8/Oct/2011

TUITHIANG VENG BRANCH YMA CONFERENCE 2011 DECEMBER 10 AH!

Tuithiang Dt 9.10.2011: Tuithiang Branch YMA chuan Branch pumhuapa intuaitharna leh Vengchhung Chhiatni inkaihhruaina dan ennawnna ni nghal bawk chu December 10, 2011 (inrinni) ah Holiday Palace, Sihhmui ah an nei dawn ta a. He huna kal tur hian member zawng zawngte ilo inbuatsaih lawk ang u.
TYMA Conference 2011 a ni hawt dawn e! A nuam in, he hun hi a tangkai dawn lutuk bawk! Holyday Palace neitupa Pu. Sailothanga Sailo chuan Tv. Vanlalrikhuma (L)....(Tuithiang Veng Val Upa) hriat rengnan a Picnic Spot a thlawna Ni 1 chhung hman min phalsak avangin TYMA Executive Committee 4/10/11 zana neih chuan kan tarlan ang hian hemi Ni hi tangkai taka hman tura programme ruahman nise an ti a. He hunah hian a kal apiang ten Rs. 30/- aia tlem lo theuh thawhkhawm tur a nih rualin, TYMA Section tin ten Rs. 1000/- theuh an thawh dawn bawk a. A bak mamawh dang atan Branch YMA Sum hman a ni ang.
He hun hi Picnic satliah ang a ni dawn lova, tangkai taka hman tum a ni. He hunah hian Tuithiang Veng khawtlang nghawng Agenda lian tak tak 4 vel, TYMA Chhiatni Thatni Inkaihhruaina Dan, etc. (Kan la rawn tarlang ang. Ed.) sawiho a ni dawn a. Member kal ten an ngaihdan tlang takin an sawi thei vek dawn a ni. He programme hi a hlawhtlin viau a, a zawngchhang thlak viau bawk chuan kum lo la awm leh zel turah pawh chhawm chhoh zel ala ni thei ang! TYMA member zawng zawngte kal tumin tun atang hian lo inruahman lawk vek ila, Tuithiang Veng inkaihhruaina dan leh dun tha tak alo pianchhuah ngei theihnan tun atang hian ilo inpuahchah lawk ang u. Tin, Tuichen hun pawh zau taka hawn a ni ang.

LAWRKHAWM

** Tunlai hian Bazar lam panna kawngpui sir laichhia a, Aircel Company tena an Cable an phum mek avangin, Ke a kalte leh Motor a kalte tan kal a nuam lo thin hle. Traffic jam pawh a tam phah hle. Engpawhnise; kan changkan phahna turah lo ngai phawt mai ila, tin, an tihchhiat phalsaktu Deptt. te pawhin (a tichhetu tena an chhiah pek hmangin) he kawng hi an siamthat leh thuai ilo beisei phawt mai ang u.
** Pu H. Vala chu tunkar khan Mitliam natna avangin Durtlang Hospital-ah admit a ni.
** Pu C. Laldina b/0 C. Kapkima chu damlohna avangin tunlai hian In lamah enkawl mek a ni.
** Pu C. Challiana chu Mizoram Hockey game-a sulhnu ropui tak lo nei tawh mi 20 thlan chhuah zingah an thlang ve a, 2nd grand Mizoram Hockey Championship closing function-ah chawimawina award hi an hlan a ni. Tin, an nu, Pi Baby Lalrammawii chu hna tul avanga Delhi lama a thang hnuin thawhlehni khan dam takin a lo haw leh ta.
** Pu Lalparliana te chhungkua chuan tunkar Zirtawpni khan an In thar an luah phei ta. In thar tha tak an neih tak avangin kan lawmpui e.
** Pi V. Hrangthuami chu B.P. sang avangin In lamah enkawl mek a ni. A lo thatchhuah leh thuai theihnan duhsakna kan hlan e.
** Pi Nuchhungi (Pi. Nu-i) w/o Pu. K. Lalsailova chu tunkar tirlam khan Aizawl Civil Hospt. ah a Mit (Eye) zai a ni a, tha chho zelin, tunah hian an In lamah enkawl zui mek a ni.
** Tuithiang Veng Middle School bul a, Pu Para thenawm a Pi Dindiki te rama tui pipe kal tir thin ten tunkar chhung hian kan tui pipe te sut turin min ngen a, In sakna in a dal dawn avangin a ranglamin sut i tum ang u.

MEMBERPUITE CHANCHIN

** Pu R. Rohmingthanga CEC Central YMA leh Pu. C.Lalsangzuala ( CEC Central YMA 1999 -2001) te chu YMA General Conference 2011, Kolasib a neih turah Central YMA O.B. thar thlanna a P.O. (Polling Officer) tura ruat an ni.
** Tv. David Zohmingthanga s/o Pu. Vanlalsiama chu tunkar a B.Pharm. result tihchhuah takah khan 1st Division ah a passed. Tv. David a hi kan lawmpuiin kan chhuang takzet a ni.
** Nl. Lalrinhlui c/o Pu F. Vanlalruata chu hun engemaw chen a nu boral avanga an khua Laisawral lama a zin hnuin dam takin a rawn haw leh ta.
** Pu Vanlalthlana te nupa chuan fapa duhawm tak tunkar khan Durtlangah an nei.
** Pu Krosstana chuan tunhnai khan Royal-Enfield mawi tak mai a lei thar. Kan lawmpui e.
** Pu V. Vanlalthlanga te chhungkua chu Phuaibuang lama an thang hnuin tunkar khan an rawn haw leh ta.
** Tv. T. Vanlalrambeiseia chu hun rei tak Durtlang Hospital-a a awm hnuin tunkar nilaini khan that lam panin a rawn chhuak ta.
** Tv. Bethel Lalhlimpuia chu tunkar khan a training-na hmun Bihar atangin chawlh hmangin a rawn haw.
** Tv. Jerome Lalmuanpuia chuan tunhnai khan Fazer bike a lei thar a. Tin, Jerome-a hi tunlai hian Ngopa lamah a zin.

