 102 mi ni a a han thih tak hnu khan Kawnpui naupang thenkhat chu ‘Khawm thi theilova a thi ta’ tiin an au lang lang e an ti!
*** A Lal lai khan Bawrhsap kha Inspection Bunglow ah thleng duh lovin, Silchar tlangdunga a zin apiangin Khawnpuiah, Pu. Khawma Inah a thleng ziah thin an ti.
*** Nikum lawka British High Commissioner lo zin tum khan...Pu. MC Khawma hi a rawn zawng chhuak vang vang a ni.
*** A Lal chhungin thubuai 1 chiah rem ngaiin a awm a. Chu chu ‘Hnute deh thubuai’ a ni. An han ngaihtuah tan a, chutah Pu. Khawma chuan, “Engpawhnise, kan thubuai chai tur hi thil heksak lutuk lo lam niin a lang a. Chuvang chuan thu ti sosang lutuk lova a hektu leh a heka te an inchalrem theih hi ka duh dan ber a ni” a han tih takah chuan chu thubuai chu kal zel lovin ‘inchalrem’ a ngawih bosan tak a ni.
*** Bawrhsap Pu. Barkataki nen khan tum khat chu, ngaihdan inan loh avangin ‘ Fair takin’ an in-Boxing chiam tawh. Bawrhsap Boxing pui ngam a nih avangin Mizo mipui ten an ngaisang thin hle.
INKAHNA
** “ Tv. Rema, nang chuan Khuangchera Sec. Secretary atanga bul i tan leh dawn laiin...kei chuan Pu. ka nih san dawn ta che a nih hi! Nang pawhin, ila hmu ve thuai ang, beidawng ngai suh!”
- Tv. Biakdinga
** “ Husband’s Name - Joseph, Wife’s Name is Mary. Mahse an ‘Son’ Name chu ‘Lalhluzuala’ a ni daih! Krismas Drama nen inkungkaihna an nei lo tlats!” - Pi. Mathiangi
** “ Kan Pu. Ben-a, Vaphai ah maw i awm dawn? I rawn haw changin Ni khat motor hmanga i kal vang vang hnuah Champhai i rawn chuang chhuak hlawl anga, i thawveng hawk thin dawn a ni maw! He he he....!” - Pu. LTA ( Member, Presbyterian of Troy)
EPIC LAK THEIH
A hnuaia hming tarlan te Epic hi Dt 25/1/12 (National Voters day) zing dar 7:30 ah Pu F. Vanlalruata BLO In ah sem tur a ni a, kim taka kal tur a ni e.
1) C. Lallawmawma 2) Sangkungi 3) Lalhriatpuia
4) Lalnunhlima 5) H. Lalruatfela 6) Lalnunziri
7) RMS Dawngkimi 8) J. Lalbiakfeli 9) Ramngaihmawii
10) Vanlalhmangaihzuali 11) Angela Lungtiawii 12) Zoramliana Sailo
13) F. Lalmuanpuia 14) Lalnunmawii 15) Lalruatkima
16) Vanlalnunfeli 17) Bethel Lalhlimpuia 18) Linda Lalduhzuali
19) A. Lalduhzuala 20) Malsawmdawngkima 21) R. Lalrinsanga
22) Angela Lalthantluangi 23) T. Lalhmachhuani 24) Dorothy Zirsangpuii
25) Richard Lalmalsawma 26) Lalrindika 27) John Lalchhanchhuahkima
28) Lalduhsangi 29) Siamthangi 30) Lalnuntluanga
31) V.L. Hruaitluanga 32) T. Lalhmachhuani 33) Hilda Zonunmawii
34) Vanlalhmachhuani 35) Lalfakawmi 36) Lalremsangi Khawhring
37) Lianmuansanga 38) R. Lalhmingsangi 39) P.C. Vanlalhmudika
40) Zorampari 41) Saithangpuia 42) G. Lalrammawia
43) Vannunmawii 44) James Lalrinmawia 45) Lalawmawii
46) Michael Malsawmdawngliana
LENTUPUI SMS HUANG..!!
*** He kan Veng lian lo tak hi i hmangaih tak taka a neitu anga i in ngai a nih chuan eng pawl pawh sawiseltu ni lovin, mahni phak tawk ah hlamchhiah lotu ah tan tum ang che. - 9774836904
*** Kan vengah Gas an rawn sem thin a, duhthawh a na thei hle..!! mahse hemi avanga hmanhmawh phelenga Gas Bur Metal Road a kan nghat chawrh chawrh leh kan hnuk hrawi hrawi thin hi chu nei leh nei lova kan siam kan kawngpui tichhetu dik tak kan ni.. - 9615455769
EDITORIAL
Ngaituah that a ngai
Mitin in nitin nun a kan mamawh Gas leh current ah hian kan veng hian harsatna vawiin ni thleng hian kan la nei neuh neuh a,hei i a mawhphurtu ten kan ngaihtuah that a,a tul dan anga hma kan lak vat vat a hun ta hle mai..!!
Transformer lian tha tawk tak veng chhung in tin chawm tur a thlanmual a kan bun khu veng mipui ten rualkhai taka hmang thei tur hian enge tih ngai ang..kan hmalak tawhsa hi chhunzawm a va duhawm tak em,chhungkaw thenkhat chuan mahni sum sengin electric Dept. lam atanga linemen ruai in an current hniam lutuk an lo siam tir thin a,hei hi kan in sengso na tur a ni tawh lo..a tir a connection kan lak dawn khan senso ngai zawng zawng kan seng zo vek tawh a ni.
Tin Gas sem dan chungchang ah pawh hian chhungkua pakhatin vawikhatah bur khat aia tam lakphal loh a ni laiin thenkhat in bur hnih bur thum an la thin te hi hruaitute hian dan a khauh zawk a lek a rualkhai tak a sem a nih theih dan tur an ngaihtuah a hun tawh takzet a ni.
No comments:
Post a Comment