INKAHNA-HUAT AWIH LOH


** “Ka Post atanga Ningani a ka lo haw a, Inrinni a ka kal leh tak thut nachhan chu maw....makpa LTA of Troy tihdan ka entawn vang a ni! Mahse Chawlhni a inkhawm nilen peih loh chuan a Khawharthlak duh lutuk!” - Sir El-a OR Sir. Mana, ti a Khawrihnim ho ina an koh tak ( Sir. Lalpate-a of TTV )
** “Lalpate, i dai zau poh leh min tizak tam ting dawn a nih hi! I hna atang hian rang takin bang vat mai rawh. Chu chu i puzawn ka nihna ang leh he veng pa lar ka nihna ang pawhin ka rawn a che.” - Pu. Rindika
** “Heidenrial Overlai hian hetiang em em hian ram a lak theih pawh hi ka ring lo, mahse, Pu Hute-a leh Pu Chalkunga te rilru leh thlarau lamah hna a thawk nasa zual bik a, a ngaihthlak mai duhtawk lovin, lo luhchilh an tum. Pu Hmuna te chhung pawh an in ngaihtuah mek bawk. UPC kan pung tan ta, Upa Para pawh a rawn pem leh nghal...” - Pu Awrhte-a (Heidenrial Overlai)
** “Het! Het! Zuilian, Zuilian! Nang tluka Nu hrisel lo hi kan zingah an awm lo! Nang zawk hi l Key sangin kan la rawn awi-liam tluar tluar ang che!” - I thian Nu Hrisel-te!
** “ Presbytery Choir-ah hian kum 8 bak chu kan ding tawh bik lovang! Lo chhinchhiah ngat mah rawh u!”
- Nl. Nunhlimi, Diki, Pekhlu-i & V. Hruaii TTV. Azl.
** “U.Zohminga hi chu a Vai Film bon tawp! Inneihna (Shaadi) hi a tuipuiin, a kal taima em em bawk! Vai Film pawh hi a tantirh atang hian Inneih buaia an buai thin hi! A hming thar atan Pyar U. Zohminga kan sa ta e!” - Tv. Laloma Rahul!
** “Fate hlimna Pa Br. OB-te an lang lo hi chu Red Card ka pe e. Sawisel ngam chuan ka hnenah sawisel rawh u.” - Pu C. Kapkima
** “Vanapa Section-a nula ka rim lai te em em hi chuan Valte,.. Section OB meeting hi ko tawh lo hram teh!! Branch KTP hla zir mah tih tawh mahnak lai a. Am taka len te pawh ka duh ve tehlul nen.... Pu Thangvunga lah hian min zui zel bawk si, ninawm lutuk..” - R. Ropuia (T.Sec)
** “Mamawitea, Sawma leh Tea te chu Mapuia nupui Sarah-i’n a tul apiang ti tur leh rawngbawl turin a chhawm a ni awm e” - Thahlira


EDITORIAL

Thalaite leh hnathawh

Khawvel a changkang tawlh tawlh a, kan Veng pawh kan changkang ve tial tial ta, hetih lai hian hmasawnna tur kan neih tam tak zingah Thalai awm mai mai te hian engnge kan thawh ve ang tih ngaihtuah a hun ta hle mai. Mizoram hmun hrang hrangah Lehkhathiam hna nei lo tiin kan buaipui chiam chiam a, hna kan tih hian eng hna emaw tha tak leh hlawk tak, hnathawh phu tawk aia hlawh tha kan beisei tlangpui zel mai hi kan tih fuh loh pakhat chu a ni.
Vengchhung rawlthar tam takte hian lehkha zir loh kara intihhlim emaw thian kawm emaw te kan uar lutuk thin hian sual lamah min hruai lut thin a ni. Tin, Awm mai mai hi sual tinreng zirna bul a ni a, thatchhiatna hmanraw tha ber a ni bawk. Keini thalai te hian thalai thawh tur chauh awm anga kan ngaiha chu hna chu kan hmuak a nih chuan engtikah mah thalai thawhtur hna kan hmu ngai lovang.
Hna bulfuk leh nghet vawn tur kan nei lo a nih chuan In chhung enkawl hna te, Ranvulh leh inhlawhna awm ang apianga inhlawh te hi kan tih tur a ni tih kan hriat a tul ta. Tin, zirlai kan nih chuan lehkhazir hi kan hna pawimawh nitina kan thawh tur a ni tih hre chunga hlawhtling ngei tura inzir kan mamawh hle bawk a ni.
Khawtlang / Veng changkanna bul ber chu kan nu leh pa te ni lovin a chhunga cheng Thalai te hi kan ni a, thiamna lam mai bakah mi taima te hian Veng leh khawtlang hming an ti mawi thin a ni. Chuvangin, thalaite kan than harh a tul tawh tak zet a ni.